الموضوع: انا زهقت

على فكره كل اخ اصغر من اخواته كان لازم يجي عليه الدو ويقعدوا يتمألسوا عليه ويتريقوا

وكله يضحك ومفيش حد معداش عليه المرحله ديه

اي شخص اصغر من اخواته d: كان بيتريقوا عليه وتلاقي ابوه بيضحك ويتريق وتلاقي الواد زعلان

بالعكس عادي جدا وشيء طبيعي حاول تقلبها عليهم واقعد اتريق على اخواتك وخلاص واقلبها ضحك

او تكبر دماغك وكل ما تلاقيهم اتجمعوا وحسيت حيتريقوا عليك قوم وسيب المكان وروح اوضتك او روح الجامع

اقرا قراءن او ممكن تذاكر كمان في الجامع لو ينفع ساعه مثلا وارجع


ولو على الي حصل مع جارك فا عادي روح واشتريله شوكولاته او ورد وممكن من غير كده ,, واعتذرله وقله اسف

على الي حصل ولو زعلان ولسى عايز تقتلني اتفضل اقتل حتلاقيه اتكسف واخدك بالحضن

ولو على البايك الي بعته بخساره عادي فداك الف بايك يمكن ربنا فكك منه وكنت حتعمل بيه حادثه لا قدر الله


بس حاليا خليك قاعد من اسبوع ل اسبوعين في الشقه الايجار صفي بالك وتقرب من الله واستغفر ربنا

وافتح موبايلك حتلاقي اهلك بيكلموك رد عادي جدا وحيقلولك تعالى ( متروحش من نفسك ) لان حيتريقوا عليك اكتر

افتح الموبايل لما يقلولك تعالى روح عادي جدا ولا كان فيه حاجه حصلت

وروق كده الدنيا مش مستاهله

صدقني العيشه من غير اهل متعبه بعد شهر و شهرين حتزهق وحتحتاج مصاريف

ولو انفصلت عنهم نهائي لما تتجوز لازم اهلك معاك وحيفوتك احلى لحظات حياتك

والله العالم يمكن تسيب الكليه ويبقى مستقبلك عامل ازاي ولا تتلم على مين

وحتعرف كلامي لو فجأه بعد ما تنقصل مده كبيره تلاقي لا قدر الله حد من اهلك مات حتزعل

انه مات وهو زعلان وانك فوت لحظات كتير كان ممكن تقضيها معاه

سعتها حتندم جدا ويمكن حياتك تدمر ( وممكن من حسرتك اهلك عليك حد يحصله حاجه)

وعلى فكره انا ياما كنت الاقي عيال على البايك بتاعي والي يكسر مرايه

ولا يجرح التانك والفيبر عادي جدا بطنش اصل ده عيل

وحتى لو ركنته في الكراج بردوا بيحصل كده

وفي الاخر لقيت حل حلو اوي اقوله متعملش كده وانا اخدك لفه بيه واصورك عليه

والاقيه صدق واضحك عليه بكام صوره على البايك وخلاص

واحلفه ميعملش موضوع التكسير تاني

وسعات الاقي عيال صغيره قعده على الكبوت ومطبقاه عادي جدا بكبر دماغي

واستعدله تاني ولا كان اي حاجه حصلت فيه فرق بين الحكمه وان حد بيستهزق بيك

ونصيحه مني ليك متقابلش اي حد انت حكيتله القصه ديه على اي منتدى او على النت

عشان ممكن حد يفتكر معاك مليون ولا اتنين في البنك ويثبتك

الفلوس تعمي النفوس

وياريت المشرف يلغي الموضوع بعد 24 ساعه

وربنا يسترها علينا جميعا

الأفضل تستشير طبيب نفسي وصدقني مش هتندم أبدا

أنت انسان حساس بشوية زيادة وحواليك مؤثرات ضغطت عليك بشكل مباشر وتقريبا في نفس التوقيت وسببت رد فعل عنيف نتيجة التراكم (كلنا هذا الرجل) بتحصل في مرحلة ما في حياتنا وبيكون درس لبقية العمر.........بجد انت محتاج تغير جو يومين في اي مكان ترتاح فية وبطل تفكر في اللي حصل خالص .....يعني شيل نفسك من اللي انت شايفها مشكله وأجلها وبعد اليومين نفسك هتهدي و زهنك هيصفي وانت بنفسك هتعرف اللي عليك وهتعمله ...... المهم طمن اهلك علشان غيابك ميتسببش في مشاكل ليهم او للراجل اللي ضربتة !!! ........تحياتي ودعواتي من مكه

مش عارف اقولك ايه..انا متعاطف معاك اوى

انت حد مينفعش تعيش هنا فى مصر بجد وانا للاسف زيك

معلش يا اخوتى انا ليا اعتراض بسيط على كلامكم

انا متفق معاكم ان هو رد فعله كان قوى جدا واكبر من كل المواقف

بس هو ليه التهريج فى مصر انى امسك الحد اللى فحاله وافضل اتريق عليه سواء كان ابنى او اخى او صديقى او ايا كان؟؟
ياترى كده الناس ارتاحت لما الراجل تعب كده وحصله كل اللى حصله ده؟؟
متقنعونيش انه مبيبانش عليه الضيق قدامهم انهم بيتريقوا عليه..ورغم ذلك بيكملوا عشان كل واحد يرضى غرور نقائص شخصيته فى انه يبان قوى الشخصيه على حد كويس ومش بيعرف يرد عليهم؟؟هى دى بقت التسليه؟؟وربنا يرضى بكده؟؟
بس للاسف هو ده حال البلد لو دخلت اى مكان وانا بنى ادم عادى اتعامل معامله سيئه
انما لو داخل ببدله ميرى ولا مفاتيح المرسيدس فأيدى كله يقف ويحترمنى

هو حد فحاله وعايز يعيش ومش عايز حاجه من حد ويمكن عنده بعض الانطوائيه بس مش معنى كده يبقى الناس تتريق عليه أكمنه مبيتكلمش وده مش ضعف منه..بالعكس هو احسن منهم كلهم لانه مبيردش الاساءه بالاساءه

اخى العزيز..
فيه ناس كتير فحالهم زيك وانا منهم وياما الناس بتتريق عليهم وبيتبهدلوا كتير ومتحزنش ابدا لان دايما الطيب فى بلدنا دى بيتعامل كده واكتر من كده صدقنى
خليك واثق انك احسن من كل الناس واوعى تبص لاى اهانه وحاول تتجنبهم طالما الاحساس بينعدم احيانا
وخليك زى ما انت فبيتك واوعى تسيبه
اتمنى تكون بخير دلوقتى
لو فى القاهره اتمنى اشوفك واتكلم معاك