طريقة عمل مراوح التبريد في الجين 2 و البيرسونا ؟

**neejm** · 15-05-2013 09:09 AM

شكرا لمرورك يا اخي .. كلامك منطقى لكن ليا تعليق عليه بالنسبه لموضوع المؤشر دا كنت سالت مهندس اسمه احمد حلمي فى التوكيل قالى ان المروحه بتشتغل عند درجه حراره 97 وبتفصل عند درجه 89 قولتلو اذا كانت ثابته على 80 اصلا ومش بتوصل تسعين ولا بتنزل عن التمانين قالى لا بتوصل لكن مش بيظهرلك على المؤشر لان المؤشر بتاع الحراره ثابت على الوضع !!! معني كده ان المروحه المفروض تفصل بمجرد انها توصل ل89 تانى وترجع تشتغل لما تسخن وتوصل ل97 وديه على الاقل تاخد شويه فاصله فيها المروحه .. الفكره مش موضوع تبريد زياده لكن الفكره ان التبريد بتاع المروحه مش بيوصل بالتبريد لدرجه الحراره اللى مظبوط عليها الثيرموستات اصلا لان مش معني ان المروحه شغاله على طول ان التبريد زياده لا دا بالعكس معني ان التبريد ضعيف

**Al-Farooq** · 16-05-2013 01:26 AM

شكراً على توضيحك ياباشا ، بس كلام الباشمهندس دة مش مقتنع بيه،
يعني على كلامه لو المؤشر طلع لدرجة 90 تببقي درجة الحرارة الأصلية وصلت ل 107 ؟!!
ولو طلع على 100 تبقي درجة الحرارة وصلت ل 117 ؟!!
بأي منطق هو بيتكلم ان مؤشر الحرارة بيكون على 80 و درجة الحرارة الاصلية بتكون من 97 ل 89!!

كنت ممكن اصدقه شوية لو قال المروحة بتشتغل على 89 وترجع تسكت لما توصل عند 80 !!
و مدام المؤشر مبيطلعش درجة حرارة الموتور الفعلية!! كانوا لغوا المؤشر كله بقي زي ما هو ملغي في عربيات تانية وحطوا بدالة لمبة تنور لما العربية تسخن!

**neejm** · 16-05-2013 09:15 AM

انا نفسي مش مقتنع بالكلام دا اوي :) بس دا كلامه وهوا في التوكيل فعلا

**D . a .\ AYMAN** · 21-05-2013 02:33 AM

المشاركة الأصلية كتبت بواسطة al-farooq

هي نظامها كدة لما بتشتغل بتطول ولو نظامها اتغير تقلق ، ودرجة الحرارة بتكون ثابته على 80 دائماً ودة اهم حاجة مش ان المروحة بتفصل ولا لاءة .
لو تقصدوا ان المروحة شغالة علطول يبقي التبريد زائد ، كان لقينا المؤشر نزل تحت ال 80 مثلا بس دة مبيحصلش!
، ونادر المؤشر يتحرك فوق ال80 إلا لو كان فى حرق عالي أو زحمة لمدد طويلة جداً.

المشاركة الأصلية كتبت بواسطة neejm

انا نفسي مش مقتنع بالكلام دا اوي :) بس دا كلامه وهوا في التوكيل فعلا

ولا أنا مقتنع بكلامه ... ومش معنى إنه في التوكيل يبقى كلامه صح ... هم أصلا في توكيل عز العرب مش بتوع عربيات دول بتوع سندوتشات أو حاجة كدة

كلام أخي الفاروق مقنع وسليم ... العبرة بدرجة الحرارة المبينة ولو زادت يبقى نقلق ولو قلت يبقى نقلق .. لكن طول ما هي ثابتة يبقى الدنيا زي الفل

**mido_soliman** · 21-05-2013 03:14 AM

المشاركة الأصلية كتبت بواسطة neejm

شكرا لمرورك يا اخي .. كلامك منطقى لكن ليا تعليق عليه بالنسبه لموضوع المؤشر دا كنت سالت مهندس اسمه احمد حلمي فى التوكيل قالى ان المروحه بتشتغل عند درجه حراره 97 وبتفصل عند درجه 89 قولتلو اذا كانت ثابته على 80 اصلا ومش بتوصل تسعين ولا بتنزل عن التمانين قالى لا بتوصل لكن مش بيظهرلك على المؤشر لان المؤشر بتاع الحراره ثابت على الوضع !!! معني كده ان المروحه المفروض تفصل بمجرد انها توصل ل89 تانى وترجع تشتغل لما تسخن وتوصل ل97 وديه على الاقل تاخد شويه فاصله فيها المروحه .. الفكره مش موضوع تبريد زياده لكن الفكره ان التبريد بتاع المروحه مش بيوصل بالتبريد لدرجه الحراره اللى مظبوط عليها الثيرموستات اصلا لان مش معني ان المروحه شغاله على طول ان التبريد زياده لا دا بالعكس معني ان التبريد ضعيف

اللى قالك كدة مع احترامى واخد هندسة من معهد تمريض
الكلام المقنع ان المروحة بتشتغل لما درجة الحرارة توصل 88 -89 وتشتغل لحد ما توصل درجة الحرارة 85 ودى الدرجة ال idle للموتور والتغيرات ما بين درجات الحرارة دى مش حتلاحظها على العداد مش من 97 ل 89 !!!!!!!!!!!!!
انا مش عارف بيجيبوهم منين
والعربية علشان الترموستات مظبوط على انة يشتغل فى يفصل فى حيز درجات حرارة قريبة اوى من بعض كدة فحتلاقى المروحة بتشتغل كتير
لكن طالما بتفصل يبقى مفيش مشكلة
كون انها مبتفصلش نهائى دة ترموستات كوعة عايز يتغير وخلص الكلام على كدة
تحياتى