فكرة جهاز معطر الجو فى العربيه

**MaNoLa** · 12-05-2013 10:07 PM

بعد تجديد مكتب الشغل عندى لقيت جهاز معطر للجو وبيتظبط كل فتره عشان يرش المعطر بتاعة كل عشر دقايق أو ربع ساعة أو نص ساعة حاجة زى كدة و الجهاز صغير أكبر من كف الأيد بشوية و جواه علبه معطر كبيره بيقولوا بتستمر حوالى شهر و بعد كدة بتتغير وفيه روايح كتيرة زى الفل و الياسمين و فواكة كتيرة جدا أنا لحد دلوقتى مش فاهمه فيه أوى لكن دة حل جميل جدا لمعطرات الجو الى بتكون منظر على الفاضى لكن دة بيعمل ريحه جامدة جدا فى المكتب كله فأكيد هيعمل شغل فى العربيه و سعره ما بين 70 لحد 120 يتهئ لى

و بالتالى قررت القرار التالى
أننا اشترى واحد من ده و احطه فى العربيه كتجربه

مين عمل التجربه دى و نجحت ولا لأ ؟

**windofchange** · 12-05-2013 10:12 PM

فكرة جامدة..بس العبوة اللي جوه الجهاز(عاملة زي سبراي الديو للعرق) فيها غاز مضغوط ومع الركنة في الصهد والشمس ممكن تفرقع وتولع العربية لاقدر الله ... الا بقي لو كل مرة الواحد ينزل من العربية ياخد الجهاز معاه البيت والله اعلم

**Bonanza** · 12-05-2013 10:21 PM

الشمس هاتبوظه ده اولا

و الفكرة بقي في الشكل لان الجهاز كبير و معمول للمساحات الكبيرة زي الغرف و المكاتب و المحلات فا هايبقي شكلة غريب اوي جوة العربيه

غير انه غالي ( هو في هيبر و كارفور دايما عليه عروض بيتباع بـ 50 جنيه )

و العبوة بتاعته بـ 50 جنيه بردو لو هاتجيبي آيرويك او جليد او سيزونس و هم دول اللي ريحيتهم حلوة و نفاذه

في عبوات تانية بتتباع بحوالي 20 جنيه و ريحيتهم ضعيفة جدا بتختفي بسرعة

اوريون منزلة معطر عامل زي البرفان بالظبط في زجاجة بخاخه صغيرة

الرشة الواحده منها بتعمل ريحة قوية جدا في العربية

و سعرها بـ 25 جنيه و بتستمر اكتر من شهر كمان

**ahhazem** · 12-05-2013 10:29 PM

الكلام جميل
بس في سؤال مهم جداً
هو لما الجهاز ده هيرش هيرش فين وعلى ايه؟
يعني الجهاز ده معمول للاماكن المفتوحه علشان لما يرش يبقى قدامه فاضي مش في وش حد لانه ممكن يإذيه طبعاً

**muslim_nsb** · 12-05-2013 10:40 PM

انا بشوفه كتير في محلات السوبر ماركت الكبير وكمان الصيدليات وكتوب عليه بنصف الثمن وتقريبا عليه علبة معطر هديه وليه حجارة شحن
ياريت لو جربته تقلونا ايه الاخبار

**ashraf_sms** · 12-05-2013 11:01 PM

الجهاز جميل جدا بس للاماكن المفتوحة لانه قوي لاكن العربية ديقة مهما كانت وهو شغال علي طول رش رش اول اما تيجي تفتحي العربية هتلاقي الريحة خنيقة عشان كتير ومركزة مش هتبقي حلوة وشكله كمان هيكون كبير ومش لطيف في حاجات ارخص واحسن للعربيات وبتدي منظر احسن كمان

**inspiron** · 13-05-2013 02:53 AM

بناءً علي التجربة..أنا بستخدم الفكرة دي بقالي سنة ونص في عربيتي..بس مع مراعاة إنها بتقف في جراج مش في الشارع يعني مفيش حرارة عشان موضوع ضغط الغاز..وعلي فكرة أنا كده كده حاطط الجهاز في الشبكة اللي موجودة عند دواسة الكرسي الأمامي في العربية يعني حتة بعيد عن الشمس خالص.وظبطه علي رشة كل 30 دقيقة.وبيخلي ريحة العربية ولا أروع.

**smsm_nabawy** · 13-05-2013 05:13 AM

انا عاملها في عربية أبن عمي فيات بونتوزز التابلوه بتاعها فيه درج كبير...

احنا شايلين الجهاز نفسه و جبنا العلبة بتاعت الأسبراي الي جوا دي بس

و حاطينها في التابلوه ... هو مش بيسخن.. حاطنها في الدرج بتاع التابوه

و لما نركب نطلعها نرش بيها كام رشة كده تخلي ريحة العربية رووووعة!!!!!!!!!

و ماشاء الله بقالها بتاع 3 شهور مخلصتش!! =)))

**smsm_nabawy** · 13-05-2013 05:41 PM

المشاركة الأصلية كتبت بواسطة dragon78

أنا مع الرأي ده فعلا .. غير طبعا موضوع السخونيه دي اللي ممكن لاقدر الله تخلي العبوه تفرقع

وبعدين كمان مش معقول الواحد هايسيب الجهاز شغال عمال يرش كل فتره حتى وهي العربيه مركونه

في حاجات مخصوصه للعربيه أحسن من كده

أنا عن نفسي باستخدم glade المربع ده .. باحطه في الجهاز اللي بييجي معاه ( هو عباره عن علبه كده بتتحط فيه وفيها فتحات تتظبط على حسب الرغبه) وبيتعلق في الشماسه من جوه .. جميل جدا ومفعوله ممكن يقعد شهرين أو شهر على الأقل ( طبعا حسب طريقة ظبط الفتحات ) .

ومتابع برضه لو في أفكار أحسن من كده

لا يا باشا .. مهو بيتظبط.. On , off
و كمان في النصف بينهم تحديد مراحل التعطير يعني ياخد فترة قد ايه بين كل بخة عطر و التانية

و السخونية دي فعلاً عندكم حق فيها.ز بس أنا كنت بحطه عاادي خااالص في في درج التابلوه...

الحمد لله معملش حاجة معانا!! =)))

بس العربية معظم ركنها كان في جراج مش في الشمس!!! بس كانت أوقات كتير و أنا في الكلية ولا حاجة بردك بتقعد في الشمس فترة!!

-

الموضوع: فكرة جهاز معطر الجو فى العربيه

LinkBack

أدوات الموضوع

عرض

فكرة جهاز معطر الجو فى العربيه - انشر الموضوع فى :

-

-

-

-

-

-

-

المواضيع المتشابهه

معطر الجو للتكييف

معطر الجو

تأثير معطر الجو السائل علي التابلوه التيتانيوم

العربيه فى الجو البرد مشكله مطلعه عينى

معطر الجو للسيارة

الكلمات الدلالية لهذا الموضوع

المفضلات

المفضلات

ضوابط المشاركة