نيسان معدلة بشكل رهيب بس ادمرت !!!!!!

**katkootaya** · 19-08-2008 10:38 PM

أنا مقصدش أبداً اني أحط صور تضايق حد

أنا بس كنت بعرض صورة للواقع الأليم إلي الناس وصلتله من حقد وغل !!!!

على العموم يارب الجنط والفوج لايت يكونو عجبوكم

وأشكركم جميعاً على ردودكم

**1.8Tee** · 19-08-2008 10:48 PM

عارف اية الفوج لايتس دى ؟.

**katkootaya** · 19-08-2008 11:00 PM

المشاركة الأصلية كتبت بواسطة Mohamed_SlvrLan99

عارف اية الفوج لايتس دى ؟.

حاسة بتريقة ?!

عموماً أقولك
الفوج لايت هو فانوس الشبوره إلي راكب في الإكصدام وهو هنا لدات زينون

**1.8Tee** · 19-08-2008 11:22 PM

لأ خالص....انا قصدى شكلة العجيب دة ؟.

عموما دة من Infiniti Q45 .

**M_HaFeZ** · 20-08-2008 07:53 AM

مش كويس ابدا ان الموضوع يبقى مكتوب فيه ولاد الحرام .
عارفين يعنى ايه ولاد الحرام؟؟؟

**Islam_galal** · 20-08-2008 08:16 AM

أخيرا نقد بعيد عن الموضه و له قيمه
فعلا برجاء تغيير كلمة و لاد الحرام
العضو M_HaFeZ جزاك الله خيرا

**katkootaya** · 20-08-2008 02:48 PM

هو انا ليه حاسه بموجة نقد غريبه في المنتدى !! عموما ان شاء الله الاداره تغير العنوان بالرغم اني مقصدش بيه حاجه

**SHNORY** · 20-08-2008 03:10 PM

المشاركة الأصلية كتبت بواسطة katkootaya

هو انا ليه حاسه بموجة نقد غريبه في المنتدى !! عموما ان شاء الله الاداره تغير العنوان بالرغم اني مقصدش بيه حاجه

سياده العضوه الفاضله :
احنا مش بننقد حضرتك ولا بنوجه لحضرتك اي نقد او لوم المشكله انها بقت ظاهره في الاونه الاخيره نقل الحوادث ووصفها بشكل مقزز وكان المنتدي اتحول لصفحه حوادث او منتدي كوارث ولما الاعضاء استنكروا الموضوع ده ردت علينا ناس تانيين واتهمونا باننا ضعاف القلوب زي ميكون الرجوله وقوه القلب اني اقعد اقري حوادث واتفرج علي نص جثه وربع جثه زي ميكون احنا عايشين في المدينه الفاضله
وهما بيفكرونا بالواقع علشان نصحي من النعيم وريش النعام والرفاهيه ونحس بطبقات الشعب الفقيره والميته والمتقطعه جوه عربياتها ونتعظ
بالنسبه للنقطه التانيه بتاعه كلمه اولاد الحرام فدي كلمه كلنا بنقولها بس هي مش صح والاستاذ العضو اللي طلب تغييرها لا يقصد بشخص حضرتك اي اسائه لانها كلمه دارجه في السنتنا كلنا هي وكلام تاني كتير المفروض الواحد ميقولهوش بس احنا بنحاول نقوم غلطات بعض علي سبيل اننا كلنا اخوه واخوات في منتدانا الكريم
بكررها لحضرتك النقض مش موجه لشخص حضرتك خالص واضح انك لسه عضوه جديده معانا وواجهتي النقد في اول مواضيعك ودا اللي خلاكي حاسه اننا بننقدك

واهلا بيكي عضوه من اعضاء نايل موتورز وكل سنه وحضرتك طيبه بمناسبه شهر رمضان الكريم

**katkootaya** · 20-08-2008 08:58 PM

شكرا إدارة نايل موتورز !!!

الموضوع: نيسان معدلة بشكل رهيب بس ادمرت !!!!!!

LinkBack

أدوات الموضوع

عرض

-

-

-

المواضيع المتشابهه

نيسان صني 2005 معدلة تحفة

فيديو رهيب رهيب لازم الكل يشوفه (ريسات بترفع هورس بتاع كيلو)

ايه حكاية النوبيرا بريميم انتشرت بشكل رهيب ايه التفاصيل ؟؟

الدركسيون تقيل بشكل رهيب

لادا معدلة تعديل رهيب تعالوا شفوها بسرعة

الكلمات الدلالية لهذا الموضوع

المفضلات

المفضلات

ضوابط المشاركة