الموضوع: تست درايف 530

TEST DRIVE : BMW 530i 2007
[color=]3000 سي سي......258حصان
522 كم

لأول مرة في حياتي اكون مرعوب من تست اعمله...او حتى من محاولة تقييم اي عربية..انا مين برضه علشان اقيم BMW؟؟
لدرجة انني فكرت اني ماركبش العربية من اساسه؟؟ وماكتبش التجربة في تست درايف...

يا ملين.....

نظرة اولى:
تحس ان عينك هتاكل كل حتة في العربية من شدة الفخامة الخارجية والداخلية...قمة التناسق والأبهار :shock: :shock: ...يا مثبت...الدمج الممتاز بين الكلاسيكية والفخامة والمسة الرياضية فيما يتعلق بالشكل...جنوط 17" مرعبة...والباقي لا يحتاج اي تعليق.... :shock: :shock:
Xenonكمان

من الداخل تابلوه كل شيء فيه مدروس بعناية فائقة..و ماتحتاجش تحرك ايدك وانت سايق اكتر من كام ستني علشان تؤدي وظيفة ما...القعدة احلى بمراحل من ال318i (و ما ادراك ايه قعدة ال318) تحس بالعظمة وانك عايز تدوس الناس اللي في الشارع...وعندك قدرة تدميرية لكل حاجة في الشارع...فوق..فوق...(قالهالي صاحبي) مش هجيلك من اخر الدنيا علشان تفضضل مبرق كده!! دورت (و يارتني ما دورت) عمللي بروفيل علشان العربية تبقى عارفاني يعني ضبط الكرسي و اسلوب القيادة و خلافه...وقعدت العب في النافيجيشن LCD و للأسف الGPS مش شغال عندنا...الدركسيون فيه المثبت وتحكمات الCD & DVD..نظام الصوت مهووول عديت10 سماعات و هوه بيقولي 13..والسبب انها مجهزة بنظام DOLBY DIGITAL علشان الأحاطة و دعم الأفلام. :shock:
التكييف رهيب..وتوزيع الهوا والتحكم بالرطوبة هايليين..و قالي وللع سجارتين كده..ولعنا..ر رغم كده الفلاتر بترشح الدخان من الكابينة بشكل لا يوصف :shock: مع اعطاء معلومات كاملة عن حالة الجو الخارجية حرارة و رطوبة

الأداء:
صوت موتور عظيم...وحش تحت الكابوت يا راجل..و داخل القاهرة...القيادة في منتهى السلاسة بالرغم من الحجم الكبير للعربية...تمشى و تقف وانت مش حاسس لا بالمشى ولا بالفرامل..العالم اللي حواليك هوة اللي بيتحرك بس :mrgreen:
عدينا الكارتة...و قلت افتح(التليين مالوش معنى خالص مع العربيات دي!!) و اطلقت سراح الوحش..من0الى 100 في اقل من6 ثواني...وتحس انك اتشديت لورا و دماغك لزقت في المسند..ولافارق الطريق طالع وللا نازل..ووصلت ل255كم و دي اعلى سرعة سقت بيها في حياتي...و بالرغم من كده احساسك انك على 140 ولا اكثر...Dynamic stability control + Automatic stability control من نوع خاص كمان :roll: و وصلنا اسكندرية بعد 56 دقيقة بالضبط
(برمجنا العربية انها تحسب زمن الرحلة) قعدنا على ستانلي ساعة و قلنا نرجع قبل ما الشمس تطلع و قد كان...

ساق هوة و احنا راجعين و ان قعدت استكشف في العربية ولقيت معاها موبايل6230i ...ومجهزة بكار كيت بلوتوث علشان سهولة التشبيك مع اي موبايل...

الحماية:
10وسائد هوائية...و زجاج من نوع خاص...و دعامات صلب للابولب والقوايم..(محدش ممكن يموت جواها اللا بالسكتة القلبية :mrgreen: )

الصراحة...العربية محتاجة اكثر من كده علشان تستوعب كل اللي فيها..ومش سفرية سريعة كده هية اللي تحكم عليها...

العيوب:
اولا: التوكيل البافارية...زحمة موووت دايما...و ممكن تقضي النهار كلله هناك...بالاضافة ان العمالة هناك مش قد كده (و هتكلم عن الموضوع ده ان شاء الله في تست ال318)
ثانيا: التقفيل المصري و ما ادراك ما التقفيل المصري...حتى في المرسيدس و البي ام برضه...
ثالثا:استهلاك البنزين مريع..بالأضافةان الغلطة بفورة!!(بس وجودها في الفئة السعرية دي يخليه مالوش معنى)
رابعا:العربية تمنها 700.000ج و ممكن تحصل على نفس البرستيج الخارجي على الأقل برضه بأقل من 500.000ج في الموديل 523i مع توقع انخفاض ملحوظ في الأداء نظرا لأنها 177حصان (81حصان فرق!!ده بينهم اسطبل على الأقل :mrgreen: )

الخلاصة :
اسطورة احلم بيها بس -حاليا-اداء مدهش....و انا اللي هقول يا باسط :mrgreen: :mrgreen:[/color]

يا خبر .. ثانك يو ..و اعذر جهلي بالموضوع ;)