صوت حشرجة

**shur3000** · 14-05-2013 02:13 PM

عندى صوت حشرجة اول ما ادور العربية الصبح من ناحىة المنطقة بتاعة السيور والصوت بيستمر لمدة دقيقة ولا حاجة وبعدين يروح ويبقى الصوت عادى دة اية بلية كاتينة ولا اية مع العلم انى مغير طرمبة مية من سنة وومشي تقريبا 7الاف كيلو

**Ahmed Nasser** · 14-05-2013 02:59 PM

روح للمكانيكى خلية يراجعلك على بلى الكاتينة والدينمو

**مصطفى-حسن** · 14-05-2013 04:38 PM

صوت حشرجة وخشانة فى المنطقة احتمال من اربعة :
طرمبة المية
بلية الكاتينة
بلية الشداد بتاع التكييف
من الدينامو نفسة

**Mohamed ELOoL** · 14-05-2013 07:49 PM

انا كان عندي نفس المشكلة دي باشا

دة بلي كاتينة

غيرو و علي دمنتي

هتلاقي الموتور ركز بعد ماتغيرو بس روح لمكانيكي بيفهم عشان يزبطهم علي وش التقسيمة تمام

**shur3000** · 14-05-2013 10:33 PM

رحت للميكانيكى وسمع صوت العربية قالى ولاالهوا وهو ساكن قصادى قالى خلاص سيب العربية وانا اسمع صوتها الصبح مادام الصوت مابيبانش الا الصبح. بلية الدينامو لسة متغيرة من شهر وطرمبة المية جديدة .
انا كدة كدة كنت ناوى اغير بلية كاتينة وسير كاتينة.
ياريت لو حد يقولى الاسعار للاصلى ولو الكورى نضيف اجيبة وخلاص

**مصطفى-حسن** · 14-05-2013 10:45 PM

المشاركة الأصلية كتبت بواسطة shur3000

رحت للميكانيكى وسمع صوت العربية قالى ولاالهوا وهو ساكن قصادى قالى خلاص سيب العربية وانا اسمع صوتها الصبح مادام الصوت مابيبانش الا الصبح. بلية الدينامو لسة متغيرة من شهر وطرمبة المية جديدة .
انا كدة كدة كنت ناوى اغير بلية كاتينة وسير كاتينة.
ياريت لو حد يقولى الاسعار للاصلى ولو الكورى نضيف اجيبة وخلاص

نصيحة متغيرش اى حاجة الا لما تجيب اخر خالص

يعنى لو الصوت بيروح وييجى والميكانيكى مش عارف يميزة...متغيرش حاجة

لان اسهل حاجة عند الميكانيكى يقولك روح هات كذا ..وفك وتركيب والحساب ياباشا
بعدها تلاقى الصوت موجود ..يقولك طب خلاص روح هات كذا ..وفك وتركيب والحساب ياباشا

اصبر لحد ما الصوت دة يبقى واضح جدا ومستمر
ساعتها الميكانيكى هيعرف يميزة كويس جدا وهتفك وتركب مرة واحدة بس
مجرد نصيحة

**مصطفى-حسن** · 15-05-2013 12:03 AM

المشاركة الأصلية كتبت بواسطة shur3000

استاذ مصطفى حسن شكرا على اهتمامك بس انا مشكلتىانى موسوس بزيادة وخاصة ان الغلطة فى المنطقة دى بفورة وانا كمان اللى مشجعنى ان الميكانيكى بتاعى امين يعنى كتير اقولة على حاجات ومايرضاش بس انا الصراحة موسوس. عامة انا هصبر 3 اربع تيام كمان لعل وعسى وربنا يسهل.
سؤال بالمرة يعنى اية تربيط العفشة

الصبر حلو....
ـــــــــــــــــــــــــ ــــــــ
بالنسبة لتربيط العفشة معناة انة يعيد او يتاكد من احكام ربط كل الاجزاء المتحركة فى عفشة السيارة من تحت (نظام التعليق)

وهيا بالدرجة الاولى زيادة امان مش اكتر وبنلجأ لها احيانا لما يكون فية صوت مزعج فى العفشة اثناء سير السيارة ومش قادر تحدد مكانة
او كل فترة من الزمن
اوكل عدد معين من الكيلومترات المقطوعة
وهيا زيادة امان مش اكتر زى ما قلت لك