عرض للطباعة
السلام عليكم
انا كنت امبارح فى التوكيل و جبت اسعار الصيانات
مكان التوكيل فى اسكندريه بعد كبرى مرغم يمين حتلاقى بنزينه اويل ليبيا تعديها و تهدى بعد كده حتلاقى كبرى سطحى و عليها يافطه عليها فيات و هيونداى تدخل يمين من جمبها حتمشى بتاع 4 دقايق حتلاقى بوابه مكتوب عليها الشركه المتحده هى ده المكان
الاسعار مكتوبه بقلم ازرق و هى تقريبا و قبله للتغير
http://nileup.com/up/uploads/nilemotors_13684478711.jpg
ده عشان الناس الى بتقول ان اسعار صيانه فيات غاليه ؛ قارن بين اسعار الصيانات دى و اى عربيه فى السوق عشان تعرف الفرق
دلوقتى لما رحت التوكيل قالى اول زياره بعد 5000 ك او 3 شهور و تغير الزيت على 10 او على سنه
اتصلت بطارق النيل قالى تغير الزيت بعد 6 شهور بغض النظر عن الكيلو
اصدق مين فيهم انا بقى
للاسف كلام طارق النيل هو اللى صح .. لان توكيل فيات هنا بيحط زيت موبيل وان اللى صلاحيته 6 شهور فقط (راجع الاستيكر اللى على الزجاج الخلفى وشوفهم حطوا موبيل وان ولا حاجة تانى)اقتباس:
المشاركة الأصلية كتبت بواسطة aliabdo
.. بعد كده انت اللى تحدد نوع الزيت اللى انت عاوزه حسب استخدامك .. يعنى لو بتعمل كيلوات كتير فى وقت قصير خليك مع الزيوت اللى صلاحيتها 6 شهور .. ولو زيى بتعمل كيلوات قليلة فى وقت طويل ابقى استعمل زيت صلاحيته سنة (المهم طبعا يكون زيت تخليقى مش معدنى ويكون بنفس الارقام الخاصة باللزوجة اودرجة الحرارة المكتوبة على العلبة)... انا غيرت من موبيل وان لزيت ليكوى مولى 5w-40 اللى صلاحيته سنة
اما عن نوعية الزيت المناسب .. فصعب انى افتى فى الموضوع .. انا سمعت قصايد فى زيت ليكوى مولى بس بالتجربة لم اجد فارق يذكر بينه وبين موبيل وان .. بالعكس ده موبيل وان افضل قليلا فى صوت الموتور .. وفى ناس بتشكر فى زيت كاسترول وفيه ناس بتشكر فى زيت شل وفيه ناس بتشتكى من الاثنين .. الحقيقة فين .. الله اعلم .
اعتقد لازم تجرب بنفسك وتشوف الانسب لموتورك واستهلاكك
المشكله انى لما كلمت التوكيل اسئل هل ممكن اجيب الزيت الى انا عايزه زى الانواع الى حضرتك ذكرتها قالى لزم موبيل ون عشان الضمان
هل صلاحيه الزيت بتبقى مكتوبه عليها
انا عربيتى معلهاش اى ستيكرات خالص و مش عارف اسمع كلام التوكيل و لا طارق النيل المشكله ان فى فرق 6 شهور بين الاتنين يعنى مش شويه خالص