تجربة مع الفلتر الرياضى على الكربراتير
اولا انا قريت كتير عن موضوع الفلتر الرياضى وكان الاكثرية من الناس بتقول انه للانجكشن بس المهم واثناء البحث على الانترنت لصور البيتلز لقيت ناس بره مركبين الفلتر الرياضى على الكربراتير بتاعها الاصلى قلت اجرب
المهم الكسل اجل الموضوع بتاع سنتين ومن فترة كنت بظبط الكربراتير بايدى وكنت بجيب قطع غيار له من روكسى قريب من شارع دمشق قلت انزل ادور على الانواع الموجودة لاقيت الاتى
1- ماركة shc البياع قالى ان ده مخصوص للكربراتير شفت الفلتر لقيت الخامة كلها بلاستيك مافيش اى حتة كاوتش للاحكام بكام ياعم الحج قالى 120 جنيه قلت له شكرا
2- الثانى كان سيموتا تايوانى واضح من الصناعة انه نضيف بكام قالى 150 جنيه وفيه ال كيه اند ان بـ370 جنيه قلت له هات السيموتا
المهم اتشغلت شوية عن صيانة البيتلز وركبته فى عربية الحاج شاهين 2001 كربراتير لوحظ الاتى:-
1- صوت الفلتر مش واضح لما تيجى تزود والعربية واقفة بيبان بس لما تبقى ماشى وتحرق على النقلة
2- السحب اتحسن تقريبا بنسبة 15% على الطريق والسرعة القصوى كمان عملت انجاز ووصلت لـ 150 كم
بعد كده خلصت البيتلز وركبت الفلتر فيها لوحظ الاتى:-
1- الصوت بقى فيه لمحة من الصوت الرياضى لما تزود وهى واقفة
2- السحب اتحسن عن ماكنت مركب الفلتر القديم بنسبة 20% تقريبا
3- الصوت مع الحرق على النقلة واضح اوضح من الشاهين
للاسف لسة مجربتهاش على طريق مفتوح اول ما اجربها هبلغ الجميع
بس الاكيد انه فيه فرق عن الفلتر العادى والفلتر الرياضى على الكربراتير
اتمنى انى اكون قد قدمت افادة لاصحاب السيارات القديمة (اللى زى حالاتى) وشكرا
https://encrypted-tbn1.gstatic.com/i...PCvx1JIZYtuVYg
الفلتر الرياضى الكربراتير على تويوتا عيون مودبل 99
يا شباب انا معايا تويوتا عيون موديل 99 و عايز اعرف ايه انسب فلتر رياضى على الكربراتير. و ياريت لو حد معاه نفس العربية و جرب الفلتر يقولي ايه الكلام.
و اللي عنده نصيحة ممكن تفدنى ياريت يساعدني.
شكرا.