الموضوع: حصريا لعيون نايل موتورز تفاصيل الكارنز الجديده مواصفات واسعار

طبعا سعر العربيه غالي بالنسبه لظروف مصر الاقتصاديه الحاليه و الوضع الغير مستقر
ولكن الحق يقال ان العربيه اصلا بره مصر نازله غاليه عشان الامكانيات و المواصفات
و سعرها في السعوديه علي سبيل المثال حوالي 70 الف ريال لاعلي فئه 1600 سي سي (بدون سقف بانوراما و صف كراسي ثالث) يعني بالجنيه المصري تقريبا 130 الف جنيه
و بأضافة الجمارك و الضرائب و المطبقه من عام 2008 (الله يسامحك يا مرسي غليت الضرايب و الجمارك من قبل ما تيجي بخمس سنيييين!!!!!!!) بنسبة 65% للسيارات 1600 سي سي يبقي الجمرك و الضريبه حوالي 85 الف جنيه مصري
يبقي المجموع 215 الف جنيه مصري مع العلم انها بدون سقف بانوراما و صف ثالث للمقاعد و طبعا في فئه موجود بيها كل حاجه انما 2000 سي سي
ده بالاضافه ان لو حد عيلته كبيره و عنده اربع اولاد زي حالاتي الخيارات قدامه ضيقه و البديل مثلا هيكون بيجو 5008 و دي اعلي فئه منها سعرها 240 الف وطبعا بالاضافه لاسعار قطع الغيار الغاليه جدا و سعر اعادة البيع الزفت
وبس كده

للأسف يا جماعه شركة كيا خرجت فعلا عن كلمة "عربيه اقتصاديه ".
لكن للأمانه جودة المواد المسنخدمه مختلفه عن الموجوده في القديمه في كل شيء.
وعايز بس أرد علي قصة ان سوق العربيه دي مش هايمشي :
" عايز أقولوكو أبسولوتلي. إفتكرو كده السبورتاج وشوفو اتباع منها كام عربيه والحجز اللي عليها بالشهور أد ايه وتمنها كام, وانتو هاتعرفو ان العربيه هاتبيع جامد للأسف"
وللاسف برضو ان دي ثقافة شعب يعشق ويقدس السيارات الكوري.
وقصة العربيات البديله دي: الناس بتحب تنجز وتشتري عربيه قطع غيارها مغرقة الدنيا وشبه رخيصه.