الموضوع: المراوح بتفضل شغاله بعد مقفل الكونتاكت

ديه ممكن ماتحصلش تاني ولو حصلت بص علي ترموستات الكوعه وطرمبه الميه حصلت معايا مرة بس كتاوت المروحه كانت معلقه لما عدلتها المراوح اشتغلت وانا مبطل العربيه لغايه لما زبطت حرارتها وفصلت ومعملتهاش تاني وياريت ريتر الكمبيوتر شيل كابل البطاربه السالب لمده خمس دقايق وركبه تاني

انا عندى بتعمل كده على طول وممكن افصل كونتاك وبعدها باربع دقايق المروحه تشتغل لوحدها

حصلت معايا بالفعل كذا مرة وساعات تفضل شغالة كثير من غير ما احسب وبصراحة ما ادتهاش اهتمام طالما مؤشر الحرارة مضبوط .. أعتقد إن كدة طبيعي ... هو 7 دقائق كتير فعلا .. بس ممكن تكون كانت تهنيجة من الكمبيوتر ولا حاجة

المشاركة الأصلية كتبت بواسطة hadota_masreya

بص يا باشا
انت ماحددتش نوع العربية بس الكلام التالى ده للجين 2 و البرسونا لو انت حاجه تانيه غيرهم مش هافتيلك
صلى على النبى
هي دى مشكله فى العربية (جين 2 / بيرسونا)
أولا و حتما و لابد طالما بتفصل الكونتاكت و المروحة بتفضل شغاله يبقى الموتور سخن.
و علشان تتأكد
بعد ماتبطل العربية بدقيقة كده لو المروحه فضلت شغاله و هما عامة هاتلاقى المروحتين فى حالتك دى مش مروحة واحده
ادخل العربية و شغل الكونتاكت من غير ماتدور
هاتلاقى امبير الحرارة مظبوط و بعدها بكام ثانية هاتلاقيه على
دى مشكله فى العربية انه اوقات بيعمل الحركه دى - انا اقصد مشله فى الأمبير و أعتقد انها مشكله عامة-
كده يا باشا انت عندم مشكله فى دورة التبريد
لازم تشوف حد كويس يكشف عليها - يجوز الريداتير اللى انت جايبه مش قد كده - يجوز ثرموستات الكوعه عايز يتشال او يتغير - اعمل تشيك عامة على دورة التبريد
على فكره مكتوب فى كتالوج العربيه (ما معناه علشان أنا مش فاكر النص كويس) ان فى بعض الأحيان النادرة و حط خط تحت النادرة دى و فى الأجواء شديدة السخونة قد تلاحظ عدم توقف مروحة التبريد بعد غلق كونتاكت السيارة.
و احنا ماعتقدش اننا وصلنا للجو شديد السخونه اللى مقصود ده اللى الحراره اعتقد مش هاتقل فيه عن 42 أو أكثر

الكلام ده انا كتبته من خلال تجاربى الشخصية - لأنى شفت كتير و قليل فى موضوع السخونه ده مع بيرسونتى.
:)

دي كانت مشكلتي فعلا, و كانت المراوح دايما تشتغل بعد ما ابطل و الحرارة كانت بتعلي ساعات. كله ظبط بعد تغيير ترموستات الكوعة.