طريقة عمل مراوح التبريد في الجين 2 و البيرسونا ؟

**neejm** · 14-05-2013 09:51 AM

لو تكرمتم محتاج حد يشرحلنا طريقة عمل مراوح التبريد اثناء حركة العربيه (البيرسونا او الجين)
و ليه دائما مروحه الرداتير تعمل دون توقف اى كانت الظروف الخارجيه او التهويه بصورة ملحوظه
هل هي تعمل بشكل ملازم دون توقف مع العلم ان درجة الحرارة ثابته تماما لا يوجد بها اى تغيير ولو حتى طفيف !!
ولكم جزيل الشكر ..

**gogohaggag** · 14-05-2013 12:24 PM

اظاهر هي دي طبيعة البروتون اما معايا بيرسونا 2013 ودائما مروحة التبريد الصغيرة تشتغل مع اقل مسافة وما توقفش اللي لما ابطل العربية سألت ناس معاهم نفس العربية لقيت نفس الحال معاهم

**yousefsemsem** · 14-05-2013 12:30 PM

لو بتشتغل دون توقف يبقي ده عيب الترموستات اللي بيشغلها بيديها لقط تشتغل ومابيوقفهاش
افحصه او غيره لازم تكون بتقف

**neejm** · 14-05-2013 05:11 PM

و الله يا باشا انا معايا بيرسونا بردو موديل 2012 و ملاحظ الموضوع دا
حتي جربت انى اسيب العربيه وقفه فى الجراج و سبتها شغااله لحد لما سخنت لكن المروح طولت جدا و مرضيتش تشتغل نهائي غير لما زودت بنزين شويه كده اشتغلت فعلا و حلني بقى عقبال متفصل حتي و هيا واقفه فى جراج من غير ماتتحرك ... ياتري كل العربيات الجين و البيرسونا كده و لا ايه !!!
ياريت كل اللى عنده عربيه بيرسونا او جين يفيدنا
وشكرا على اهتمام الجميع

**neejm** · 14-05-2013 05:14 PM

مع العلم ان مراوح الياباني عمتا سواء تويوتا او ميتسوبشي بتفلص باستمرار اى كانت الظروف زي مروحه التكييف عندنا كده فى البروتون و للعلم كمان انا اخويا معاه ساجا 2011 فيها نفس القصه لاحظتها

**neejm** · 14-05-2013 05:20 PM

والله يا استاذ يوسف اتمنى ان يكون كده لكن واضح ان دا نظام تبريد مروحة الرداتير كده فى كل العربيات لان هيا فعلا بتفصل لكن على السرعات العاليه و بعد فترات طويلللللله جدا و دا شيئ غير تقليدي فى العربيات الاسيويه عمتا بتجربتى المتواضعه معاهم

**yousefsemsem** · 14-05-2013 05:28 PM

اولا هي بتفصل معاك ولا لا
لو بتفصل يبقي الثرموستات اللي بتشغل المروحه سليمه لو مابتفصلش يبقي بايظ اما بقي
ان هي بتفصل بس بعد مدي بعيد ده يبقي ثرموستات الكوعه عاوز تجيب واحد اقل درجه حراره منه خلي بالك من كلامي لاحظ هي بتفصل ولا لا او هي بتغيب علي ماتفصل لو مابتعلاش الحراره يبقي هي مظبوطه علي كده

**neejm** · 14-05-2013 05:33 PM

لا هيا بتفصل بعد فتره طويله في الطرق المفتوحه زي اكتوبر و كده لكن في البلد مش بتفص خالص بتفضل شغاله و الحراره مش بتتغير في النص على طول بين التسعين و الشرطه اللى قبلها
و شكرا لاهتمامك

**neejm** · 14-05-2013 06:15 PM

منتظر مشاركاتكم في الموضوع للاستفاده

**Al-Farooq** · 15-05-2013 04:11 AM

هي نظامها كدة لما بتشتغل بتطول ولو نظامها اتغير تقلق ، ودرجة الحرارة بتكون ثابته على 80 دائماً ودة اهم حاجة مش ان المروحة بتفصل ولا لاءة .
لو تقصدوا ان المروحة شغالة علطول يبقي التبريد زائد ، كان لقينا المؤشر نزل تحت ال 80 مثلا بس دة مبيحصلش!
، ونادر المؤشر يتحرك فوق ال80 إلا لو كان فى حرق عالي أو زحمة لمدد طويلة جداً.