الموضوع: اللي بيفهم في أسعار الدهب و الدولار

ممكن تقسمى البلد نصين وتاخدى من الدولارات مايساوى ال30 الف
ومن الدهب مايساوى ال30 الف وتبقى ريحتى ضميرك
بس ماترجعيش بعد كده تقولى ياريتنى كنت بعت الدهب كله ولا الدولار كله

المشاركة الأصلية كتبت بواسطة mado83

سيبك من فكره الكريدت
وفى نقطه بس حابب اوضحها لحضرتك انك ممكن تبيعى الدولارات وتجيبى العربيه وبكره الصبح تلاقيه ب10ج يبقى حلال عليه ولا تزعلى ولا حاجه
ونفس القصه فى الدهب ماتزعليش على مكسب ضاع منك
ورأيى غيرى الدولار حتى لو زاد بعد كده للاضعاف لانك هتكونى بتمتلكى الذهب اللى هو ليه علاقه مباشره بالدولار ايضا
انما لو حضرتك عاوزه التحليل الفنى للترند بتاع الدهب مش هيفرق معاكى كتير دلوقتى لانك بتقولى ان المده المتاحه هيا شهر ونص فقط حتى لو بعتيه ونزل هيبقى ايه الفايده بدون ماتشتريه تانى
كبرى دماغك شويه

الله ينور عليك..... انا شخصيا ماشى بالمبدأ ده..... حاجة انا محتاجها بجيبها بأحسن سعر فى الوقت اللى انا محتاجها فيه و خلاص..... غليت بقى او رخصت بعدها انا ببقى اشتريت ما يناسبنى فى الوقت الذى يناسبنى و حاولت اجيب احسن سعر و خلاص...... و لا يكلف الله نفسا الا وسعها

المشاركة الأصلية كتبت بواسطة abou_ruqi

انا داخل ارد على دي بس ، حضرتك السؤال غير منطقي ، الذهب قيمته في ازدياد منذ الحرب العالمية لحد يوم القيامة الا لو انهار النظام المالي العالمي ، الدهب مخزن القيمة والشيئ الوحيد الذي يرخص له المال ، حيغلى في القريب ؟ طبببببببعععععععااااااا الذهب لن يتوقف عن الغلو ابدا

بصي علي التشارت دي ؟

[url]http://d3k0ihy9emwgeg.cloudfront.net/images/uploads/2013res-gold200dma.gif[/url]

ايه رأيك ؟ دي منحنى اسعار الدهب في عشر سنين ، جنون صح ؟ بينزل شوية او تقدري تقولي بيتذبذب بس في المجمل هو طالع باستمرار

الدهب هو القيمة
البنكنوت لا قيمة له بالجنيه او بالدولار او باليورو

كلام حضرتك سليم و منطقي طبعا و ده السبب اني مش بحب أشيل فلوس و خصوصا مصري و بأفضل الدهب دايما على العملات, و حتى الدولارات اللي عندي متعتبرش مبلغ كبير

المشاركة الأصلية كتبت بواسطة mado83

سيبك من فكره الكريدت
وفى نقطه بس حابب اوضحها لحضرتك انك ممكن تبيعى الدولارات وتجيبى العربيه وبكره الصبح تلاقيه ب10ج يبقى حلال عليه ولا تزعلى ولا حاجه
ونفس القصه فى الدهب ماتزعليش على مكسب ضاع منك
ورأيى غيرى الدولار حتى لو زاد بعد كده للاضعاف لانك هتكونى بتمتلكى الذهب اللى هو ليه علاقه مباشره بالدولار ايضا
انما لو حضرتك عاوزه التحليل الفنى للترند بتاع الدهب مش هيفرق معاكى كتير دلوقتى لانك بتقولى ان المده المتاحه هيا شهر ونص فقط حتى لو بعتيه ونزل هيبقى ايه الفايده بدون ماتشتريه تانى
كبرى دماغك شويه

أنا كنت أقصد لو بعت الدهب و علي مش نزل. أنا مع حضرتك طبعا ان لو خدت أي قرار مزعلش بعد كدة, لأن ده في الأول و الأخر رزق و نصيب من عند ربنا و اللي مش رزقك كدة كدة حيروح.

المشاركة الأصلية كتبت بواسطة Imhotep

كلامك كنظرية مظبوط يا باشا و شكرا على اثراء الموضوع بمعلومة فنية..... و رغم انى مكنتش عايز اتطرق لتفاصيل فنية عشان كده مرضتش اعطى رأى واضح ممكن يأثر على الاخت صاحبة الموضوع لان ببساطة عدم اليقين محليا و عالميا فى اى شئ بقى مشكلة كبيرة..... ليه بقى؟ يعنى لما تلاقى اخبار من النوعية دى:

"مؤامرة كبرى" وراء انهيار أسواق الذهب العالمية
http://www.alarabiya.net/ar/aswaq/ec...%87%D8%A8.html

ده معناه ايه؟ ان الموضوع فيه انه و مش طبيعى و لا متوقع و ممكن يكون مقصود..... بس ليه؟ محدش عارف ليه بنوك مركزية فجأة رمت اجزاء من احتياطياتها بالدهب فى السوق مما تسبب فى الوقعة الاخيرة له......

و لما تلاقى واحد من اغنى 5 رجال فى الكرة الارضية بيقول تصريح زى ده:

"وارين بافيت": لن أشتري ذهباً حتى لو هبط دون 800 دولار - جريدة البورصة

تفهم ايه من كده؟ و معروف ان تصريح من واحد زى ده ممكن يطلع اسواق و ينزل اسواق كاملة لسلع و يهز اقتصادات بلدان كاملة؟

كلامك اقتصاديا كنظرية صحيح.... لكن الواقع فيه متغيرات تانية و لعب على كبير على مستويات عالية اوى..... برضه ليه؟ هذا ما سوف تكشفه لنا الايام

كلام حضرتك مينفيش كلام abou ruqi بالعكس ده يؤكد ان الهبوط ده مفتعل و ده يرجح انه مؤقت حتى لو استمر كذا شهر

المشاركة الأصلية كتبت بواسطة mado83

ممكن تقسمى البلد نصين وتاخدى من الدولارات مايساوى ال30 الف
ومن الدهب مايساوى ال30 الف وتبقى ريحتى ضميرك
بس ماترجعيش بعد كده تقولى ياريتنى كنت بعت الدهب كله ولا الدولار كله

ان شاء الله مش حاقول يا ريتني, "لو" من عمل الشيطان و ده رزق و نصيب في الأخر بس احنا كبشر ساعات بيبقى برضه جوانا حتة زعل للأسف

المشاركة الأصلية كتبت بواسطة ahmed.fahmy

انا رأيى تغييير الدولارات افضل بس سوق سودا او صرافة لانها حتى لو زادت مش هتفرق فى مبلغ يستاهل
اما الدهب فالتغير فيه طويل المدى يعنى بدل الخساره شيليه هيعلى تانى بس بعد فترة

الدولار خلاص كانت هوجه وخلصت او على وشك، دا غير ان الدولار لو فضل يلعب شويه فى 10 قروش هيفرق 1000 جنيه فى ال1000 دولار.. بس بردو هو المبلغ اد ايه عشان لو كبير الكلام هيتغير

على فكره

1000 دولار فى 10 قروش يفرقو 100 جنيه بس

هو حضرتك عايزة تبيعي الذهب عشان عربية!!!!
عاما اتصرفي ف الدولار ومش تتصرفي ف ذهبك ده ستر لعائلتك ف المستقبل
وعايز اقول مبدأ قانوني البائع دائما وابدا خسران يعنى حضرتك لو اتصرفتى ف ذهبك او دولارتك عشان عربية هتكوني خسرانة بالرغم انك اشتريتي اللي عوزتيه بس من ناحية القيمة العربية بتنزل قيمتها مع الوقت بعكس الذهب والدولار