الف مبروك لابنك علي فكرة مجال السكن في مشاكل بردة
رقم العضوية : 7200
تاريخ التسجيل : 09Mar2008
المشاركات : 2,335
النوع : ذكر
الاقامة : القاهرة
السيارة: مترو الأنفاق
السيارة[2]: ٍSUZUKI MARUTI 2009
الحالة :
السلام عليكم يا كل من فى المنتدى
أنا محبط جدا ومكتئب جدا
المنتدى كله شكاوى من الشوارع وأزمة المرور وإستغلال الميكانيكية والفنيين والتوكيلات والصيانات وإرتفاع أسعار البنزين والزيوت وقطع الغيار والوساطة والمحسوبية فى إستخراج الرخص بأنواعها وعدم إلتزام قائدى السيارات بأى قانون أو تعليمات مرورية أو إشارات أو علامات وخلافه وأيضا كثرة إنتشار الحوادث وتدنى أخلاقيات سائقى الميكروباص والتاكسى إلى آخره .
والله العظيم كنت ناوى أشترى عربية بجد لكن من كتر ما قرأت فى المنتدى من مشاكل وسلبيات - ذكرت بعضها فيما سبق - قررت إنى أوفر فلوسى وحرقة دمى وإرتفاع ضغطى وسكرى - إللى همه مرتفعين أصلا - وأوفر كل ده وأركب مواصلات وأشترى شقة لإبنى الصغير أفيد وأحسن .
شكرا لكم لأنكم نظرتم إلى الجانب السلبى للسيارة فقط
شكرا لكم لأنكم استطعتم نشر روح الخوف من المشى فى الشوارع حتى لو بدون عربية
سلام عليكم
رقم العضوية : 932
تاريخ التسجيل : 12Jun2007
المشاركات : 722
النوع : ذكر
الاقامة : الجيزة
السيارة: لايوجد
السيارة[2]: نوبيرا
الحالة :
الف مبروك لابنك علي فكرة مجال السكن في مشاكل بردة
[gdwl]-----------------------------------------------------------------------------------------
إن لم تجد عدلا في محكمة الدنيا، فارفع ملفّك لمحكمة الآخرة.. فإنّ "الشّهود" ملائكة، و "الدّعوى" محفوظة، و "القاضي" أحكم الحاكمين[/gdwl]
رقم العضوية : 1006
تاريخ التسجيل : 18Jun2007
المشاركات : 1,955
النوع : ذكر
الاقامة : middeleast
السيارة: n/a
السيارة[2]: n/a
دراجة بخارية: n/a
الحالة :
اى خدمة يا مسحراتى , انت قول بس عاوز تعمل اية و احنا حنقوم بالواجب فى تظبيط الاحباط للدرجة اللى انت عوزها ,
بس يا اخى الموضوع مش سودوى قوى كدة , عادى يعنى هى الحياة كلها كدة مشاكل فى اى مكان كانت
" لقد خلقنا الانسان فى كبد" صدق الله العظيم
الكبد و التعب جزء لا يتجزء من حياة الانسان , المهم انت كنت عاوز تشترى موديل اية .
رقم العضوية : 3308
تاريخ التسجيل : 19Nov2007
المشاركات : 547
النوع : ذكر
الاقامة : Egypt
السيارة: only one
السيارة[2]: Car
دراجة بخارية: non
الحالة :
حضرتك تزعل من الناس اللى بتعرفك اخر الاخبار فى الشارع وفى كل ما يخص السيارات والقانون والحلول المقترحة لكل ده
اعتقد ان حضرتك تفرح وتتفائل وكل ده يديك خبرة ومعرفة باللى بيدور حواليك
يا ترى لو كان فيه منتدى خاص بالشقق وبيعرفك كل اللى بيدور حواليك فى هذا المجال كنت برده قررت ما تشتريش شقة
اعتقد ان حضرتك غلطان فى الراى ده
شكرا وبدون زعل
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
بص يا اخونا المسحراتى(كل سنة وانت طيب بمناسبة رمضان)
بنشتكى منها، ومن فصولها البايخة، ومن مصاريفها، ومن المواقف اللى بتحطنا فيها ، وبنلعن اليوم اللى ارتبطنا بيها فيها، لكن بمجرد ما انها تختفى من حياتنا لأى سبب سواء كان طارى او مزمن بنلاقى الحياه كلها اصابهاالشلل وبنفتكرها بكل الخير وبنحس انها ازاى هى نعمة من ربنا ولذلك محدش مننا رغم شكواه منها بيقدر يستغنى عنها
زى ما انت شايف ان الكلام اللى فوق ده ينطبق على حاجتين: السيارة والزوجة (او الزوج بالنسبة للسيدات) ولذلك فدور السيارة فى حياه مظمنا شبيه جدا بدور الزوجة، مبنشوفش منها غيرالسلبى طول ما هى موجودة، لكن وقت اختفائها بنتحسر على ايجابياتها
سبعاوى
_______________________________________________
رقم العضوية : 7200
تاريخ التسجيل : 09Mar2008
المشاركات : 2,335
النوع : ذكر
الاقامة : القاهرة
السيارة: مترو الأنفاق
السيارة[2]: ٍSUZUKI MARUTI 2009
الحالة :
يا جماعة شاكر لردكم
بس فعلا الردود مليئة بالإحباط
فمثلا : خناقات بين السواقين وبعضهم وخصوصا بتوع التاكسيات - هنا فى مصر بنتعامل مع المشكلات بعشوائية فمثلا لو خربشت أى عربية ماشية قدامك أو جنبك يبقى مصيرك الضرب والإهانة على يد صاحبها وبدون أى إعتبار لمكانتك أو لظروفك .
هذا لا يعنى انك ماتسمعش توبيخ منه لأنك أخطأت وخربشته فهذا من حقه ولكن أنا كثيرا ما أجد خناقات وتطاولات بالأيدى بين السائقين وهذا الشىء لا أعرف التعامل معه أبدا .
ايضا حرقة دمك وانت ماشى فى أمانة الله وتلاقى أمين رزل يقوللك رخصك ويتطاول فى الكلام .
أيضا وقفتك يا عينى منكسر قدام الميكانيكى ولا الكهربائى ولا السمكرى علشان يتعطف ويخلص لك شغلك وياريته شغل بضمير .
فضلا عن أن كل واحد لازم يمشى وفى عربيته (طاسة الخضة ) وده طبعا نتيجة إللى بيكسروا عليك ويقفلوا عليك كتير وانت ماشى .
شوارعنا يا سادة ليست معدة لمشى السيارات أو الآدميين .
أخلاقنا بتتبدل لما بنركب سياراتنا ونتحول إلى وحوش أنانية (صح ولا لأ؟) .
تعمل مشوارك فى ربع ساعة وتركن فى ساعة .
تركن عربيتك فى أمان الله ترجع تلاقيها مخرشمة أو مبطوحة أو أو أو .
لو حبيت ترفه نفسك وتشترى عربية زيرو تلاقى القسط يوجعك وتحس كـأنك سواق عند البنك مالكش دية .
تأمين هلامى وأى كلام واللى له ظهر ماينضربش على بطنه .
يا سادة أنا محتار فعلا فى هذا الموضوع .
طيب فيه حد عنده كلمة مشجعة ولا كلكم متفقين معايا ؟
رقم العضوية : 102
تاريخ التسجيل : 23Apr2007
المشاركات : 34,229
النوع : ذكر
الاقامة : Downtown - Cairo, Egypt
السيارة: Daewoo Lanos I 1999
السيارة[2]: Daewoo Lanos II 2001
دراجة بخارية: N/A
الحالة :
رقم العضوية : 16569
تاريخ التسجيل : 17Aug2008
المشاركات : 370
النوع : ذكر
الاقامة : Cairo - Damietta
السيارة: Accent
السيارة[2]: Fiat 128
الحالة :
السلام عليكم جميعاً
عاوز بس أذكرك بالحديث ده:
عن محمد بن سعد يعني ابن أبي وقاص عن أبيه رضي الله عنه أن رسول الله صلى الله عليه وسلم قال { ثلاث من السعادة : المرأة الصالحة تراها تعجبك , وتغيب فتأمنها على نفسها ومالك , والدابة تكون وطئة فتلحقك بأصحابك , والدار تكون واسعة كثيرة المرافق . وثلاث من الشقاء : المرأة تراها فتسوءك وتحمل لسانها عليك , وإن غبت لم تأمنها على نفسها ومالك , والدابة تكون قطوفا فإن ضربتها أتعبتك وإن تركتها لم تلحقك بأصحابك , والدار تكون ضيقة قليلة المرافق }
وطبعاً الدابه فى عصرنا ده تكون السيارة المعقولة.
يعنى باختصار ، السيارة أحياناً تحس انها تساوى وزنها دهب / وأحيانا تلعن اليوم اللى اشتريتها فيه. وده حال كل حاجة فى الدنيا
ربنا يوسع عليك وتشترى الشقة والسيارة.
رقم العضوية : 10722
تاريخ التسجيل : 15May2008
المشاركات : 311
النوع : انثى
الاقامة : Alex
السيارة: SX4 Sedan 2008
السيارة[2]: Kia Picanto Auto 2006
الحالة :
انا مع حضرتك فى تخوفك لانى قبل مااشترى عربية كان عندى نفس التفكير
ياترى هاعرف اسوق واعمل ايه مع السواقيين اللى فاكرين الشارع ملكهم لوحدهم واعمل ايه مع المرور لو وقفنى وغلسوا عليا واعمل ايه لو عربيتى اتخبطت ولا اتخربشت وخصوصا انى كنت ناوية على جديد
بس صدقنى وجود عربية مع الواحد له فوائد وايجابيات تغطى على كل السلبيات اللى انت خايف منها ودلوقتى مااقدرش استغنى عنها ابدا
وكل حاجة بتعدى يعنى العربية مش كل يوم هاتتخبط ولا كل يوم هاتقف فى لجنة ولا كل يوم لازم واحد يغلس عليك فى الطريق
لكن انت كل يوم بتعمل بيها مشاوير وبتقضى بيها متطلباتك وبتوفر وقتك ومجهودك وفلوسك كمان
وربنا يوفقك للى فيه الخير
Senior Client/Server Application Developer
WHY NOT GAIN WITHOUT PAIN
رقم العضوية : 3848
تاريخ التسجيل : 25Dec2007
المشاركات : 3,011
النوع : ذكر
الاقامة : Heliopolis
السيارة: ربنا يبارك في الاولي
السيارة[2]: Mazda 3 - 2008
دراجة بخارية: لا امتلك
الحالة :
حضيف بس حاجه صغيره لكلام استاذ سبعاوي بعد اذنه طبعاً
ان سواء السياره او الزواج بيطبق عليهم المثل "شر ولابد منه " بس حتي المواصلات مش براحة البال اللي حضرتك متصورها
اكيد حيبقي فيها مشامل و حوارات تعبه كفايه انك حتكون راكب وسيلة مواصلات بدون تكييف
المفضلات