الموضوع: ايداع فلوس في البنك بأسم المعرض

المشاركة الأصلية كتبت بواسطة salamonti

حضرتك لو أودعت المبلغ في البنك تبقا الفلوس دي خلاص بتاعته ومفيش أي حاجة تلزمه انه يديك سلعة مقابل الفلوس دي حتى لو وصل الأمر للمحاكم فانت قانونا ملكش عنده حاجة..

السؤال هنا بقا..
افرض سيادتك حطيت الفلوس في البنك ورحت تستلم العربية
لقيت العربية معيوبة ولا مخبوطة ولا مخربشة ولا مش عاجباك
هاتزعل طبعا وترفض تستلمها وتطلب انها تتبدل بواحدة تانية مش كده ؟
طب لو قاللك هي دي الموجودة لو عاجباك على كده خدها مش عاجباك ملكش عندنا حاجة هاتعمل ايه ؟!

مهما كان المعرض أو المكان كبير وموثوق فيه فالحرص واجب برضه
هو ممكن ماينصبش عليك ويسلمك العربية فعلا لكن تبقا انت تحت ضرسه وتضطر تقبل بحاجة معيوبة احسن من مفيش !!

حضرتك هو لما بيشترى العربية بيشوفها الاول و يجرب كل حاجة و بعدين بيدفع فحتى لو دفع كاش وفيها عيوب ساعتها مش هتفرق اذا كان دفع كاش ولا لا و كمان لما بيعمل تحويل للفلوس فى ساعتها بيروح يستلم العربية ما بيستناش يوم ولا اتنين و طبعا المعارض الكبيرة و اللى ليها سمعة كويسة جدا فى السوق او التوكيلات ما بتعملش حركات النصب دى علشان سمعتها ممكن تتاثر جامد من الحكاية دى