ربنا يكرمكم جميعا :)
هليوبليس الجديدة للاسف اول استلام هيبقي 2015-2016 وممكن اكتر من كده لانها كلها تحت الانشاء
ربنا يخليك :)
حضرتك اشتريت من شركة معروفة ولا من مين وايه انطباعك بعد الشراء والمنطقة ؟؟
ربنا يبارك لك فيها ,تفائل :)
عرض للطباعة
ربنا يكرمكم جميعا :)
هليوبليس الجديدة للاسف اول استلام هيبقي 2015-2016 وممكن اكتر من كده لانها كلها تحت الانشاء
ربنا يخليك :)
حضرتك اشتريت من شركة معروفة ولا من مين وايه انطباعك بعد الشراء والمنطقة ؟؟
ربنا يبارك لك فيها ,تفائل :)
باشا سيبك من كل الكلام شوف انت شغلك فين واسكن جنب المنطقه الي فيها شغلك بس بتبقى حاسس ان شغل مستقر وهتستمر فيه شويه حلوين
وان شاء الله ربنا يقدم لك الي فيه الخير متزعلش على اي حاجه ومتضمنش ايه الاختلاف في الظروف الي جايه
اهم حاجه تبقى جنب شغلك والمنطقه يبقى فيها خدمات ومدارس للولاد
مش عايز اقولك فكر في الهرم او فيصل عشان نفس اللعنه بالضبط
ولكن انا دلوقتي بقيت بستخدم الحقيقه المترو اه هو زنقه وحر وخنقه ولكن افضل بكتير من اللطعه في العربيه والركنه والهري ده
مش محتاج انت تبعد عن شغلك صدقني غلطه بشعه
وسط البلد المترو سالك للدقي في 10 دقايق تبقى في الدقي ونفس الكلام وانت راجع 10 دقايق وفي عز الزحمه اه بتاخدهم قرف شويه ولكن يظلوا 10 دقايق في مقارنه 30 دقيقه مقرفه في الزحمه والركنه
لو عايز تاخد في الهضبه ممكن تحاول تختار شارع جانبي وقريب اكيد الشارع ده مش هيبقى زحمه وملقف تكاتك زي الحتت الرئيسيه
ممكن تخليك زي ما انت وتفكر في الشقه الجايه تبقى استثمار وممكن تاخد في اكتوبر هتلاقي حاجات كتير حلوه واكتوبر مش بيئه ولسه قدامها كتييير اوي عشان تتزحم او تتقفل والجو ده وتقسيمه الشوارع حلوه جدا تعرف تخلع من الزحمه في اي وقت وعندك اكتر من طريق يوديك لمكان واحد
من خلال اللى انت قولتله الحدائق عندنا افضل حل من وجهة نظرى بص تعالى اتفرج على منطقه ز فى اخرها من ناحية
شارع الجيش والدائرى المنطقه دى كلها فلل وشوارع هادية جدا والله مش هتندم انا ساكن هناك والمنطقه هادية اوى
ومفيش محلات والشوارع كويسه ممكن تدفع ال 80 مقدم وتقسط الباقى على 50 شهر وتستلم بعد 4-5 شهور لسه
واخدين لابن خالى فيها ....
للعلم انا ساكن على الضغط العالى والمنطقه كويسه مفيش غير كوافير قدامى ومش بيعمل دوشه خالص ولا بيجيلو
عرايس حتى ومفيش محلات جنبى نهائى لاننا قريبين من المول وشارع 5 أ اى محل بيفتح بيتقفل علطول لان مش
بيمشى ...
السلام عليكم ورحمه الله
اخى العزيز سوف انتقل الى حدائق الاهرام فى نهايه شهر يونيو بعد ان ينتهى الاولاد من الامتحانات.
فيه حد ابقى جاره ويحس بالاكتئاب - انا بعديك بشارعين لاننى رابع شارع يمين بعد شارع البوابه.
ممكن تقول لى فى نقط واضحه لماذا قفلت من حدائق الاهرامز
تقبل تحياتى
و الله أنت أستاذ. كل المطلوب من صاحب الموضوع يبعد عن الشوارع الرئيسية و تشتري في عمارة فيها جراج عشان تضمن ركنة لعربيتك و كمان ما فيش محلات تحت عمارتك. ال 80 ألف مقدم معقول لشقة 125 أو 140 متر. و لازم تشتري من واحد عمارته خلصانة تمام أو علي الأقل بني دورين تلاتةو ابعد عن الشركات و المكاتب و الأسعار اللي ب 1000 جنيه و 1100. اتمشي كده لوحدك و شوف المناطق اللي جوا و بعيد عن البوابات عشان تبعد عن الزحمة و الزبالة اللي الناس بتتكلم عليها. و الله أنا ساكن في منطقة أ و مع ذلك لو صورتلك الشارع بتاعي هتتوهم و ما فيهوش و لا محل عشان الشارع جوا خالص. و أنا كنت قاصد أجيب جوا خالص مع أني شاري من حوالي 8 سنين لأني كنت عارف أن الزحمة هتعمل أكتر من كده. لكن طبعا الشوارع مكسرة و ان شاء الله لما الغاز يخلص هتتظبط و السور قارب علي الانتهاء.
المنطقه التى يمين البوابه الثانيه اسمها هـــ وهى من اجمل المناطق فى الهضبه لان الخدمات كلها متوفره بها ومرتفعه عن باقى الهضبه يعنى ممكن لون انت شقتك عاليه شويه تشوف الاهرامات بفيو رائع مثلما عندى.
الاسانسير اساسى فى جميع العمارات
ايضا اذا احببت مساعده ففى العماره جيران لهم شقق معروضه للبيع بها عدادات كهرباء
ابلغنى على الخاص
انا بروح الشغل بالمترو بسبب الزحمة ده شيء اكيد
اخواتى كلهم فى الهرم بس للاسف الهرم العن والعن بكتير جدا من وسط القاهرة مقدرش اسكن هناك
ممكن الفترة الجاية لو تابعت تحسن فى حدائق الاهرام اتكل على الله واشوف هناك
شكرا لكل شخص بيحاول الافادة , جزاه الله خير :)
احباط ليه بس انت زى الفل على فكره
بتكلم بجد
بص للمميزات اللى انت فيها
انت فى اول البوابه بعيد عن الغدغه بتاعه الشوارع وكمان شارع جانبى
وحتى لو الكهرباء ممارسه ركبلك تكيفين وانتعش وعيش
قولى بس انت فين فى الشارع قبل النجار والحضانه ولا بعدها ؟؟؟ اعتقد انك بعدها
انا معاك فى نفس الشارع ......لما تعدى على الشقه قولى ونظبط مع بعض رقمى على الخاص عندك
وتحت امرك فى اى حاجه