كيف تصبح مدير مشروعات ناجح ؟ سؤال

**MaZaGAngeE** · 13-05-2013 11:08 PM

انا كتبت كلام كتير لكن النت فصلت و الكلام اتمسح ......... هلخصلك الموضوع في كلمتين ...

نوعية العمالة :

1- مؤهلات عليا
دول عايزين مدير يكون صايع و لبط و بيهتم جدا بالورق عشان كل واحد يتحمل مسؤولية عمله لأن لو مفيش ورق هيقولك انا نسيت او ده شغل فلان ... و كمان العمالة دي مشكلتها انهم اول ما ياخدوا خبرة صغيرة يدوروا على شغل في مكان تاني و بالتالي تلاقي دايما المديرين عارفين كده فيديله المعلومة الضرورية للشغل بس بدون شرح لأن لما هيفهم هيخلع ... كمان طلباتهم المالية و الوظيفية كتيرة و دائمة ...
و دول في الغالب بيكون ولاؤهم لصاحب الشركة او رئيس مجلس الادارة و معندوش اي مشكلة خالص انه يلبس المدير بتاعه حتى لو كان كويس معاه ( مش كلهم كده بس فيه ناس كتير كده )

2- عمالة فنية
دول بقى حكاية تانية خالص .... عايزين مدير جدع و ابن بلد و صاحب صاحبه و جد و بيحبهم و بيخاف عليهم بس مهم جدا انه يحافظ على مسافة في الحوار عشان العمال ممكن يلخبطوا بسهولة جدا فلما يكون عارف ان فيه حدود مش هينعداها ابدا لو حس ان المدير بتاعه مش هايف ..
العمالة دي ادارتهم مش بالورقة و القلم لأنهم بيخافوا مةت من الورق , لكن بالنقاش و التفاهم و المواقف الجدعنة و اول ما يحس ان المدير بتاعه بيخاف عليه و بيجيبله حقه من الادارة عندهم استعداد يموتوا نفسهم عشانه ....
و فيهم ناس من اقذر ما يكون ... تلاقيه تحت رجلك و من سكات كده يسخن باقي العمال عشان زيادة او اوفرتام او اي حاجة وخلاص ...

**Eng_Doaa** · 14-05-2013 01:57 AM

من خبرتى . بتحتاج حد يكون مسيطر أكتر . يعرف يجيب حقه و حق الناس اللى معاه . و ممكن قوى يخبط فى كل الناس عشان شغله ينجح .

صح ؟

**shaddadfalcon1** · 14-05-2013 08:46 AM

المشاركة الأصلية كتبت بواسطة eng_doaa

من خبرتى . بتحتاج حد يكون مسيطر أكتر . يعرف يجيب حقه و حق الناس اللى معاه . و ممكن قوى يخبط فى كل الناس عشان شغله ينجح .

صح ؟

صح
المدير القوي لازم يكون ليه سطوه ويعرف يجيب حقه وحق الناس اللي شغاله معاه

المدير السلبي الضعيف محدش بيحب يشتغل معاه حتي لو كان ماهر جدا في شغله

**ehabpopo** · 14-05-2013 10:02 AM

كل الكلام اللى انتم قولتوه كويس جدا والواضح ان كل واحد بيتكلم عن مواقف حدثت فى حياتة العملية ... او بعض المشاكل او الاحداث اللى مرت علية ... وان المدير لازم يبقى قوى ويجيب حق الناس ... الخ
لاكن فية بعض الامور يجب ان يكون المدير على دراية بها وهى لاتقل اهمية عن ماقيل مثل :
التخطيط السليم والاستراتجى .
تطوير مهارتك الادارية والتمتع بالكفاءة
الادارية .
الاستعانة بخبرات الاخرين(اداريا ومحاسبيا ).
الايمان بالنجاح وتحقيق الاهداف .
التفرغ للمشروع وإدارة الوقت .
القدرة على اتخاذ القرارات .
الاستعداد لمواجهة وتحمل المخاطر .
العمل في مجال التخصص .
الوعى بالبيئة المحيطة ولطبيعة السوق
العمل علي تطوير المشروع واستخدام التكنولوجيا قدر الامكان .
استخدام نظام الحوافز المادية والمعنوية لتشجيع العاملين .
الاشراف ومتابعة سير العمل .
العمل بروح الفريق .
لو تأملنا جميع هذه النقاط لوجدناها جميعا مهمة جدا ... لانستطيع ان نهتم بجانب ونترك الجانب الاخر ........

**Eng_Doaa** · 14-05-2013 10:27 AM

المشاركة الأصلية كتبت بواسطة ehabpopo

كل الكلام اللى انتم قولتوه كويس جدا والواضح ان كل واحد بيتكلم عن مواقف حدثت فى حياتة العملية ... او بعض المشاكل او الاحداث اللى مرت علية ... وان المدير لازم يبقى قوى ويجيب حق الناس ... الخ
لاكن فية بعض الامور يجب ان يكون المدير على دراية بها وهى لاتقل اهمية عن ماقيل مثل :
التخطيط السليم والاستراتجى .
تطوير مهارتك الادارية والتمتع بالكفاءة
الادارية .
الاستعانة بخبرات الاخرين(اداريا ومحاسبيا ).
الايمان بالنجاح وتحقيق الاهداف .
التفرغ للمشروع وإدارة الوقت .
القدرة على اتخاذ القرارات .
الاستعداد لمواجهة وتحمل المخاطر .
العمل في مجال التخصص .
الوعى بالبيئة المحيطة ولطبيعة السوق
العمل علي تطوير المشروع واستخدام التكنولوجيا قدر الامكان .
استخدام نظام الحوافز المادية والمعنوية لتشجيع العاملين .
الاشراف ومتابعة سير العمل .
العمل بروح الفريق .
لو تأملنا جميع هذه النقاط لوجدناها جميعا مهمة جدا ... لانستطيع ان نهتم بجانب ونترك الجانب الاخر ........

شكرا لتعقيب حضرتك .

و فعلا اللى محتاج يكتسب المهارات دى يبدأ أزاى ؟

لأن فعلا الدراسة وحدها لا تكفى .

الشغل العملى هو المحك . خصوصا لو المكان نفسه مافيهوش نظام عمل ملزم لكل فرد . بالتالى لازم شخصية كل واحد تظهر .

من ضمنها طبعا مهارات القيادة الصحيحة دون إفراط و لا تفريط .

**ehabpopo** · 14-05-2013 01:35 PM

المشاركة الأصلية كتبت بواسطة eng_doaa

شكرا لتعقيب حضرتك .

و فعلا اللى محتاج يكتسب المهارات دى يبدأ أزاى ؟

لأن فعلا الدراسة وحدها لا تكفى .

الشغل العملى هو المحك . خصوصا لو المكان نفسه مافيهوش نظام عمل ملزم لكل فرد . بالتالى لازم شخصية كل واحد تظهر .

من ضمنها طبعا مهارات القيادة الصحيحة دون إفراط و لا تفريط .

لو المكان نفسة مافيهوش نظام عما ملزم لكل فرد يبقى انتى محتاجة خبرة فى الحياة وفى ( قرائة ومعرفة افكار وسلوك وطريقة تعامل ) الناس اللى معاكى علشان تقدرى تجاريهم وتتعاملى معاهم ... بجانب النقاط اللى احنا قولناها طبعا ...
كنت بشتغل فى شركة ديكورات وموبيليا ... وكان صاحب الشركة بيقرأ الناس اللى معاه كويس ... كان لما ييجى صنايعى عايز يشتغل ... واحنا مش محتاجين ... كان بيشغلة ... وفى مرة بقولة احنا عندنا العدد كويس وزيادة .. فقالى اتفرج عليهم لما يقف صنايعى جديد اية اللى بيحصل ...
وفعلا لاقيت الصنايعية فجأة ( الغيرة قتلتهم )الانتاج زاد والدلع بتاع الصنايعية قل جدا وبقو حريصين على الشغل ... ونغمة لو مش عاجبكم امشى ... اختفت ...
ده مثال حى لقرائة الناس وعيشتة بنفسى ... يمكن يفيد باى حال من الاحوال ...

**Eng_Doaa** · 14-05-2013 02:09 PM

هى بصفة عامة مهارة . و اللى بينجح فى اكتسابها بيقدر يشتغل فى أى مجال حتى خرج إطار مجاله تماما .

**mohammedgido** · 14-05-2013 03:53 PM

انا عن تجربة شخصية وعملية بقول ان اهم صفة في ادارة المشروعات هي الرؤية الشاملة للمشروع
والرؤيه دي تشمل ثلاث محاور
ما قبل المشروع
واثناء المشروع ( الانتاج )
ثم لما بعد الانتاج
أي خلل في المحاور دي بيحصل فشل تلقائي

لذلك اهم صفة لادارة المشروعات الرؤيه الشاملة ويضيف لذلك الطموح وحسن التدبير

**Eng_Doaa** · 14-05-2013 04:38 PM

المشاركة الأصلية كتبت بواسطة mohammedgido

انا عن تجربة شخصية وعملية بقول ان اهم صفة في ادارة المشروعات هي الرؤية الشاملة للمشروع
والرؤيه دي تشمل ثلاث محاور
ما قبل المشروع
واثناء المشروع ( الانتاج )
ثم لما بعد الانتاج
أي خلل في المحاور دي بيحصل فشل تلقائي

لذلك اهم صفة لادارة المشروعات الرؤيه الشاملة ويضيف لذلك الطموح وحسن التدبير

الرؤية الشاملة بتيجى بالخبرة .

لكن لو أول مرة يشتغل مدير مشروع ؟؟؟

**mohammedgido** · 14-05-2013 06:38 PM

المشاركة الأصلية كتبت بواسطة eng_doaa

الرؤية الشاملة بتيجى بالخبرة .

لكن لو أول مرة يشتغل مدير مشروع ؟؟؟

يا فاندم لو الرؤية دي مش موجودة من الاصل فالمشروع بيفشل
فاذن هي الاساس طبعدا بعد توفيق ربنا وتيسيرة لامور العبد
لكن ربنا امرنا بالاخذ بالاسباب ومن اهم الامور دي يكون لك رؤيه شاملة لمشروعك
وحتى لو فيها بعض القصور الجزيء الي ممكن يجبر مع الوقت والاحتكاك مفيش مشكلة
لكن انعدام تلك أو ضعفها الرؤية دي المشكلة وبتأثر سلبا في اتخاذ القرارات ومن هنا بيحصل التخبط
ثم اتخاذ قرارات خاطئة ثم فشل جزئي ثم فشل كلي
ودا الي بتعانية المشاريع الصغيرة للافراد للاسف
لكن المشاريع الكبيرة للشركات بيبقى فية مكاتب لدراسة الامور دي ووضع خطة واحتساب نقاط الضعف والتغلب عليها لو ظهرت
لذلك ادارة مشورع ليست هي كيفية تشغيل العمال !!!!!! لكن الادارة اشمل من كدا بكتير جدا
وتشغيل العمال وكيفية معالجة مشاكلهم ترس في مجموعة تروس اخرى اهم

الموضوع: كيف تصبح مدير مشروعات ناجح ؟ سؤال

LinkBack

أدوات الموضوع

عرض

-

-

-

-

-

المواضيع المتشابهه

وظيفة مدير مشروعات ...

اول تصميم ناجح لى على الـ 3dsmax

مشروعات بنك الاسكان و التعمير

مشروعات صغيرة

الكلمات الدلالية لهذا الموضوع

المفضلات

المفضلات

ضوابط المشاركة