+111
تحياتي ...
عرض للطباعة
ترصيص اعتقد
بكام تكلفه ترصيص ال 5 عجلات
و هل لازم اعمل ضبط زوايا بعديه
مع العلم ان العربيه مش بتحدف جامد الحدف خفيف اوى شمال مع السرعه و ترك الدريكسون
ان شاء الله ترصيص
انا لسه عامل امبارح ظبط زوايا وترصيص
ظبط الزوايا عملته في بنزينه كالتكس بجسر السويس امام حديقه بدر وكان ب 30 جنيه ودفعت 5 جنيه اكراميه واداني ريبورت مش فاهم منه حاجه بعد الظبط (هو فيه حاله الزايا قبل وبعد)
وترصيص العجل عملته عند اولاد نصار بمدينه نصر شارع مصطفى النحاس امام جامعة الازهر العجله بتكلف 5 جنيه عملت الاربع عجلات ب 20 جنيه (معملتش الاستبن عشان ملوش لازمه هو كده كده محطوط عشان الطوارئ مش اكتر يعني مش هجري بيه ولو احتاجته ابقى اعمله) ودفعت 5 جنيه اكراميه برضوا
ان شاء الله الترصيص هيظبطلك موضوع رجه الدركسيون خالص
صلوا على النبي يا رجالة
أختصاراً لموضوع الترصيص
فيه نوعين ترصيص فعلاً......
الأول الكمبيوتر المعروف و الموجود فى كل مكان..........و ده هيقضي على المشكلة فى حالتين......الأول أن اللى شغال عليه يكون فاهم أو الجهاز يطلع أصفار فى الأخر.........و التاني أن يكون الجنوط و العفشة عندك يكونوا مفيهمش مشاكل.
التاني الحصان/الموتوسيكل......و ده فايدته أن بيرصص الكاوتش و هو راكب فى العربية و بالتالي لو فيه عيب رعشة ناتج عن عوجة خفيفة فى الجنط أو مشكلة فى العفشة بتعمل رجة هيتغلب عليها.
أنا مؤخراً كان عندي الجنوط فيها رفة و مكنش عندى وقت أعملها......كنت بدور على واحد عنده ترصيص حصان علشان كده.....بس أمبارح رحت لواحد يستعدل الجنوط.......شال الترصيص كله و أستعدل الجنوط و ركب و حالياً الرجة أختفت بنسبة 95% أو أكتر كمان............و من غير ترصيص نهائي.
يعني كده المفروض أني أرصص ترصيص عادي علشان كله يبقى تمام.
أنصح صاحب الموضوع أنه يرصص ترصيص عادي و لو محلش المشكلة يدور على ترصيص الحصان أو يصلح السبب الرئيسي المتسبب فى الرجة اللى هو الجنوط أو العفشة نفسها.
السلام عليكم
استشارة
انا معايا فيرنا 2013 كنت مسافر بيها من يومين ولما جبت سرعه 130 سمعت صوت سفاره جاى من عند فتحات التكيف اللى فى نصف التابلوه مع العلم انى ماكنتش مشغله ومع الوقت بقى صوت السفار يبان مع سرعه 140 وبعدين 150 وبعدين رجع يظهر تانى مع 130 وكله ده وهو مش شغال مش عارف ايه السبب العربيه ماكملتش 2000 كيلو