ذكريات رمضانية

**OlaOsman** · 19-08-2008 02:01 PM

و عودة لمواضيع الذكريات و بمناسبة قرب حلول شهر رمضان الكريم تعالوا نتذكر مع بعض رمضان زمان و نحكي ذكرياتنا مع هذا الشهر الحبيب

ملحوظة: لو حد عمل بحث في المنتدى عن كلمة "ذكريات" هيلاقي نص المواضيع من إنشائي

ايه الناس اللي عايشة في الماضي على طول دي؟

**1.8Tee** · 19-08-2008 02:07 PM

بوجى و طمطم :)....

**hamedo0** · 19-08-2008 02:10 PM

عاوزين نعيش في الحاضر شويه مع ان الذكريات احلي كتير

يعني مافيش حاجه مميزه غير انا كنت باروح الجامع انا وبابا بعض العصر ونفضل اعقيدين نقراء قران لحد صلاه المغرب وحضور بعض الدروس في الجامع انما حاليا" باصلي في البيت اكتر

**OlaOsman** · 19-08-2008 02:16 PM

رمضان بالنسبة لي و انا صغيرة كان لعب في لعب.. كان بييجي في عز الأجازة و الصيف و طبعا عيلة بأه و مافيش صوم، آخري كان لحد الظهر و شوية كده و لحد العصر.. فكنت طول اليوم بالعب مع أصحابي في مدخل بيتنا أو بيوتهم اللي هو الحوش يعني و كان حوش بيتنا واسع اوي و من غير أبواب و كان فيه زي بسطة كده بنقعد عليها ونلعب كل الألعاب البنانيتي

قرب المغرب بشوية كنا بنتفرق آل يعني عشان نساعد مهمهاتنا في تحضير السفرة و الذي منه.. بس هو احنا في الحقيقة كنا بنروح عشان نشوف فوازير عمو فؤاد.. عمو فؤاد رايح يصطاد.. عمو فؤاد و يا الأجداد.. عمو فؤاد بيلف بلاد.. و كل سلسلة عمو فؤاد الشهيرة. كان فيه كمان مسلسل بييجي قبل الفطار كان اسمه صيام صيام بتاع يحيى الفخراني، مش فاكرة منه أي حاجة غير اسم المسلسل و شكل الفخراني و هو صغير كده و شعره منكوش :)

كل ده قبل الفطار.. اما بعد الفطار فده بأه حكاية تانية :)

**OlaOsman** · 21-08-2008 11:11 PM

ايه؟ ماحدش عنده ذكريات عن رمضان غيري و لا ايه؟ :)

**sherif_84** · 21-08-2008 11:17 PM

فوازير نيللى ( :
عجائب صندوق الدنيا
فوازير عمو فؤاد ويا الأعداد للفنان فؤاد المهندس الله يرحمه
ساعتها كنت فى ثالثة ابتدائى لكن فاكر البرامج دى مانسيتهاش ..... كانت أيااااام ياعلا