ايه رأيكم في الاسبويلر ده علي الفيرنا

موجود علي الـ ebay سبويلر فيرنا اصلي بلون عربيتي ( فضي ) وتمنه 50 دولار يعني في حدود 350 جنيه وعلشان ييجي من شركة ادفعلي ممكن يوصل 550 مثلا بس المشكلة ان الشكل بتاعه مش متخيله علي العربية هل حايبقي كويس ولا وحش هو اللي شاددني فيه انه اوريجينال وبلون العربية وده اللينك بتاعه
2003 2005 Hyundai Accent 4DR New Silver Rear Spoiler 08340 25110 CS 942 | eBay
ياريت اعرف رأيكوا حيبقي حلو علي العربية ولا بلاش منه ؟؟؟
وشكرا مقدما

توكل على الله واشتريه ولما ييجي شوف شكله على العربيه هيعجبك ولا لأ حتي من غير متركبه
عجبك ركبه ومبروك عليك معجبكش بيعه واعتقد ممكن تلاقيلوا بيعه بسهوله ان شاء الله العربيه منتشره جداً في مصر واللون ده موجود كتير واللي ميعجبكش هيعجب غيرك
ده رأي الشخصى وشوف برضوا الناس هتشور عليك بأيه

واضح انه اصلي فعلا
وشكله حيكون جميل ومن ميزاته انه حيمنع اي حد انه يقعد علي الشنطة لو ركنت في حتة شعبية
انما تعمل حسابك انك علشان تركبه حتخرم في الشنطة


تحياتي

اقتباس:

---

المشاركة الأصلية كتبت بواسطة mhkorayem

توكل على الله واشتريه ولما ييجي شوف شكله على العربيه هيعجبك ولا لأ حتي من غير متركبه
عجبك ركبه ومبروك عليك معجبكش بيعه واعتقد ممكن تلاقيلوا بيعه بسهوله ان شاء الله العربيه منتشره جداً في مصر واللون ده موجود كتير واللي ميعجبكش هيعجب غيرك
ده رأي الشخصى وشوف برضوا الناس هتشور عليك بأيه

---

شكرا لرد حضرتك انا بس خايف لو معجبنيش معرفش ابيعه بسهولة خصوصا ان سعره عالي ويبقي الموضوع فيه خسارة

اقتباس:

---

المشاركة الأصلية كتبت بواسطة mo7a_mo7a

واضح انه اصلي فعلا
وشكله حيكون جميل ومن ميزاته انه حيمنع اي حد انه يقعد علي الشنطة لو ركنت في حتة شعبية
انما تعمل حسابك انك علشان تركبه حتخرم في الشنطة


تحياتي

---

شكرا لرد حضرتك وموضوع التخريم في الشنطة ده هو اللي قالقني لازم ابقي مقتنع بيه قبل ما اجيبه

معلش انا مكنتش واخد بالي من تكلفة الشحن حاتتكلف 28.5 دولار جوه امريكا يعني ممكن الموضوع يخش في 850 جنيه مثلا

يا باشا أنا شفت تاكسيات فيرنا مركبة نفس الاسبويلر .. لو مصمم تركبه دور هنا الأول .. وفكرة إنه أصلي ولا بنفس اللون ممكن تتعالج وهيبقى أرخص .. ده اكسسوار غير مستهلك أصلا مجرد شكل .. ف مش هيفرق فيه أصلي او مش أصلي

اقتباس:

---

المشاركة الأصلية كتبت بواسطة د.محمدعبدالعال

يا باشا أنا شفت تاكسيات فيرنا مركبة نفس الاسبويلر .. لو مصمم تركبه دور هنا الأول .. وفكرة إنه أصلي ولا بنفس اللون ممكن تتعالج وهيبقى أرخص .. ده اكسسوار غير مستهلك أصلا مجرد شكل .. ف مش هيفرق فيه أصلي او مش أصلي

---

شكرا لرد حضرتك انا بفكر فعلا اشوفه هنا الاول خصوصا وان تكلفة شحنه لمصر حاتبقي عالية

اقتباس:

---

المشاركة الأصلية كتبت بواسطة eng.mina

معلش انا مكنتش واخد بالي من تكلفة الشحن حاتتكلف 28.5 دولار جوه امريكا يعني ممكن الموضوع يخش في 850 جنيه مثلا

---

لو هتوصل لـ 850 جنيه يبقى نفض بقى لأن بيعه مش هيبقى سهل اوي (هيتباع برضوا بس هتاخد حبه وقت) وبعدين مش مستاهله اوي تدفع 850 في سبويلر

اقتباس:

---

المشاركة الأصلية كتبت بواسطة mhkorayem

لو هتوصل لـ 850 جنيه يبقى نفض بقى لأن بيعه مش هيبقى سهل اوي (هيتباع برضوا بس هتاخد حبه وقت) وبعدين مش مستاهله اوي تدفع 850 في سبويلر

---

+111111111
:coolio:

اقتباس:

---

المشاركة الأصلية كتبت بواسطة mhkorayem

لو هتوصل لـ 850 جنيه يبقى نفض بقى لأن بيعه مش هيبقى سهل اوي (هيتباع برضوا بس هتاخد حبه وقت) وبعدين مش مستاهله اوي تدفع 850 في سبويلر

---

انا فعلا قررت اصرف نظر عن الموضوع خصوصا ان شركة ادفعلي ماتقدرش تحسب التكلفة بتاعت شراء الحاجة عن طريقهم بالظبط وحصل معايا قبل كده انهم اتصلوا بيا مرتين لرفع ثمن الحاجة اللي انا مشتريها فالموضوع ممكن يبقي اكتر من الـ 850

متجيب سبويلر فيرنا ستار
شكله هادي مش أوفر و مستفز و هيليق على ال فيرنا جدا
و هيبقى ارخص من كدا بكتير

اقتباس:

---

المشاركة الأصلية كتبت بواسطة eng.mina

موجود علي الـ ebay سبويلر فيرنا اصلي بلون عربيتي ( فضي ) وتمنه 50 دولار يعني في حدود 350 جنيه وعلشان ييجي من شركة ادفعلي ممكن يوصل 550 مثلا بس المشكلة ان الشكل بتاعه مش متخيله علي العربية هل حايبقي كويس ولا وحش هو اللي شاددني فيه انه اوريجينال وبلون العربية وده اللينك بتاعه
2003 2005 hyundai accent 4dr new silver rear spoiler 08340 25110 cs 942 | ebay
ياريت اعرف رأيكوا حيبقي حلو علي العربية ولا بلاش منه ؟؟؟
وشكرا مقدما

---

شياكه شياكه .. بالتوفيق ان شاء الله