الموضوع: سؤال فى معدل بنزين بومة 2013

أولا مبروك العربيه.ربنا يديك خيرها و يكفيك شرها و يكفيك شر العين و الحسد.ماتقلقش خالص معدل الحرق بيتحسن بعد 3 ألاف كيلو كمان بص ياباشا انا معايا نفس الموديل بس الكلاسيك و إالاستهلاك إتحسن بعد 3 ألاف و مبروك مرة تانيه

المشاركة الأصلية كتبت بواسطة manfromegy

أولا مبروك العربيه.ربنا يديك خيرها و يكفيك شرها و يكفيك شر العين و الحسد.ماتقلقش خالص معدل الحرق بيتحسن بعد 3 ألاف كيلو كمان بص ياباشا انا معايا نفس الموديل بس الكلاسيك و إالاستهلاك إتحسن بعد 3 ألاف و مبروك مرة تانيه

الله يخليك يا باشا ومبروك عليك طبعا
ربنا يسمع منك يا باشا
هو عموما انا ملاحظ ان فى تحسن نسبى ولو ضئيل بعد الصيانة دلوقتى وصلت 1450 كيلو فهاشوف بقى بعد ال 3000 كيلو الوضع اية واكيد هعرفك يا باشا

والنبى طمنى انا كمان علشان انا لاحظت نفس ملاحظتك و لسه العربية عندى عاملة ٥٠٠كيلو و فعلا فولت العربية بعد الاستلام و عملت ٤٥٠ كيلو بس كان لسه فيها شرطتين بس فولتها تانى قبل ما حسبها بالضبط بس حاسس ان استهلاكها أعلى من اللانوس القديمة. حتستنى وأشوف بعد ٣٠٠٠ حيحصل ايه و متابع معاك الموضوع ده.
نصيحة حط كمان نيتروجين فى العجل واضبط على ٣٠ و حتحس بفرق كبير

المشاركة الأصلية كتبت بواسطة dr.lancer

والنبى طمنى انا كمان علشان انا لاحظت نفس ملاحظتك و لسه العربية عندى عاملة ٥٠٠كيلو و فعلا فولت العربية بعد الاستلام و عملت ٤٥٠ كيلو بس كان لسه فيها شرطتين بس فولتها تانى قبل ما حسبها بالضبط بس حاسس ان استهلاكها أعلى من اللانوس القديمة. حتستنى وأشوف بعد ٣٠٠٠ حيحصل ايه و متابع معاك الموضوع ده.
نصيحة حط كمان نيتروجين فى العجل واضبط على ٣٠ و حتحس بفرق كبير

على فكرة يا باشا --انا كمان بفول على الشرطتين ما بستناش انها توصل لاخر شرطة والتنك بياخد معايا 36 /38 لتر فى الحدود دى يعنى ودة معناه ان تنك العربية دى 50 لتر بالعافية هو فى تحسن بسيط جدا فى الاستهلاك بعد اول صيانة 1000 -- يعنى مثلا عملت معايا عشان بحسبها بالتريب او مسافة الرحلات 50 كيلو فى شرطة واحدة يعنى 6 لتر -- داخل المدينة ودة معناه انها تقريبا عملت معدل 8 كيلو للتر ودة داخل المدينة بالنسبة للذى كان يحدث سابقا اعجاز بصراحة --- طبعا انا هشوف موضوع ال 3000 كيلو دة والنيتروجين كمان --
ملحوظة صغيرة
فى ناس بتشكك فى الفرامل بتاعتها
الحمد لله النهاردة من ساعة واحدة ميكروباص من الى سايقة ناس مبرشمة قاطع الطريق عليا وانا على 100 ومفيش بتاع 4 متر بينا والحمد لله الفرامل لمتنى قبل ما يحصل ما لايحمد عقباه
-- الحمد لله
ويشرفنى يا باشا انك تتابع معايا عشان واضح ان القصة دى شاغلة ناس كثير

المشاركة الأصلية كتبت بواسطة salah eldin

ملحوظة صغيرة
فى ناس بتشكك فى الفرامل بتاعتها
الحمد لله النهاردة من ساعة واحدة ميكروباص من الى سايقة ناس مبرشمة قاطع الطريق عليا وانا على 100 ومفيش بتاع 4 متر بينا والحمد لله الفرامل لمتنى قبل ما يحصل ما لايحمد عقباه
-- الحمد لله
ويشرفنى يا باشا انك تتابع معايا عشان واضح ان القصة دى شاغلة ناس كثير

فعلا فرملها زى الفل و جامدة جدا. بالمناسبة حسافر بيها الاسبوع الجاى علشان اخلص من 400 كيلو الفاضلين و أعمل صيانة الالف دى و حبقى اقولك استهلاكها ايه فى السفر.

تروح وتيجى بالسلامة يا باشا

المشاركة الأصلية كتبت بواسطة dragon78

فولتها وعملت 450 كيلو وكان لسه فيها شرطتين !!!! :b4_564:

ليه ياباشا انت بتمشيها بالميه ولا ايه ... يااما بتحطلها البنزين بقطاره .

أنا عربيتي بفولها وبتعمل حوالي 350 كيلو بدون التكييف في الشتا مثلا .. وبالتكييف بتبقى حوالي 320 أو 300 ( في وسط البلد والزحمه) لكن على الطرق السريعه بيبقى الاستهلاك أقل من كده .

لكن أعتقد اللي انت بتقوله ده كتير أوي .. ماافتكرش .. يااما انا اللي عربيتي فيها حاجه

ولو اني لما سألت أول ماجبت العربيه وعرفت ان ده الاستهلاك الطبيعي بتاعها

عشان كده استغربت من كلامك

انا مش عاوز افتى بصراحة
بس انا والدكتور حالتنا واحدة يمكن فى فرق الموديل -- هو على كلامك دة مش طبيعى نهائى اذا كان فى التوكيل بيقول 180 /200 كيلو للصفيحة