العطل اية

**yassereiad** · 13-05-2013 12:21 AM

السلام عليكم
انا عندى مشكلة ان العربية على الاول والتانى السلانسية بتقطع وتنتش وبقت مقرفة
رحت للميكانيكى جرب البوجيهات لقاها شغالة قالى السلوك وانا مغيرعا من شهرين طقم بولندى راح مركب الطقم القديم وحاول يضبط الاسبراتير وطلعت اجرب نفس المشكلة قمت رايح لميكانيكى تانى عمل تجاربة وفى الاخر افتى ان العيب اما المشط او الموبينة
رحت للكهربائى قالى ان المشط لما بيبوظ بيقطع نهائى مش بينتش وان المشكلة ش موبينة لان الموبينة لما بتبوظ بتبقى فى السلانسية والسرعات العالية مش فى السلانسية بس
وقال دة عيب ميكانيكى وانا احترت ما بينهم مش عارف اعمل اية يا ريت تفيدونى

**sakr_skoda** · 13-05-2013 12:33 AM

المشاركة الأصلية كتبت بواسطة yassereiad

السلام عليكم
انا عندى مشكلة ان العربية على الاول والتانى السلانسية بتقطع وتنتش وبقت مقرفة
رحت للميكانيكى جرب البوجيهات لقاها شغالة قالى السلوك وانا مغيرعا من شهرين طقم بولندى راح مركب الطقم القديم وحاول يضبط الاسبراتير وطلعت اجرب نفس المشكلة قمت رايح لميكانيكى تانى عمل تجاربة وفى الاخر افتى ان العيب اما المشط او الموبينة
رحت للكهربائى قالى ان المشط لما بيبوظ بيقطع نهائى مش بينتش وان المشكلة ش موبينة لان الموبينة لما بتبوظ بتبقى فى السلانسية والسرعات العالية مش فى السلانسية بس
وقال دة عيب ميكانيكى وانا احترت ما بينهم مش عارف اعمل اية يا ريت تفيدونى

وعليكم السلام ورحمة الله وبركاته

طيب نضفت الكاربرتير؟؟؟؟؟ لأن دى مشكلة مرتبطة ما بين الكهرباء والبوجيهات واسبرتير وكاربرتير

طيب روح نظف الكاربرتير وممكن تراجع الموضوعات المتعلقة بالمشكلة فى الموضوعات التالية....

http://www.nilemotors.net/Nile/328852-a.html

http://www.nilemotors.net/Nile/339710-a.html

**sakr_skoda** · 13-05-2013 06:39 PM

طيب ما اتحاول تنضف الكاربرتير بنفسك الموضع سهل وشوف الشرح اللى فى الموضوع واعمل حاول تعمل الحجات دى بنفسك انا شخصيا جبت اسبرية اللى بترش فى الكاربرتير فى اسبرية خاصة لتنظيف الكاربرتير وحاولت انضف بيه ولاكنى ملقتش بد الا انى افككة وانضفه ورجعت ركبيتة والحمد الله تمام التمام....

**aw2100** · 13-05-2013 11:51 PM

المشاركة الأصلية كتبت بواسطة yassereiad

استاذ صبحى انا منضفتيش الكربراتير بس وانا راجع النهاردة دخت الطريق الدولى الساحلى وقرصت على العربية قلت انفضها حسيت ان العربية ظبطت بس ان شاء الله اجرب بكرة واشوف
وبعدين الراجل اللى بينضف الكربراتير عندنا اخر رخامة وغلس وزحام وعامل دكتور امراض نفسية واليوم عندة طويل وممل والميكانيكى مش بيشتغل فبة مع ان المفروض دة شغلة انا هحاول اشترى العبوة بتاعة تنظيف الكرراتير اللى بتتحط مع البنزين واجرب والله المستعان وشكرا لرد حضرتك

فيه طريقة تسلك الكاربراتير حتبدل اسلاك البوجيهات 2 مكان 3 وتدور العربية حتعمل صوت فرقعة بنسمية مدفع من الكاربراتير ولو فية سدد بتسلكة بس مش كتير 4 او 5 مرات كافية وترجع اسلاك البوجيهات 2 و 3 فى مكانهم تانى وحتلاقى الكاربراتير فاق وبقى 10/10 تحياتى !!!