بص عز العرب فيه ميزه مهمه قوى ان لو العربيه مش عجباك حيطلع لك واحده و انت واقف من المخزن عكس المعرض حيحاول يقنعك انها تمام و لو حتغير حيلطعك موضوع السعر ده نسبى
عرض للطباعة
بص عز العرب فيه ميزه مهمه قوى ان لو العربيه مش عجباك حيطلع لك واحده و انت واقف من المخزن عكس المعرض حيحاول يقنعك انها تمام و لو حتغير حيلطعك موضوع السعر ده نسبى
ايوة مهو دا الى قلهولى استاذ محسن فى عز العرب وان شاء الله شكلها الاسود وربنا يعنا على التراب
انا جبت الاسود على فكره..والاسود ليه هيبه برده ايا كان...بس شوف الابيض كدا برده نصيحه يعني لاني كنت عايز اجيب الابيض بامانه
الابيض تحفة ثم الاحمر وبلاش الاسود بقى عشان الحر والتراب والخرابيش الحلوة
انا كان نفسي اجيب الابيض بس مكنش موجود الصراحه ومكنتش مستعد استنى اسبوعين كمان على ما العربيه تيجي لاني على ما العربيه جات حصلت معايا حوارات ملهاش اول ولا اخر :) ربنا يباركلك فيها مقدما وابقى بلغنا اول ما تجيبها باذن الله ونصيحه مني ليك اوعى تصرها وتحط صورها عالجروب او النت..داري على جينتك تعمر :)
انا اسف يااستاذ جيكسو ممكن اخد رقم حضرتك علشان اسئلك على شوية حاجات وانا بستلم لانى هبقى لوحدى وكل اصحابى فى الشغل ومحدش فاضى يجيى معايا وانا قلقان من حوار ان العربيات الجديدة بتبقى راشة لانى سمعتة اكتر من مرة
وكمان عاوز حضرتك تقلى النصايح الاولى للاستخدام وشكرا لحضرتك ولكل اعضاء المونتدى الكرام
او رقمى اه وحضرتك ادينى رنة بس 01007610250
الف مبروك مقدما على العربية و ربنا يعطيك خيرها و يكفيك شرها .....
فى بعض الحاجات كدة لازم تعملها من وجهة نظرى حتى لو الناس اللى فى التوكيل استغربت ( سيب اللى يستغرب يستغرب ....) شغل التكييف و تاكد بعد فترة انه سقع العربية و للا لأ و بعدين شغل الكاسيت و اضبط الراديو و هات معاك سي دي ام بي ثرى عشان تتاكد انها شغالة و برده المالتى فانكشن - جرب كمان الازاز الكهرباء كله . جرب الانذار و السنتر . تاكد ان الانوار كلها شغالة و من وجود الاستبن و شنطة العدة . بص برده على الازاز و تاكد انه مكتوب عليه علامة بروتون و طبعا هتجرب الفتيس اذا كان اوتوماتيك ( كل النقلات ) و تشوف اذا كان فيه حاجة غربية و للا لأ .
بالنسبة للموتور هتفتح طبعا الكبوت و تتأكد من وجود زيت الباور و زيت الباكم ( الفرامل ) و أيضا تاكد من وجود المياه المضادة للصدأ فى القربة بتاعة الرادياتير - تاكد من وجود بطارية أصلية و لو عرفت كمان تقيس مدى الفولت بتاعها ( يستحسن تجيب كهربائى معاك - مستغربش انا لبست فى البطارية الاصلية و غيرتها بعد اول 5 شهور !!! )
و طبعا هتبص على الحوض و تشوف اذا كان لا قدر الله مرشوش و لا لأ ..
تنزل برضه تحت العربية و تبص على المساعدين الاربعة و تشوف اذا كانوا جايبين زيت و للا حاجه ..
بص برضه على حواف العربية الحديد من تحت عشان تتاكد ان العربية مترفعتش قبل كده
برضه تاكد من وجود الاريال بتاع العربية
ديه الحاجات اللى انا فاكرها دلوقتى و يارب تفرحنا قريب باستلامك العربية و تعمللنا تقرير عليها .... ربنا يوفقك
يا باشا تحت امرك في اي وقت
01005417752...اخوك احمد الفخراني
بس انا زي ما قلتلك كدا انا عن نفسي والله عملت استخاره الاول طبعا والحمد لله ربنا وفقني للجين ولما روحت استلمتها ركبتها وبصيت عالزراير والتكييف ومن بره كدا نظره على كل العربيه واول ما تدخلها ادعي ربنا باللي ربنا يفتحه عليك في الدعاء وشغل فيها قران طبعا ويستحسن تشغل سورة البقره كاملة الاول...لاني بصراحه شوفت ناس كتير ودققوا فيها اول ما راحوا استلموا وبعد كدا برده طلع فيها بعض العيوب البسيطه...توكل على الله واللي مكتوبلك تشوفه فيها هتشوفه حتى لو واخد معاك مين...بس الفكره انك تجيبها من توكيل محترم وطبعا ميكونش عدادها عامل كيلوات كتيره..يعني انا مثلا جايبها من توكيل اباظه اللي في كفر الشيخ والعربيه كانت في المخزن بتاعهم اللي في الشرقيه ولما جات لقيتها عامله 22 كيلو بس...والعربيه ما شاء الله جميله غير بعض الملاحظات البسيطه اللي هقولهم عليها في صيانة الالف...وانا تحت امرك في اي وقت ياباشا