مشكلة النترا 1993

**lokaaaaaaaaaa** · 13-05-2013 04:50 PM

الحمد لله بعد عناء وجمعيات قدرت اشترى هيونداى النترا 1993 خليجى 1600 سى سى
ونظرا للتسرع وقعت فى بعض المشاكل كان عندى مشكلة فى تسريب مياة الردياتير
و الحمد لله تم حلها والان محتاج اغير الفوانيس الامامية والخلفية وعندى كمبروسر التكييف لا يعمل
وكل ما اسال على قطع الغيار مش لاقى ارجو الافادة من نجوم الهيونداى الاعزا
وشكرا مقدما لكل من قراء الرسالة

**Mina-Magdy** · 13-05-2013 05:24 PM

بص يا عزيزى
اولا العربية دية جميلة جدا وموديل محترم قوى
المشكلة ان كل الالنترا لغايت 2006 قطع غيارها قليلة قوى وانت موديلك بالذات قوى قوى معلش
بص بقة انت عليك وعلى الوكالة وعزبة شلبى وتجيب فوانيسك و النواقص الى عندك من هناك وعلى فكرة الخلع احسن من الجديد تمام دى اول حاجة
تانى حاجة كباس التكييف دة انشاء الله سهل لان ممكن يركب بتاع الالنترا الجديدة علية بس ياريت يكون العيب فى الكباس بس لان سعرة مستعمل مش اقل من 600 جنية وممكن يزيد لحد 800
وبالتوفيق

**lokaaaaaaaaaa** · 13-05-2013 06:21 PM

الف الف شكر على اهتمامك يا باش مهندس ولو عند حضرتك فكرة عن استهلاك البنزين الطبيعى للموديل دة لانى كل مرة افول العربية وتستهللك حوالى 33 لتر فى 265 كيلو فهل دة طبيعى ولا لا والف شكر لحضرتك

**yousefsemsem** · 13-05-2013 06:34 PM

الف مبروك علي العربيه ماشاء الله هي عربيه محترمه علي فكرة انزل بورسعيد او عزبه شلبي هتلاقيس حاجتها باذن الله اما الماتور هو هو بتاع الانسر البطه ال1600 وبرضه بتاع الاكسيل ال1600 بس الاكسيل مش نزله هنا اكتر من 1500 فلو دوخت هات البدليل انا مغير مكنه عندي وكان في واحد اشتري مكنتي القديمه وركبها عنده النترا 94 برضه بس 1300

**lokaaaaaaaaaa** · 13-05-2013 06:49 PM

استاذ يوسف شكرا على ذوقك
انا كنت شايف حضرتك بتشتكى من موضوع استهلاك البنزين الكثير يا ريت لو حضرتك تقدر تفيدنى اعمل اية فى الموضوع دة والبنزين 80 ولا 92 يفرق معايا فى اية وشكرا

**yousefsemsem** · 13-05-2013 07:13 PM

لا الحمد لله البنزين ظبط عندي اوووووووووي
كانت مشكله في وصلات الخراطيم وفي حاجه راكبه في عربيات البروتون بتاخد بخار البنزين بترجعه التانك تاني وصلته عدل ونضفت رشاشات مه بوجيهات جديده ظبطت العمليه
بس المكنه بتاعت بتاكل بس مش اوي يعني