المشاركة الأصلية كتبت بواسطة a_nbm
كنت عايز اخد رأي حضراتكم .......
في شقه معروضه عليا في حدائق الاهرام وكنت عايز استفسر على شويه حاجات كده
اولا معلومات عن الشقه:-
--------------------------------------------------------------------------------------
- هي في البوابه التانيه منطقه ك
- في شقه بتطل على سلك الضغط العالي مباشره بمساحه 155 متر مربع (امامي)
ابعد عن الضغط العالى لانه مدمر و العياذ بالله
- وفي شقه بتطل على الجانبي والخلفي بتاع العماره بمساحه 120 متر مربع
مش هتشوف حاجه و لو فى بناء مستقبلا يبقى انت الخسران
- بالنسبه للشقتين موجود في الدور التالت او الرابع ( الدورين فاضين وانا لسه هختار)
ثانيا الاسئله :-
1- اللي ساكن هناك ايه هي المميزات اللي شايفها في المكان ؟
الهدوووء للى بيحبه
2- اللي ساكن هناك ايه هي العيوب اللي شايفها في المكان ؟
مفيش مواصلات الا التكاتك و قله الخدمات و الارض مكسره
3- سعر المتر 1100 كاش و 1200 قسط على سنتين(السعر كده كويس ولا لأ ) المالك بيقولي عامل معاك واجب كبير (عشان رايحله من طرف واحد حبيبه)
السعر عادى جدا و زى ما قال الاخ شكله غالى علشان الضغط
4- هيسلملي الشقه محاره وحلوق وعلب كهربا و وصله الميه والصرف جوه الحمامين والمطبخ (كده كويس ولا لأ )
كويس
5- الكهربا ممارسه يعني في عداد انشائي للعماره وكل شقه بتدفع 500 جنيه كل 3 شهور وبيقولي ان موضوع عدادات الكهربا اللي هيمشي ع الناس هيمشي علينا (ملحوظه 1- هو باني دور مخالف وقالي ان كل الملاك بقوا يعملوا كده لأن هو ده مكسبهم لأن سعر الارض غالي جدا ملحوظه 2- هو معاه شقه في نفس المدينه ويوجد بها عداد وكان لسه دافع كهربا شهر 3 وشهر 4 وكانوا ب 450 جنيه يعني بيقولي الممراسه ارخص وكان معاه فاتوره الشهرين وشوفتهم ) (ايه رأيكم في الكلام ده )
ابعد عنها فورا لازم يكون العداد راكب و تشوف وصل نور باسم صاحب العماره لانك هتدوخ السبع دوخات
6- هل المياه هناك صالحه للشرب ولا لأ وهل بتقطع كتير ولا لأ ؟
صالحه للشرب
7- المدارس هناك اخبارها ايه (عندي بنت كى جي وان )
معرفش
8- الامن هناك اخباره ايه ؟
ربنا يستر زى كل الاماكن الجديده مفيش
9- الطريق من والى المدينه اخباره ايه ؟
10- الخدمات هناك اخباره ايه (مطاعم كافتريات سوبر ماركت ..........الخ )
11- ترشحولي الشقه الامامي ولا الخلفي والجانبي
الشقه الامامي
12- طب لو هاخد الامامي هي بتطل عل سلك الضغط العالي هل فيه منه مشكله (ملحوظه انا شايفه ميزه لأن عرض الشارع 120 متر يعني الشقه مش مجروحه خالص وكمان بيقولي هنعمل جنينه للسكان وجراج للعربيات)
ابعد عن الضغط العالى تماما وبلاش المنطقه دى كلها
13- الاسانسير ظروفه ايه ؟ يعني هدفع فلوس تاني ولا لأ ؟
هتدفع فى حدود 4000-5000 ويمكن اكتر
14- هل بقيس بمتر وراهم تاني وهل المناور والمسافه المتروكه للشارع بتدخل معايا في الحساب ولا لأ
المناور والمسافه المتروكه للشارع بتدخل معاك في الحساب
15- لما بيعملي عقد تمليك انا كده بتملك ايه ... حيطان بس ولا نسبه في الارض ولا ايه بالظبط ؟
المفروض حيطان و نسبه في الارض
16- ازاي اعمل عقد صح وايه هي شروط ازاي اتأكد من ورق العماره انه سليم ولا لأ وان هو مالك للأرض فعلا ولا لأ ؟
لازم محامى وتاخد صوره من ورق ملكيته للارض و تكشف عليها فى الحى علشان تتاكد ان مفيش اى منازعات او قواضى او بناء مخالف
ملحوظه اخيره مالك العقار واخد الدور الارضي وعامله مكتب تسويق عقارات و واخد الدور الاول والتاني وعامله ليه شقه دوبلكس (البواب بيقولي دي ميزه لأن هو معتبر ده بيته وعامل فيه احسن شغل وكمان هيوضب المدخل والواجه احسن حاجه عشان ده هيعتبر واجهه لشغله بعد كده )
اسف بس دى كله شغل سماسره
اسف للأطاله
شكرا