ان شاء الله ناويت اجين الجين 2013

**shshtawy** · 13-05-2013 04:25 PM

النصائح لو سمحتوا وانا بستلم ايه وايه الى بيتم فى عز العرب وايه الحاجات الى هتبقى فيها واسئل عليها او اخدها منهم فى عز العرب انا ان شاء الله هجيب الى بـ 104 ياريت الناس توضحلى ايه الى مفروض ااكد عليه قبل الاستلام وهل فى مصاريف بتدفع غير ال 104 ولا ايه لانى مش عارف اى حاجة
اه كمان ايه افضل الالوان الى موجود بيقلى ان الازرق معدش بينزل وكان نفسى فيه
شكرا جدا لحضرتكم للانكم استحملتمونى شهرين اسئله واستفسارات وقرفتكم على الاخر

**monamize4** · 13-05-2013 04:52 PM

بص يا باشا ,,,,,,

اكشف على العربية كانك بتكشف على مستعمل بالظبط و ياريت تاخد معاك حد بيفهم ف السمكرة كويس لان التوكيلات بقت مش امان و ما تستهترش بالموضوع دا لان كذا واحد استلم العربية و اكتشف بعدين انها راشة و طبعا الموضوع دا بيضاق اوى

اتاكد ان الكاسيت معاه الكود بتاعة و اتاكد ان المالتى فانكشن شغال و زراير الازاز شغالين و اتاكد من ذراع النور انه تمام و ان الفوانيس سليمة مفيهمش لمبه محروقة و اتاكد ان التكييف شغال

انا مش معيا بروتون بس اكيد هيجى معاها مفتاح اصلى و اخر استبن و كاوتش استبن و عدة تغيير الكاوتش و كتالوج

بالنسبة للون فا انا زيك بحب الازرق جدا جدا ف اى عربية لكن لو مش متوفر يبقى الاحمر و الاسود لونهم شيك اوى ع الجين 2 و مرة واحدة بس شوفت جين 2 بنى و كان لونها فاجر

**eng.m7md.ali** · 13-05-2013 06:17 PM

المشاركة الأصلية كتبت بواسطة shshtawy

معلش انا اسف ما هو الملتى فنكشن ؟

الف مبروك وزي مالاستاذ monamize4 قالك بالظبط

المالتي فانكشن ده الزراير اللي في الطارة اللي بتعلي وتوطي صوت الكاسيت وتحول القنوات والاغاني

**aliabdo** · 13-05-2013 06:30 PM

الف مبروك بص يا ريس
طالما حتشترى من عز العرب يبقى لزم عينك تكون فى وسط راسك و تفحص العربيه كويس قوىييي معروف ان الجين2 فيها عيوب تقفيل بص على كل حاجه براحتك و اتاكد منها على اقل من مهلك و يا ريت تاخد معاك 2 صحابك فاهمين فى العربيات يبصو معاك
مفيش اى فلوس بتدفع زياده على تمن العربيه الا اذا حبيت تراضى الى العمال اى بيغسلو العربيه
بتاخد الكتالوج و كتيب الصيانه و شفرات المفتاح و الكاسيت و الاستبن و الكوريك و شنطه عده جلد و شداد لجر العربيه اتاكد ان ال 4 ازاز شغال و المريات الكهرباء السنتر الانوار كلها
بص تحت العربيه و حوليها كويس
ميكونش فى اى تسريب زيت او ترشيح ام حاجه شكلها مش تمام

و ربنا يوفقك

**Raul_7** · 13-05-2013 07:43 PM

http://www.nilemotors.net/Nile/179029-2.html

http://www.nilemotors.net/Nile/184444-1000-2-a.html

و الف مبروك مقدماً.

**shshtawy** · 13-05-2013 11:47 PM

المشاركة الأصلية كتبت بواسطة aliabdo

الف مبروك بص يا ريس
طالما حتشترى من عز العرب يبقى لزم عينك تكون فى وسط راسك و تفحص العربيه كويس قوىييي معروف ان الجين2 فيها عيوب تقفيل بص على كل حاجه براحتك و اتاكد منها على اقل من مهلك و يا ريت تاخد معاك 2 صحابك فاهمين فى العربيات يبصو معاك
مفيش اى فلوس بتدفع زياده على تمن العربيه الا اذا حبيت تراضى الى العمال اى بيغسلو العربيه
بتاخد الكتالوج و كتيب الصيانه و شفرات المفتاح و الكاسيت و الاستبن و الكوريك و شنطه عده جلد و شداد لجر العربيه اتاكد ان ال 4 ازاز شغال و المريات الكهرباء السنتر الانوار كلها
بص تحت العربيه و حوليها كويس
ميكونش فى اى تسريب زيت او ترشيح ام حاجه شكلها مش تمام

و ربنا يوفقك

الف شكر لحضرتك جدا طيب اجيبها من حد تانى غير عز الجرب ولا حضرتك شايف ايه هل بيبقى هو ارخص من المعارض ولا العكس

**shshtawy** · 13-05-2013 11:57 PM

المشاركة الأصلية كتبت بواسطة raul_7

http://www.nilemotors.net/nile/179029-2.html

http://www.nilemotors.net/nile/184444-1000-2-a.html

و الف مبروك مقدماً.

الله يبارك فى حضرتك

**Gexo** · 14-05-2013 01:04 AM

اولا الف مليون مبروك مقدما ان شاء الله..انا لسه مستلم العربيه يوم الاربع اللي فات من اباظه...وشوف هقولك على حاجه ممكن اللي هنا يتفقوا او يختلفوا معايا فيها..اللي مكتوبلك في العربيه هتشوفه هتشوفه....توكل على الله واع استخاره الاول طبعا وادخل العربيه وادعي وانت فيها ان ربنا يديك خيرها ويكفيك شرها وشغل فيها قران الاول طبعااا واتاكد ان الزراير شغاله بس وتوكل على الله..والله انا كل اللي عملته اني شيكت على الزراير واني شغلت التكييف وخاص وبعد كدا توكلت على الله..وبعد كدا اي ملاحظه انت لاحظتها في العربيه خد بالك منها عشان تقولهم عليها في صيانة الالف..يعني مثلا انا لاحظت ان في صوت هزه بسيطه من مروحة التكييف لما بشغله والعربيه واقفه وفيه كان صوت هبد في المساعدين ورا لما باخد حفره او نقرة او كدا....حاجات مش مضيقني وانا ماشي لكن لازم اقولهم عليها في الصيانه...وعلى فكره العربيه ما شاء الله بامكانياتها والاوبشن اللي فيها وبالسعر دا يا بلاش والله...وربنا يرزقك بخيرها ان شاء الله

**shshtawy** · 14-05-2013 07:41 AM

المشاركة الأصلية كتبت بواسطة gexo

اولا الف مليون مبروك مقدما ان شاء الله..انا لسه مستلم العربيه يوم الاربع اللي فات من اباظه...وشوف هقولك على حاجه ممكن اللي هنا يتفقوا او يختلفوا معايا فيها..اللي مكتوبلك في العربيه هتشوفه هتشوفه....توكل على الله واع استخاره الاول طبعا وادخل العربيه وادعي وانت فيها ان ربنا يديك خيرها ويكفيك شرها وشغل فيها قران الاول طبعااا واتاكد ان الزراير شغاله بس وتوكل على الله..والله انا كل اللي عملته اني شيكت على الزراير واني شغلت التكييف وخاص وبعد كدا توكلت على الله..وبعد كدا اي ملاحظه انت لاحظتها في العربيه خد بالك منها عشان تقولهم عليها في صيانة الالف..يعني مثلا انا لاحظت ان في صوت هزه بسيطه من مروحة التكييف لما بشغله والعربيه واقفه وفيه كان صوت هبد في المساعدين ورا لما باخد حفره او نقرة او كدا....حاجات مش مضيقني وانا ماشي لكن لازم اقولهم عليها في الصيانه...وعلى فكره العربيه ما شاء الله بامكانياتها والاوبشن اللي فيها وبالسعر دا يا بلاش والله...وربنا يرزقك بخيرها ان شاء الله

الف شكر لحضرتك وربنا يوفق ويحفظك جوها بس سؤال بسيط هل فى فى اباظة الون الازرق ولا لا لانى هموت واجيبة

-

الموضوع: ان شاء الله ناويت اجين الجين 2013

LinkBack

أدوات الموضوع

عرض

ان شاء الله ناويت اجين الجين 2013 - انشر الموضوع فى :

-

-

-

-

-

-

المواضيع المتشابهه

إن شاء الله ناويت اشتري لوجان ...بس آخر سؤال عاجل معلش :)

ناويت ان شاء الله اغير طقم الكاوتش

إن شاء الله ناويت أجيب هوندا سيفك ٢٠١٠ و عيز حدرتكم تسعدوني في كذا سؤال ؟؟

ان شاء الله ناويت اجيب اسبرانزا

الكلمات الدلالية لهذا الموضوع

المفضلات

المفضلات

ضوابط المشاركة