مفتاح العربيه الاساسي اتكسر !!

**bassol2000** · 13-05-2013 09:18 AM

سلام عليكم اولاً .. انا حابب استفسر عن حاجه .. فى حاجه غبيه حصلتلي اوي .. هى نصيب و الحمدلله علي اى حال .. و ماحدش يسألني ازاى .. هى حصلت كده .. المفتاح كان فى ايد بنت اختى الصغير ووقع منه الريموت اتكسر الجزء اللى بيمسك فى الميداليه بتاعة المفاتيح ( بس شغال تمام و لزقته و ركبته تانى مافيش مشكله ) المفتاح الاساسي الاسود هو اللى اتكسر نصين ازاى ماعرفش و طبعا انا معايا المفتاح الاحتياطى ماشي بيه للاسف بس مش مرتاح خالص للموضوع ده
العربيه : نيسان صني
السنة : 2010
عاوز استفهم بقي انا لو روحت التوكيل و حابب اطلع مفتاحها الاساسي ( انا معايا المفتاح الاحتياطى و الريموت و الورق بتاع العربيه و رخصتها كلها بأسمي )
ايه النظام و حد مر بالتجربة دى قبل كده ولا انا اول واحد يحصله كده .. شكراً جزيلاً مقدماً

**aiman0173** · 13-05-2013 10:53 AM

بيبقي فيه مع المفاتيح شريحة حديد صغيرة عليها رقم ، الرقم دا التوكيل من خلاله ممكن يطلع لحضرتك المفتاح ، دا على حسب ما انا متذكر

**أحمد عبدالله** · 13-05-2013 11:49 AM

متابع

**moumen_hs** · 13-05-2013 12:04 PM

ياباشا ريح دماغك وطلع على الاصلى حتى لو مكسور عند أى حد بتاع مفاتيح ب 10 جم أو خد المفتاح الاستبن والاصلى وهو يظبتهولك بحيت يبقى الاستبن زى الاصلى يفتح الشنطة بس افضل طلع على الاصلى وخلاص

**Magoda** · 13-05-2013 01:05 PM

طلع على الاصلى ب 10ج زى ما الزملاء قالولك وفى واحد كويس جدا فى ميدان السواح

**mem** · 13-05-2013 03:55 PM

عادى ممكن تعمله فى التوكيل ب 80 جنيه

**wardet** · 13-05-2013 04:56 PM

اعتقد ان لو طلعت على المفتاح هيفتح العربية بس مش هيدورها

**EMO_ELNEMS** · 13-05-2013 06:44 PM

يعني ايه يطلع على الأصلي عند اي حد بتاع مفاتيح
يعني تقصدوا لو واحد لاي ظرف وقع في ايده مفتاح العربية ممكن يطلع عليه عادي كده وبالتالي ممكن يفتح العربية ويسوقها وانا نايم في العسل
ياريت حد متاكد من المعلومة دي يوضحها ويفسرها لينا كلنا

**bassol2000** · 14-05-2013 07:08 AM

انا هروح التوكيل فعلا ... بس الاسبوع الجاى عشان شقتي مطلعه عين ........ و سيراميك و بورسيلين و نيله .. الحمدلله على كل شئ قضاء اخف من آخر

**moumen_hs** · 14-05-2013 11:57 AM

المشاركة الأصلية كتبت بواسطة emo_elnems

يعني ايه يطلع على الأصلي عند اي حد بتاع مفاتيح
يعني تقصدوا لو واحد لاي ظرف وقع في ايده مفتاح العربية ممكن يطلع عليه عادي كده وبالتالي ممكن يفتح العربية ويسوقها وانا نايم في العسل
ياريت حد متاكد من المعلومة دي يوضحها ويفسرها لينا كلنا

ايوة طبعا أمال الناس الى غيرت الكيت القديمة وعملة على المفتاح الاصلى فى الكيت الجديدة أزاى أنا عن نفسى مطلع مفتاحين أستبن وفترة كبيرة كنت شغال بيهم عادى جدا وسايب الاصلى فى البييت دة المفتاح المشفر بيطلعو علية عادى ولا أى أندهاشة