هيونداي أكسنت 1999

**hopeless20** · 13-05-2013 11:49 AM

السلام عليكم
هيونداي أكسنت 1300 موديل 99
مانيوال-تكييف شغال-انذار -سنتر لوك -فابريقه دواخل - فرش الفبريقه - كاسيت الفبريقه -ارضيه جلد -موتور ممتاز -عفشه جديده كليا 4 مساعدين و2 مقص - 2 كاوتش جديد وأستبن جديد -صيانه دوريه - رشه نضافه ما عدا السقف من سنتين - تاني يد بأسمي بدون توكيلات - ورقه واحده في المرور - طقم سيرفيس جديد (سيور وتيل وموبينه وطقم كهرباء) -لا تحتاج أي مصاريف - لا للتجار -- والتفاوض بعد المعاينه لعدم الاحراج

1-ماركة السيارة : هيونداي أكسنت
2-الموديل/السنة : 1999
3-عدد الكيلومترات : 245000
4- نوع ناقل الحركة : ( مانيول)
5-لون السيارة : أبيض
6-الكماليات (كاسيت الفابريكه - تكييف شغال - إنذار - سنتر-فرش الفابريكه-ارضيه جلد -زجاج عادي-هاف باور)
7-حالة الصاج او الخوارج (رشه من سنتين نضافه)
8-حالة الدواخل ( فابريكة دواخل)
9-حالة الصالون (جيد جدا - وفيه شرخ واحد بس في تابلوه العربيه زي أي اكسنت 1999)
10-الحالة العامة او التقييم العام للسيارة (- ممتاز-)
11-حالة البطارية : بطاريه جافه جديده
12-حالة الكاوتش (2 كاوتش جديد - 1 استبن لم يستخدم - 2 كاوتش حاله جيده)
13-السعر المبد ئي : 38000 قابل للتفاوض البسيط بعد المعاينه
14-اسم صاحب الاعلان : أحمد مصطفي 01005441815
15-تاريخ انتهاء الرخصه : 3/2014
16- ثاني يد رخصه بأسمي بدون توكيلات .. ورقه واحده في المرور
17-امكانية البيع بتوكيل
18-حالة الموتور : ممتازه
19-مكان المعاينة : القريه الذكيه او مسرح سيد درويش شارع خاتم المرسلين / الهرم
20- سعة المحرك 1300

**enazaky** · 13-05-2013 01:56 PM

1999 و 245 الف كيلو
و 38 الف جنيه
انا شايفة انها غالية
انا صاحبة اختى كانت عارضة 2005 استخدام سيدة مانيوال 41 الف وحالتها زى الفل
بس الناصيب الواحد ملحقهاش

**ahmedabutaleb** · 13-05-2013 02:05 PM

بالتوفيق ان شاء الله

**hopeless20** · 27-05-2013 12:10 PM

تم البيع بحمد الله
شكرا لكل الناس اللي فاصلت من غير ما تشوف حاله العربيه حتي
واعتقد ان لو موضوع الكليومترات الكتير مشكله كانت الشركات نزلت العربيات بتاريخ صلاحيه او بعدد كيلومترات

الحمد لله العربيه كان بيتعملها صيانه دوريه كل 10000 كيلو
ومفيش حاجه كنت بسكت عليها فيها .. حتي لو كاوتش مهوي شويه .. حتي مساحات العربيه كنت بغيرها في مواعيدها

**3mr Farrag** · 28-05-2013 11:30 PM

مبروك علي البيع
بس ممكن اعرف بعتها بكام؟؟

**exelence** · 29-05-2013 04:12 AM

مبروك البيع بس هى فعلا" كان سعرها عالى

**hopeless20** · 30-05-2013 09:12 AM

السلام عليكم

انا اللي مضايقني ان الناس بتتكلم تفاصل وخلاص .. من غير جديه .. يعني ازاي واحد يفاصل في حاجه مشفهاش اصلا .. طيب افرض انا وافقت وطلعت رشه دواخل ... هتنبسط كده .. اللي بتكلم عنه هو الاحترام في عمليه البيع او الشراء بين الطرفين .. وفكره الفصال دي خلت الناس تتجنن وتحط اسعار لعربيتها فوق بزياده اوي ..

فكره ان العربيه غاليه او لأ .. انا الاول دورت علي الاسعار علي كونتكت كار ولقيت الاسعار من 38 لحد 44 الف لنفس موديل عربيتي .. ولما دخلت المنتدي وطلبت تسعير كان الرنج من 35 لحد 38 الف .. يبقي ال 38 مش عالي .. اللي يحكم حاله العربيه
عربيه معايا بقالها 5 سنين .. انا تاني مالك بعد خالي من الزيرو ..بيتعملها صيانه كل 10000 بدون مبالغه .. كل حاجه بتتغير زي ما الكتالوج بيقول بالظبط .. بيتنضف الريدياتير ودوره التبريد مرتين في السنه .. كل الزيوت من موبيل .. حتي زيت الفتيس وزيت الدبرياج والفرامل .. حتي المياه من موبيل .. فوق كل ده لسه معمولها صيانه كامله عشان كانت أختي هتاخدها ومعرفتش تسوق مانيوال .. يبقي لما اطلب 38 ده كتير .. واللي بيفاصل من غير ما يشوف ده اسمه ايه ؟!
انا معنديش مشكله ان السعر ميعجبكش .. بس علي اني اساس ؟! .. والفصال بيبقي علي اساس ايه ؟ .. في واحد شاف العربيه .. ورفعها .. وتمام يا باشا .. قالي تمام .. فيها حاجه ؟! .. قالي العربيه زي الفل .. بدا الفصال ...ونزل لحد 35 .. وانا بذوق رفضت ..وقولتله اخرها معايا 37 .. قالي طيب فكر وكلمني .. مكلمتوش .. بعدها بيوم كلمني وجاب واحد معاه وشاف العربيه تاني .. اللي معاه قالي العربيه دي محتاجه اكصدام .. وواخده خبطه في الشنطه .. وفي القايم .. وفي الباب اللي ورا .. وخبطه في الرفرف .. قولتلو تمام .. متشتريهاش .. ومشي ... بعدها بيوم الراجل يكلمني يقولي انا هاخدها علي 36 .. قولتلو ازاي هتاخد عربيه محتاجه اكصدام .. وواخده خبطه في الشنطه .. وفي القايم .. وفي الباب اللي ورا .. وخبطه في الرفرف ..؟!!!!!!!!؟؟؟؟؟؟؟؟ .... سكت .. قولتله العربيه مش للبيع حضرتك

في نفس اليوم جه راجل محترم .. اتفرج علي العربيه .. عجبته .. سأل اخرها كام .. 37 .. شكرا .. طلع الفلوس .. خد العربيه .. ومشي .
تاني يوم رحت جيبتلو المخالفات كان عليها 130 جنيه .. والتوكيل .. وشكرا
أتباعت ب 37