انا بــــــفكر اشترى لانسر تانى!!

أولا تحياتى الى كل اخواتى الانسرويه
انا كان معايا لانسر موديل 2004 وكانت كامله وبعدين بعتها
انا حاليا بفكر انى اشترى لانسر كامله هاى لاين بس مش عارف هل العربيه كويسه واثبتت كفائه
هل فى مشاكل مع التوكيل
ايه اخبار العربيه من حيث العفشه وقوه الفرامل
ايه اخبار الموتور
ايه اخبار الصالون والتقفيل
ايه اخبار سحب العربيه
ايه اخبار التكيف
ايه اخبار معدل البنزين
ايه التجهيزات الاضافيه للعربيه زى (جهاز الانذار_الكاسيت_السماعات_م� �تاح ريموت)
السعر الحالى كام لكل الفئات
مكان التوكيل
طيب الانسر ولا النيسان الجديده
انا فى انتظار ارئكم وياريت محدش يبخل عليا :grin54:
تحياتى..

متابع

ما تصبر شوية لما الشكل الجديد ينزل

اقتباس:

---

المشاركة الأصلية كتبت بواسطة ahmedabutaleb

ما تصبر شوية لما الشكل الجديد ينزل

---

خايف يكون السعر الجديد غالى اوى

هو فى ايه 66 مشاهدة ومفيش حد رد عليا
هو الموضوع صعب اوى كده

غير و خليك فى الشارك مثلا علشان تحس بتغيير

العربية ممتازة انا معايا لانسر2012 بصراحة عملية جدا المهم الصيانة فى مواعيدها

انا جبتها ا ٢٠١٣ فعلا عربية حلوة و علي فكرة نظام التعليق اتغير للافضل. كان فى أعضاء هنا اتكلموا أنهم شالوا الميزان الخلفى و قالوا علشان يوفروا فى التمن و طلع الكلام ده مش صحيح انا روحت بيها لميكانيكى بتاعى وقال لى العفشة كلها متغيرة والنظام الجديد ده مش محتاج لميزان خلفى و العفشة دي افضل من القديمة بكتير. حتى تلاحظ موديلات ٢٠١٢ و ٢٠١٣ العربية من ورا عاليا عن الموديلات القديمة. توكل على الله و اشتريها لأنى سمعت أنها حتغلى تانى بعد دخول الجيش فيها

اقتباس:

---

المشاركة الأصلية كتبت بواسطة dr.lancer

انا جبتها ا ٢٠١٣ فعلا عربية حلوة و علي فكرة نظام التعليق اتغير للافضل. كان فى أعضاء هنا اتكلموا أنهم شالوا الميزان الخلفى و قالوا علشان يوفروا فى التمن و طلع الكلام ده مش صحيح انا روحت بيها لميكانيكى بتاعى وقال لى العفشة كلها متغيرة والنظام الجديد ده مش محتاج لميزان خلفى و العفشة دي افضل من القديمة بكتير. حتى تلاحظ موديلات ٢٠١٢ و ٢٠١٣ العربية من ورا عاليا عن الموديلات القديمة. توكل على الله و اشتريها لأنى سمعت أنها حتغلى تانى بعد دخول الجيش فيها

---

اشكرك على اهتمامك
وفعلا انا لاحظت ان العربيه من ورا عاليه عن الموديلات القديمه وده شئ كويس بس محدش قالى تجربته الكامله مع العربيه

معلش ياجماعه ياريت تقولولى اشوف العربيه فين

بص ياباشا نصيحة شوف البومه و الشارك و اركب الأتنين.و قارن.لو عاوز تشوفها ممكن في ابو رواش او أي معرض كبير هتلاقي دي و دي و قارن و اركب العربيتين و ربنا يوفقكك

متابع

اقتباس:

---

المشاركة الأصلية كتبت بواسطة manfromegy

بص ياباشا نصيحة شوف البومه و الشارك و اركب الأتنين.و قارن.لو عاوز تشوفها ممكن في ابو رواش او أي معرض كبير هتلاقي دي و دي و قارن و اركب العربيتين و ربنا يوفقكك

---

عين العقل هو ده الكلام الصح لان كل واحد راكب عربيته حاسس أنها الأفضل ، فأحسن حاجه انت اللى تختار بينهم

اقتباس:

---

المشاركة الأصلية كتبت بواسطة ahmedteam

غير و خليك فى الشارك مثلا علشان تحس بتغيير

---

انا أؤيد هذا الرأي بشدة
ومبروك عليك مقدماً

هانى باشا ركبت لانسر بومة تنزل منها تركب لانسر بومة ليه
رأئى تجيب الشارك او نعلى حبتين بقى ونجيب تويوتا كورولا صدقنى انا لو معايا اغير هجيب يا شارك يا كورولا يا هعلى حبتين تلاتة وادخل فى الهوندا