مشكووووووووووور علي النصائح المفيدة دي جداااااااااااااا
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
هانتكلم النهاردة على الحيل والابتكارات الجديدة في سرقة السيارات , وبعد كدة ندخل في الطرق العادية والتقليدية للسرقة
1- أول ماتدور موتور العربية وقبل ما تيجي تتحرك بيها تسمع صوت معدني بيشخلل وبيتحرك على الارض كان في حاجة مكسورة
الحقيقة ان بيكون السارق رابط قطعه معدنية أو ماسورة في العربية من الخلف ... بحيث تتفاجأ بيها وتنزل من العربية تشوف فيه إيه ...يدخل هو مكانك في غمضة عين ويسرق العربية وهي دايرة
الحل: أولاً ماتنزلش من العربية ابدا تحت أي ظرف وانت سايب المفتاح جواها او وهي دايرة, لا تقوللي هاجيب حاجة من كشك الحاجة الساقعه والعربية قدامي اهي
ولا تقوللي المسافة قريبة وهاقدر الحق أي حاجة ... الحرامي بيسرق في لحظة...وماتنساش ان دي مهنته وهو محترف فيها
ثانياً , الأصل في فن قيادة السيارات انك تلف لفة كاملة حوالين العربية قبل ماتركب ... مش هاتاخد منك ثواني , لكن خلالها هاتكتشف لو حد جرحهالك أو أخدت خبطة وهي واقفة ...
أو لو فيه كاوتش نايم ,
أو لو حد عامللك فيها مصيبة علشان يسرقك أول ماتتحرك ,
كمان علشان تتأكد ان مافيش شخص مسكين نايم جنبها ,
أو قطة تكون داخلة عند الكاوتش تتدفي وتنام في البرد
ثالثاً: لو حسيت بالخطر في حالة نزولك من العربية استمر في السير بيها لأقرب مكان آمن ممكن تنزل تشوف إيه اللي بيحصل (في حالة لو ماعملتش أولاً وثانياً ونسيت , عادي كلنا بننسى)
حيلة الورقة اللي على الزجاج الخلفي
أول ماتيجي تركب العربية , وتتحرك بيها تلاقي ورقة على الزجاج الخلفي مانعة للرؤية ... تيجي تنزل من العربية تشيلها تلاقي الحرامي عمل معاك نفس اللي حصل في الحيلة السابقة
الحل: نفس الحلول في الحيلة السابقة
3- حيلة البيض
وانت ماشي بالعربية تفاجأ ببيضة نيئة اترمت على الزجاج الأمامي أو الخلفي ... غالباً بتكون معدي تحت
كوبري أو فيه منطقة عالية في الطريق
بالطبع انت هنا مش قدام طفل بيلعب بالحاجات اللي جوة تلاجة أهله ... وبالتأكيد مافيش فرخة هاتطير على ارتفاعات عالية وكمان تبيض ..وبيضتها تقع فوق الزجاج الأمامي لعربيتك !!!
اللي بيحصل هو ان الحرامي بيكون عامل عصابة .. عيل يرمي بيضة من مكان مرتفع على الزجاج الأمامي ... تقوم انت تتخض قدام عنصر المفاجأة ... وبيكون الحل هو انك تركن على جنب علشان تمسح آثارها (حل سيئ) وده عز الطلب للحرامي اللي هايفاجئك علشان يسرق العربية ... أو انك تشغل مياه المساحات علشان تمسحها وانت ماشي (حل أسوأ ) ... لأن ساعتها الزجاج كله هايتحول إلى بياض بيض ني والرؤية هاتنعدم
الحل: استمر في القيادة لحد أقرب مكان آمن , وشيل آثار البيضة باستخدام فوطة جافة الأول بعد كدة صابون على طول ... بس الأهم من كدة انك تكون بعيد عن المكان ده تماماً وبعيد عن أي عربية بدأت تتبعك من مكان "قصف العربية بالبيضة" !!!
4- حيلة "التانك بيخر يا كابتن"
وانت ماشي في أمان الله تلاقي واد راكب عجلة أو موتوسيكل يقوللك "الحق التانك بيخر يا كابتن" , طبعاً انت تتفزع وتحس ان فيه مصيبة حصلت ... تقوم نازل جري تشوف فيه إيه ... وده عز الطلب بالنسبة للحرامي لانك بقيت لقطة بالنسباله والعربية دايرة وانت براها
الحل: سيبك من الواد العبيط ده (مع أخذك في الاعتبار ان 20% ممكن يكون كلامه صح) ... استمر في القيادة ...حتى لو التانك بيخر هاينزل قد إيه ؟؟ وهل فعلاً ظهرلك على مؤشر البنزين انه بينقص بسرعة ؟؟ ... في كلتا الحالتين استمر في القيادة من غير أي نزول من السيارة تماماً ... وابقى ادخل محطة بنزين شوف الحكاية , ده لو كان بيخر فعلاً
5- حيلة الطفل الرضيع اللي على جنب
ماشي في حالك تلاقي عربية طفل ... أو طفل رضيع ... أو عيل صغير بيعيط جوة سبت أو كاريكوت أو أي حاجة ممكن يتشال فيها عيل ... تركن على جنب (خصوصاً قلب البنات بيبقى حنين) يكون ده عز الطلب بالنسبة للحرامي
الحل: سيب أهل المنطقة هما اللي يتصرفوا ... الحالات دي لو كانت صحيحة بتكون حالات إنسانية ولها مساءلة قانونية وأفضل شئ يكون تحت ولاية أمر حد في نفس المنطقة اللي هو مفقود فيها , ده لو كان فعلاً طفل مفقود أو لقيط , أما في معظم الحالات بتكون مجرد فخ علشان الإيقاع بالضحايا
وانت ماشي عادي بتلاقي واحد اترمى على الأرض وعمال يصرخ , انت ياعم خبطتني , مش تفتح , انتوا ماعندكوش قلب ولا رحمة , هو اكمني غلبان يعني ماليش ضهر ولا تمن في البلد دي .... إلخ إلخ
انت طبعاً بتكون سرحان , لأنه بينقي ضحاياه من الناس السرحانة سواء في موبايل بيتكلم فيه أو في البنت اللطيفة اللي قاعدة جنبه أو أشياء أخرى كتير ... بس انت كذلك متأكد انك ماخبطتهوش (ساعات هو بيروح يخبط نفسه في العربية علشان تسمع صوت خبطة وتتخض) ... طالما انت قدام ربنا واثق من نفسك انك ماخبطتش حد , (ماتعيشيليش بقى جو انا ماخبطتهوش وهو غرقان في دمه متكوم على الأرض وإزاز عربيتك مكسور , احنا بنتكلم على واحد بيتلكك علشان يفتعل معاك خناقة وينزلك من العربية) , خد بعضك وامشي من سكات من غير قلق , وخليك بارد بشكل مستفز على غير العادة علشان مايحاولش يغضبك وينزلك من عربيتك تضربه ... ولو حصل بقى ونزلت من عربيتك (نسيت وكلنا بننسى) ...قول له تعال على القسم اعمللي محضر ... ساعتها هايفلفص منك وابو رجل مسلوخة ده اللي كان مرمي على الأرض دلوقتي هاتشوفه طلع يجري ولا زعيم السنافر !!
7- الشحات الرزل
واقف في إشارة , جالك شحات , وانت ماديتهوش حاجة , أو اديتله مثلاً نص جنيه ... هايقعد يبرطم ويقول كلام هرتلة , وبعدين يتف عليك أو على العربية (بيتعمد انها تكون على وشك , آسف لو كلامي ده قرف بعض الناس لكن ده بيحصل)
الحل: تعال على نفسك ونضف نفسك واحذر كل الحذر انك تنزل وراه تعمل أي حاجة ...إوع ينزلك من عربيتك خصوصاً انك هاتكون في قمة الغضب وهاتسيب مفاتيح عربيتك في الكونتاكت ... (ماينفعش هنا ننسى بالنسبة للناس اللي نسيت في الكام حيلة اللي فاتوا) , وحافظ على زجاج عربيتك مغلق قدر الإمكان
8- الموتوسيكل اللي بيخبط في الشنطة
ماشي لا ليك ولا عليك ... وفجأة تسمع طاخ بوم تش ... موتوسيكل خبط عربيتك من ورا , هاتلاقي الواد اللي راكب الموتوسيكل زي ماهو مش هايقع ولا هايتعور , وكمان هاتلاقي ان وراه حد عمال يزعق ويتخانق , إوع تنزل وتسيب عربيتك وكمان مفاتيحك , نصيحتي ليك ماتنزلش خالص
ليه ؟ أول حاجة خبطة الموتوسيكل من ورا بتكون مؤثرة في الإكصدام وده أمره سهل .. تاني حاجة المضرور بجد هو اللي كان راكب موتوسيكل ... تالت حاجة انت لو نزلت من عربيتك بيكون الموضوع عبارة عن عصابة والمرة دي مش بيتسحبوا ...المرة دي بيكون بالإكراه وعربية تانية قدامك بينزل منها ناس يتصرفوا معاك...رابع حاجة ماحدش هايخبطك من ورا ويكون هو الصح , القاعدة المرورية بتقول بغض النظر عن طريقة التوقف المفاجئ وأسبابه , القادم من الخلف هو المخطئ في حالة التصادم , يعني مايقعدش يبرطم يقوللك انت اللي وقفت مرة واحدة يا كابتشن والكلام الاهبل ده ...
الحل: خد بعضك وامشي من غير كلام كتير , عيش الجو المصري بتاع الحمدلله جات سليمة واللي ييجي في الريش بقشيش وحمدالله على سلامتك وتتعوض ان شاء الله , إكصدام العربية حتى لو راح بالكامل "وده احتمال مستبعد" أرخص بكتير من تمن العربية بحالها أو الفدية بتاعتها لو هما خاطفينها مؤقتاً
ملحوظة : الحيلة دي ممكن تتنفذ بعربية قديمة , خصوصاً لادا القديمة أو فيات 1300 أو بيجو 504 ... حاجة كدة ماتتأثرش بالخبطات وتصليحها كلها على بعضها بتلاتة جنيه ... هاتكون في مكان مش محتمل السرعة علشان تتخبط من ورا ...خلي المنطق يشتغل
9- البنوتة اللي مستنية الأوتوبيس في حتة مقطوعة
تيجي كدة ماشي في طريق فاضي وفجأة , في حتة مافيهاش مساكن ولا بيوت ولا شركات وتلاقي اللي واقفة كدة لحالها , قال يعني مستنية تاكسي أو مواصلة في المكان القاحل ده ... طبعاً قلبك الحنين وشهامتك يبدأوا ينقحوا عليك (قال يعني) .. وتركن على جنب و "تترجاها" انك توصلها
الباقي معروف ... هاتترجاها انها تاخد العربية بس وتسيبك سليم !!
الحل: ماتركبش حد ماتعرفهوش , وخصوصاً في أوقات الليل أو الأماكن الغير مسكونة , أو في مكان مش منطقي تواجد حد قدامه يقف يستنى مواصلة
وماتقولليش ماهو شكله نضيف وابن ناس (كل الناس ولاد ناس, التعبير ده مش صح أصلاً من الأول) ... أو (هي بنت والوقفة كدة خطر عليها) , لأنها هاتكون خطر عليك انت نفسك بعد كدة !!
ملحوظة: الحيلة دي مش لسرقة السيارات فقط , دي مستعملة لتهريب المخدرات من الكمائن عن طريق شنطة البنوتة اللطيفة اللي راكبة عربيتك دي !
10- الحقوني شاب اتحرش بيا
تلاقي واحدة راكبة عربية نص كم , وهي أصلاً ست أو بنت نص كم ... وفجأة تلاقيها عمالة تسبل عيونها , وتديك كلاكسات , وتلاغيك ... وطبعاً جينات الخيانة تبدأ تشتغل جواك وتلعب الخمر برأسك الأغبر ... أول ماتيجي تتجاوب معاها هاتنزلك من عربيتك , وغيرك هايركبها تحت تهديد السلاح !!
وساعات يكون رد فعلها لما تبدأ تتجاوب معاها انها تستغيث بالـ "مارة" اللي مش بيكونوا فعلاً مارة , بيكونوا جزء من العصابة في المكان الموعود , يتلموا عليك يرنوك علقة علشان عاكست سيدة بريئة ماشية في حالها , آه ياخلبوص !! ...وتفوق من العلقة دي على عربيتك ومحفظتك وموبايلك رايحين ... بصراحة في الموقف ده انت تستاهل , علشان كدة مش هاحط حل للحيلة دي !!
ندخل بقى في الطرق التقليدية للسرقة أثناء تحرك العربية
الطريقة الرئيسية بتكون في مكان شبه هادي , فيه مطب والطريق مش عريض قوي...عربية تظهرلك في المراية , بتقرب منك بسرعة عند مكان المطب وانت بتهدي , تقفل عليك من قدام على الشمال (لازم يكون على الشمال) ... ينزل منها اربع جتت طول بعرض معاهم أسلحة آلية (بتكون بالفعل متعمرة مش لعب أطفال) ... واحد منهم يفتح باب العربية ينزلك , أو يشاور عليك بالسلاح ويهددك لو كنت قافل السنترلوك علشان تفتحه , معظمنا شاف الفيديو الحزين بتاع سرقة عربية على طريق كورنيش شبرا , وفوجئ بسلبية الناس اللي كانوا معديين
الحل: في الطريق اللي انت ماشي عليها خلي عينك على الـ 3 مرايات , احفظ الناس اللي ماشية حواليك وماتسيبش عربية مشبوهة تجيلك من الشمال ابدا
خصوصاً لو قربت على مطب , تجاوزها وتجاوز المطب بسرعة وتخلص منهم...
لو حصل وقفلوا عليك ماتتوقفش وادخل في وش عربيتهم (غالباً بتكون كيا سيراتو ...ادخل ولا يهمك دي عربية ورق) وانطلق بعيداً بأقصى سرعة ,
ماتنزلش من عربيتك مهما كان التمن طول مانت قادر تتحرك بيها ,
أما للاسف لو فعلاً حصل ووقفوك وماكانش فيه مخرج بالعربية ,
قدامك حل من اتنين :
يا تدافع عن مالك أو أهلك لو راكبين معاك العربية حتى لو هايقتلوك ,
وزي ما النبي عليه الصلاة والسلام قال من قتل دون ماله فهو شهيد . ومن قتل دون دينه فهو شهيد . ومن قتل دون دمه فهو شهيد ، ومن قتل دون أهله فهو شهيد
الراوي: سعيد بن زيد المحدث:الترمذي - المصدر: سنن الترمذي - الصفحة أو الرقم: 1421
خلاصة حكم المحدث: حسن
, أو الحل التاني انك تنصرف من سكات وتديهم العربية ...
ساعتها هاينفعك جداً جهاز التحكم عن بعد وتتبع السيارة (لو كنت مركبه) ...ونصيحتي تستعمله بعد ربع ساعة , مايكونوش قريبين منك علشان ينتقموا منك لو وقفت العربية عن بعد وانت لسة في متناول أيديهم
أما عن ازاي بيعرفوا يتصلوا بالضحايا يساوموهم على عربياتهم ,
فللأسف هما بيعرفوا رقم تليفونك من المحضر اللي بلغت بيه عن سرقة عربيتك او رقم اي كارت ليك جوة العربية !! ..
من الواضح ان ليهم حد متعاون معاهم في جهات تنفيذ القانون
ربنا يحفظكم انتو واهلكم ومالكم
الموضوع منقول بتصرف واعادة تدقيق
كريم منير
رقم العضوية : 131111
تاريخ التسجيل : 09Nov2012
المشاركات : 5,961
النوع : ذكر
الاقامة : طنطا
السيارة: Fiat 132
السيارة[2]: Geely Emgrand EC 7
دراجة بخارية: I.S.A BMW.s.1000.rr
الحالة :
مشكووووووووووور علي النصائح المفيدة دي جداااااااااااااا
. . . . . . . . . . . . . . . . . . . . . . . .
. . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥
رقم العضوية : 120613
تاريخ التسجيل : 17Feb2012
المشاركات : 336
النوع : ذكر
الاقامة : cairo
السيارة: لا يوجد
السيارة[2]: شاهين
دراجة بخارية: not yet
الحالة :
الف شكر :) ..اللهم احفظنا و استر طريقنا
رقم العضوية : 89201
تاريخ التسجيل : 21Feb2011
المشاركات : 1,850
النوع : ذكر
الاقامة : القاهره
السيارة: لما اجيب الاولانيه
السيارة[2]: معنديش
دراجة بخارية: مفيش
الحالة :
موضوع مفيد جدااا
بس فيه حاجات تحس انك بتتفرج على فيلم اجنبى
انا مصمم علي بلوغ الهدف ...اما ان انجح واما ان انجح
رقم العضوية : 131479
تاريخ التسجيل : 20Nov2012
المشاركات : 35
النوع : ذكر
الاقامة : القاهرة
السيارة: بولو 2001
السيارة[2]: ماروتى 1997
الحالة :
اقسم بالله العظيم حدثت حادثة قدامى
كنت ماشي بالعربية وفى حتة زحمة شوية لقيت اتنين بيلفوا حوالين عربيتى انا وولدتى ..ولدتى قالتلى الاتنين دول شكلهم حرامية قولتلها ياستى متقلقيش
قاموا رايحين للعربية الي قدامى كان راكب فيها شاب لوحدة بس ..المهم واحد طبل على العربية من ورة وواحد راح قدام ..الي كان واقف وراه دة قالوا حراام عليك متحاسب يا عم خبطنى
..مع انى العربية كانت واقفة فالشاب بتاع العربية بصالة فى المرايا الجانبية والتانى كان واقف جمب الباب الي جانب الي سايق ......انا شفت كدة قعدت ازمر للواد بالكلاكس كتيرررررر وقولت لناس كانت معديا الحقوة الحقوة قولولة حرامى ....المهم العيال لما شفتنى كدة سحبوا نفسهم وشدوا ..والشخص صاحب العربية مشي بالعربية وشد ...فانا شديت وراه وقولت اقولة على كان بيحصل المهم الواد يشد وانا اشد شكلة خاف منى انا .ههههههه ..بعد كدة لحقتة وقولتلة على الحكاية ..شكرنى ساعتها
بس الصراحة والله كنت عايز انزل اطلع ميتين امهم بس كنت خايف محدش يقف معايا من الناس الي فى الشارع وانا كان معايا ساعتها ولدتى
رقم العضوية : 119732
تاريخ التسجيل : 28Jan2012
المشاركات : 352
النوع : ذكر
الاقامة : السعودية
السيارة: النترا MD
السيارة[2]: كورولا
الحالة :
معلوومات قيمة جدااااااااااااااااااااااا
بجد ربنا يسترها علينا وعلى كل الناس
فيه حكاية كمان حصلت مع واحد صاحبي (حصلت في الرياض - السعودية)
كان راكب كامري 2010 وواقف في اشارة
وواحد خبطة من ورا
ولما نزل يشوف فيه ايه ... اول ما نزل نط واحد جوه العربية وطيراااااااااااااااااااان ... كسر الاشارة واختفى
وللاسف العربية رجعت بعد 14 يوم وكانت متبهدلة اخر بهدلة - من التفحيط طبعا
ف ياريت تخلوا بالكم يا شباب اووووووووووووعووووووووا تسيبوا الفتاح في الكونتاكت ابداااااااااااااااااااا
رقم العضوية : 123606
تاريخ التسجيل : 24Apr2012
المشاركات : 545
النوع : ذكر
الاقامة : cairo
السيارة: لا يوجد
السيارة[2]: Matrix
الحالة :
معلومات مفبدة جدا شكرا ع الموضوع
رقم العضوية : 129825
تاريخ التسجيل : 30Sep2012
المشاركات : 637
النوع : ذكر
الاقامة : القاهرة -شبرا مصر
السيارة: مفيش بعد الالفا
السيارة[2]: ألفا روميو 146
دراجة بخارية: no
الحالة :
من فضلك يا استاذ كريم ذكر الرابط للموضوع الأساسى و كتابة اسم العضو صاحب المجهود بالموضوع
لنعط كل ذى حق حقه
http://www.nilemotors.net/Nile/353251-a.html
أحمد بهاء الدين
https://www.facebook.com/eldiesel2020
رقم العضوية : 130965
تاريخ التسجيل : 05Nov2012
المشاركات : 1,046
النوع : ذكر
الاقامة : NasR CiTy
السيارة: non
السيارة[2]: Corsa new faceLift
الحالة :
شكرا علي النقل
والموضووووووع مكرر
ولو اجتمعوا على ان يضروك بشيء لن يضروك الا بشيء قد كتبه الله لك
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
نصائح رائعة جدا
المفضلات