المشاركة الأصلية كتبت بواسطة nileprince
السلام عليكم
اعضاء المنتدى الكرام والناس اللى بتفهم فى العربيات
انا اقع فى حيره كبيره ومحتاج نصايح منكم
اولا انا عربيتى لانوس 2008
عامله دلوقتى 110 الف كيلو متر
مكنتش بعمل لها صيانه فى التوكيل ودلوقتى هى فيها مشاكل كتير
واسئلتى هي :_
ايه الفرق بين العفشجى والميكانيكى ... يعنى مثلا بتاع العفشه ده بيصلح ايه والميكانيكى بيصلح ايه
الفرق ان العفشجي المفروض انه للزوايا والاتجاهات فقط ويبعتك للميكانيكي لما يحتاج يغير مساعدين بطاحات شمعدان كوبلينج سوستة ميزان مسمار الخ
وترجعله تاني يظبطلك زوايا ويأفل علي شغل الميكانيكي
وممكن تروح للميكانيكي يكشف ويغير قطع غيار ويبعتك للعفشجي يظبط زوايا
(( الاتنين بيكملو بعض لما تبقي مشكله زوايا او اتجاهات ))
تانى حاجه عاوز اعرف حد كويس سواء ميكانيكى او عفشجى على حسب اجابه السوال الاول ويكون كويس وقريب من مدينه نصر او التجمع الخامس
انتا عاوز حد معرفة يبعتك لحد مضمون صح ...
والله من حكم خبرتي ..مافيش حد مضمون 100 % يعني انتا واللي تستريحله
عموما انا اعرف حد في ( عين شمس ) بس المركز ده ( حنين ) في الاسعار وعنده العفشجي والميكانيكي سوا .. والراجل المسؤل عن المركز بيسوق عربيتك ويقولك فيها ايه
لو عاوز ابعتلي علي الخاص ( دي قوانين المنتدي ) عشان مايبقاش اعلان مش مدفوع الفلوس
تالت حاجه ايه الحاجات اللى اغيرها او اعملها لما العربيه وصلت ل 110 الف (بالمره يعنى )
الحاجه الاخيره بقى اشترى قطع الغيار منين
محدش ها يعملك حاجه .. (( انتا اعتمد علي نفسك في اكتساب خبرتك )) (( انا عملت كده ))
هنا احنا هانقول نصايح ممكن يبقي صعبة عليك من غير ما تشوف وتجرب بنفسك
علي العموم .. بالنسبة للرقم اللي انتا قلته ده 110.000 كيلو
قطع غيارك من التوفيقية او من شارع دمشق او من منفذ بيع ( التوكيل بتاعك )
انتا محتاج (( طقم سيور فورا )) بالبلية بتاعت الكاتينة (( اصلي وبلاش تسترخص ))
تغيير (( زيت فتيس وفلتر هوا وبنزين وزيت عربيتك بالفلتر بتاعها ))
انتا محتاج (( دورة تنضيف ريدياتير )) وتغيير سائل التبريد .. انا با انصح ب ( بريستول امريكي مع مضاد الصداء مع مادة اسمها COOL امريكي .. ..لو عاوز استفاضة ابقي كلمني علي الخاص..
لازم تلحق نفسك الاهمال في تغيير سير الكاتينة اضرارة مش كويسة علي الموتور لاقدر الله
اتمني اكون افدتك
وجزاكم الله كل خير