اذا سمحتم يا جماعة عاوز اشتري عربية لانوس هل أودع الفلوس في البنك بأسم المعرض ولا اديله شيك احسن ولا اعمل ايه الصح ارجو الافادة ؟؟؟؟؟؟؟؟؟
عرض للطباعة
اذا سمحتم يا جماعة عاوز اشتري عربية لانوس هل أودع الفلوس في البنك بأسم المعرض ولا اديله شيك احسن ولا اعمل ايه الصح ارجو الافادة ؟؟؟؟؟؟؟؟؟
سؤال غريب قوي ...
بين الشاري والبايع يفتح الله .. واربط (الحمار) لامواخذه العربيه مكان مايحب صاحبها
افرض صاحب المعرض قالك هات الفلوس هنا و العربيه اهه خدها
هاتقول له.. لا.. لما اسال الاول في المنتدي احطهم لك في البنك ؟
..
..
شكرا يا باشا علي الرد بس انا لما كنت في المعرض من يومين بتاع منصور قالي حطهم في حسابي في البنك وهاتلي الايصال بس انا مش عارف هل ده صح ولا أعمله شيك خصوصا انا مش عاوز امشي بالمبلغ ده في الشارع
بص هو الاحسن انك تودع الفلوس فى حسابه فى البنك و يكون معاك ايصال التحويل الى حسابه علشان تضمن حقك و الاهم ان المعرض يكون كبير و موثوق فيه جدا علشان تعمل كده انما الشيك فا مش عارف الصراحة مدى امانه فى الموضوع ده و طبعا لو الفلوس كاش يبقى احسن سلم و استلم لكن الواحد اليومين دول بقى الحرامية اكتر فئة فى الشعب دلوقتى!!!.
طبعا متمشيش بفلوس في الشارع عربيه زيرو يعني بنتكلم في 100 الف وطالع افرض لا قدر الله اتسرقوا
اديله شيك افضل او لو فلوسك في البنك حيكون الموضوع سهل يعني من غير ما تسحب حاجه
اطلب انك تحولهم لحساب المعرض وخلاص
اشتري من معرض كبير
انا اول مرة اسمع تحويل الفلوس لحساب المعرض ده
انا اخر مرة اشتريت عربية في مصر اشتريتها بشيك مقبول الدفع
شكرا لكل الردود انا هجيب من التوكيل الي في رابعة العدوية وهو اداني رقم حسابه في البنك احول عليه كده وخلاص مش لازم اخد منه حاجة قبل ما حول الفلوس عليه
حضرتك لو أودعت المبلغ في البنك تبقا الفلوس دي خلاص بتاعته ومفيش أي حاجة تلزمه انه يديك سلعة مقابل الفلوس دي حتى لو وصل الأمر للمحاكم فانت قانونا ملكش عنده حاجة..
السؤال هنا بقا..
افرض سيادتك حطيت الفلوس في البنك ورحت تستلم العربية
لقيت العربية معيوبة ولا مخبوطة ولا مخربشة ولا مش عاجباك
هاتزعل طبعا وترفض تستلمها وتطلب انها تتبدل بواحدة تانية مش كده ؟
طب لو قاللك هي دي الموجودة لو عاجباك على كده خدها مش عاجباك ملكش عندنا حاجة هاتعمل ايه ؟!
مهما كان المعرض أو المكان كبير وموثوق فيه فالحرص واجب برضه
هو ممكن ماينصبش عليك ويسلمك العربية فعلا لكن تبقا انت تحت ضرسه وتضطر تقبل بحاجة معيوبة احسن من مفيش !!