المشاركة الأصلية كتبت بواسطة bido600
اسمحلي يا فندم اعلق
حضرتك ذكرت ان سير الموتوسيكل في الحارة اليسري غير قانوني ودا نص رد حضرتك
هل ده قانون السير المصري؟؟
مش معنى ان الموتوسيكل مشي بسرعة العربيات يبقى مسموحله المسموح للعربية....
التريلا ممكن تمشي بسرعة العربية وقانونا ممنوع تمشي في الشمال....
وعموما لو انتو شايفين ان المشي عالشمال بالموتوسيكل من حقكم يبقى انتو حرين انا مقدرش اغير قناعاتكم...
بالمناسبة..
انا كنت املك دراجه نارية يوما ما وعمري ما مشيت عالشمال لانه مش من حقي....
تحياتي
وانا علقت علي حضرتك ان السير في الحارة اليسري قانوني 100 % (من واقع الحياه ومن واقع دراستي 4 سنين للقانون )
لو مفيش قانون سير في مصر فدا حضرتك بسبب اننا كقائدي سيارات وموتوسيكلات لا نتبعه لكن ليس معناه انه مش موجود
واما بخصوص سير الموتوسيكلات علي الحاري اليسري فدا يا فندم قانوني 100% ولو حضرتك مش مصدقني مشوار صغير للادارة العامة للمرور وتقدر معاليك تاخد كتاب صغنن بحوالي 6 جنية عن قانون تسيير المرور واحكامة وهتتاكد ان كلامي صح ( نفس السرعة المقررة في الطرق السريعة ونفس السرعة المقررة داخل المدن الاختلاف ان عند معاليك في السيارة لازم تربط الحزام وعندنا لازم نلبس خوذة دا الاختلاف اللي معاليك هتلاقية فقط لا غير )
يستاوي الموتوسيكل بالعربية بالتريلا بالمقطورة في احقية الطريق لاكن لكل منهم احكامة
طبعا عارفين التريلا والنقل والكلام دا كله مش مجال نقاشنا
مجال نقاشنا الموتوسيكلات vs العربيات في القانون (انا ميهمنيش ان القانون لا ياخذ به ام لا مدام هذا حق من حقوقي اقرت به الدولة فلو اي حد متبعوش فدا اعتداء علي حق )
بخصوص تساوي السرعة يا فندم اعذرني اقول ان اللي حضرتك قولتة فيه بعض من العنصرية ضد قائدي الدرجات النارية
كيف ولماذا?????? احقية السيارة اذا تساوت السرعة في الحاري اليسري
علي حد علمي يا فندم لو انا ماشي في الحارة الشمال بسرعة 100 بدراجة نارية وعربية ماشية ورايا بسرعة اسرع طبعا هدي اشارة واروح الحارة اليمني لحد متعدي وارجع تاني
لاكن لو هيا ماشية علي 100 وانا نفس الحكاية هقوم موسعلها عشان يقدر يشوف جمال الطبيعة الخلاب؟
هو مش يا فندم انا شاري الموتوسيكل بفلوس زي مصاحب العربية شاريها بفلوس ( زي ما فية عربيات ببلاش في موتوسيكلات ببلاش - وزي ما فيه عربيات بملايين فيه موتوسيكلات بملايين )
مش انا يا فندم بدفع ضريبة نفس اللي صاحب العربية بيدفعها
انا مش ليا حق في الطريق نفس حق صاحب السيارة
اما بخصوص الفيديوهات فهذا ليس باطل دا يا فندم طريق الاوتوبان في االمانيا طريق مفتوح السرعة مفيش سبيد ليميت
حتي يا فندم لو حصلت في شوارعنا ليس من حق قائد السيارة اعتراض طريقي وعدم اتخاذ الحارة اليمني عشان اعدي لاني معدي السرعة القانونية وهذا ببساطة لانة ليس السلطة المخولة في اعطائي غرامة او مخالفة ودي حاجة معروفة في القانون يا فندم وتقدر حضرتك تسال اي محامي بهذا الشان :)
تقبل فائق احترامي وتقديري
المفضلات