شقة للبيع في عين شمس

**cheetos_892005** · 13-05-2013 10:12 AM

عارضين شقتنا للبيع ...

130 متر 76 شارع عين شمس على الشارع الرئيسي

العمارة اللي فيها حلواني علم الدين

الشقة ايجار قديم والدي هيتملكها مع صاحب العمارة

ويبعها تمليك

مهندس عبد الفتاح فتحي 01002362885

او اللي ليه علاقة بحد او سمسار يخلصلنا الموضوع ده اكون شاكر

لاننا مستعجلين و ربنا يعين الناس كلها على ظروف البلد

**Magoda** · 13-05-2013 01:03 PM

طالب فيها كاام يا شيتوووس

**cheetos_892005** · 13-05-2013 01:11 PM

المشاركة الأصلية كتبت بواسطة magoda

طالب فيها كاام يا شيتوووس

التفاوض مع الوالد ان شاء الله
مهندس عبد الفتاح فتحي 01002362885

**El Prince** · 13-05-2013 03:42 PM

طيب مش لما تتملكوها الأول تبأوا تعرضوها للبيع ؟؟!!!

**cheetos_892005** · 13-05-2013 03:56 PM

المشاركة الأصلية كتبت بواسطة el prince

طيب مش لما تتملكوها الأول تبأوا تعرضوها للبيع ؟؟!!!

نظام بيع الايجار القديم كده ..... باخد منك تمنها تمليك بدي لصاحب العمارة الجزء بتاعه و اخد انا الباقي ؟؟ايه مشكلة حضرتك؟

**El Prince** · 13-05-2013 04:29 PM

أنا معنديش مشكلة - كل ما هنالك انى مستشار قانونى - و بحاول أدلك على الترتيب الصحيح فى الاجراءات القانونية
عاوز تأخد بالنصيحه أهلاً و سهلاً - مش عاوز برده أهلاً و سهلاً
و موفق بأذن الله ..
تقبل تحياتى ,,,

**cheetos_892005** · 13-05-2013 05:06 PM

المشاركة الأصلية كتبت بواسطة el prince

أنا معنديش مشكلة - كل ما هنالك انى مستشار قانونى - و بحاول أدلك على الترتيب الصحيح فى الاجراءات القانونية
عاوز تأخد بالنصيحه أهلاً و سهلاً - مش عاوز برده أهلاً و سهلاً
و موفق بأذن الله ..
تقبل تحياتى ,,,

لا عاوز النصيحة بجد و مقصدش اضايق حضرتك بجد ...ايه مشكلة حضرتك كان قصدي بيها سؤال مش حاجة تانية

**ramymechanics** · 14-05-2013 02:05 AM

موفق فالبيع انشاء الله ...
لو لقيت مشترى شوفلى مشترى معاك ... شقتى 132 متر فى النعام دور تاسع وأخير عمارة مبانى 99

**م. حاتم السباعي** · 14-05-2013 02:36 AM

المشاركة الأصلية كتبت بواسطة cheetos_892005

نظام بيع الايجار القديم كده ..... باخد منك تمنها تمليك بدي لصاحب العمارة الجزء بتاعه و اخد انا الباقي ؟؟ايه مشكلة حضرتك؟

بص يا استاذ شيتوس يا زميلنا العزيز

انا مش مستشار قانوني زي اخونا الفاضل الاستاذ ( El Prince )

و لكني انصحك من واقع خبرتي في مواقف كثيرة اخرها حدث عندي في العمارة منذ ثلاثة اشهر

اخ فاضل لنا في العمارة اسمه ( س ) مستأجر شقة بعقد قديم و متفاهم مع صاحب البيت الحاج ( ص ) تماما مفيش اي مشكلة و هما حبايب و زي العسل مع بعضهم عرض عليا الموضوع و كان بياخد رأيي في الثمن اللي يطلبه لاني لسه ساكن معاهم من سنتين في العمارة
و قال لي انه متفق و انه عارض الشقة في الوسيط فقلت له طيب ما تخلص يا حبيبي مع صاحب العمارة فقال لي ما انا لما المشتري هيجي يديني جزء ادفعه لصاحب العمارة فيقوم صاحب العمارة عامل ليا العقد الابتدائي و هكذا فأقوم انا بايع للمشتري الجديد قلت له ليه اللفة الطويلة دي ما انت عارف انت طالب فيها كام و انت عارف صاحب البيت معربن معاك علي كام ما تخلصه انت الله يكرمك و تاخد عقدك و تاخد منه توكيل بيع للنفس و للغير في الشهر العقاري و تبقي تبيع براحتك

المهم لم يقتنع و ظل عدة اشهر عارض الشقة و في يوم جاء له مشتري و شبه موافق و كل شئ ماشي زي الحلاوة و اتفقا علي السعر مع انه كان سعر مبالغ فيه حبتين و مع ذلك ربنا وفقه في هذا المشتري

و اتصل بالحاج صاحب البيت و حددا موعد بعد يومين سوف يأتي صاحب البيت و المشتري و الاخ الفاضل صاحب الشقة جميعهم للعمارة بالفلوس لاتمام كل شئ

اتصل بي البواب قبل الموعد المحدد و قال لي الحقني الاستاذ ( س ) البقاء لله من شوية

النتائج

الشقة الان مستأجرة ( لقصر مع الام ) لا يجوز اي تنازل عنها الا بتدخل المجلس الحسبي و المشتري طبعا لم يحضر حتي العزاء

و الحاج صاحب العمارة لم يكتب له الله هذا الرزق

خلاصة الموضوع الطويل ده ربنا يطول في عمر والد حضرتك لو ان صاحب العمارة توفاه الله اليوم او غدا هل تضمن ان يبيع لكم الورثة الشقة طبعا لا تضمن ذلك

اخي الكريم توكلو علي الله و افصلو الشقة سريعا عن طريق السماسرة و عن طريق اصحاب الخبرة في المنطقة و اتصرفو في مبلغ بأي وسيلة و اعطوه لصاحب البيت سريعا و تملكو الشقة ثم يحلها الف حلال بعد كده

تحياتي اليك