ارجو المساعدة فى سيارة فليشيا ناوى اشتريها

**ضى القمر** · 14-05-2013 03:19 AM

معروض عليه سيارة فليشيا 98 ماشية 55 كليو فبريكة دواخل ورشة نظافة بره الحوض بتاها كويس مفيش غير حاجة بسيطة فى الشنطة من الخلف من جوه والعربية مفهاش كماليات ووصلت لسعر نهائى 28500 رايكم ايه اتوكل على الله ولا سعرها عالى مع ملاحظة انى مش معايا غير الفلوس ديه ومحتار هل استنى اربع شهور واحوش واكمل واجيب لانوس 99 او 2000 ولا اتوكل على الله واجيب الفيشيا رجاء الرد بسرعه لانى خلاص بخلص

**ضى القمر** · 14-05-2013 03:55 AM

ماشية 55 الف كيلو

**lad** · 14-05-2013 04:05 AM

لانوس طبعا بلاش الفليشيا

**nouranwar** · 14-05-2013 04:25 AM

اخويا لسه شاري النهاردة ( من شوية) فليشيا 95 ماشية 226,000 كم خلصها علي 30,000 جم

**طارق _عبد السلام** · 14-05-2013 05:41 AM

فعلا موضوع 55 الف كيلو ده ماتركزش عليه خالص بس ده دليل ان فيه غش وااااااااااااااااااضح فى العربيه

وانا عن نفسى بكره الغشاشين والتعامل معاهم موديل 98 وماشيه 55 الف وب 28 ما تركز معانا يا استاذ ضى القمر

مش بردوا اللى يلعب فى العداد بيلعب فى العربيه كلها !!!!!!!!!!!!!!!!

انا عربيتى 2010 وماشيه 57 الف

**ضى القمر** · 14-05-2013 11:49 AM

المشاركة الأصلية كتبت بواسطة lad

لانوس طبعا بلاش الفليشيا

هى اللانوس طبعا بس فلوسى دلوقتى تجيب فليشيا والعربية المعرضوة حلوه وماشيه فعلا 55 ألف كيلو لان مالكها استخدامه قليل وخايف استنى لما اكمل ثمن اللانوس العربيات سعرها يرفع عن كدها فى ظل صعود الدولار فى هيه ديه الحيرة اللى انا فيها

**ضى القمر** · 14-05-2013 11:51 AM

المشاركة الأصلية كتبت بواسطة nouranwar

اخويا لسه شاري النهاردة ( من شوية) فليشيا 95 ماشية 226,000 كم خلصها علي 30,000 جم

بس 95 كتير عليها 30 ألف لانى انا كنت فى السوق كانت بتباع وتخليص على طول على 26 ألف جنيه ولا هوه جاب الكومبى

**ضى القمر** · 14-05-2013 11:53 AM

المشاركة الأصلية كتبت بواسطة adiaa222

مش ممكن تكون ماشية 55 الف وسعرها قليل فعلا خليك فى اللانوس عشان التكييف

هيه من ناحية ماشية فهى فعلا ماشيه 55 لان استخدامه قليل بس هحتار وخايف استنى الاسعار تولع لانى حيبقى معايا ثمن اللانوس بحدود 37 ألف بعد اربع شهور

**ضى القمر** · 14-05-2013 11:55 AM

معلش انا بتقل عليكم فى المنتدى بس فعلا محتار العربية اللى قدامى جميلة جدا وحرارتها مبترفعش وبتمشى على 140 بس وفى نفس الوقت ببص على اللانوس انها احلى بس فلوسها مش حاضره دلوقتى وحستنى 4 شهور وخايق الاسعار تولع عشان الدولار