سؤال مطلوب أجابتة اليوم او بكرة

**dedi** · 14-05-2013 09:00 PM

اخوتى فى المنتدى أخى معة عربية نوبيرا اوتو كان اشتراها من صديقة و قد غير الفتيس من فترة بسيطة و بعد 5 شهور حصل مشكلة فى الفتيس مرة تانية و قد كان فى مشكلة فى المرشلين و الميكانيكى قال لة يبقى نضبطها بعدين و سافر بالعربية و بعد شهر سمع صوت فى الفتيس فتم فكة و تم تغيير الترس
الان بيسمع نفس الصوت الذى بسببة غير الترس
المطلوب لو سمحتوا الذى يعرف حد شاطر فى الفتيس و مكانة فين و اذا امكن رقم موبايلة حت يتصل و يضبط معاة قبل ارسالة من الاقصر الية بس ياريت فى خلال اليومين دول لانة بكر ة سوف يرسل السيارة للميكانيكى للفك
تحياتى لكم

**kagawa** · 14-05-2013 09:23 PM

المشاركة الأصلية كتبت بواسطة dedi

و بعد 5 شهور حصل مشكلة فى الفتيس مرة تانية و قد كان فى مشكلة فى المرشلين و الميكانيكى قال لة يبقى نضبطها بعدين و سافر بالعربية و بعد شهر سمع صوت فى الفتيس فتم فكة و تم تغيير الترس

تحياتى لكم

و المرشلين ده فين .....؟؟؟؟؟؟؟

..

..

..

..

..

**shur3000** · 14-05-2013 11:21 PM

اكيد قصدة مرشدير واللهى اللى اعرفة ان حوار الفك والحبشتكنات دة مينفعش مع الفتيس والافضل فتيس استيراد بس المشكلة انت وحظك خلية يجيب فتيس تانى ويحافظ عاى تغير الزيت وفلتر الزيت وان شاء الله يعيش معاة

**dedi** · 15-05-2013 01:00 AM

المشاركة الأصلية كتبت بواسطة kagawa

و المرشلين ده فين .....؟؟؟؟؟؟؟ :u_thin1[1]:

..

..

..

..

..

ماعلش قصدى مرشدير (الرجوع للخلف )

**dedi** · 15-05-2013 01:06 AM

المشاركة الأصلية كتبت بواسطة shur3000

اكيد قصدة مرشدير والله اللى اعرفة ان حوار الفك والحبشتكنات دة مينفعش مع الفتيس والافضل فتيس استيراد بس المشكلة انت وحظك خلية يجيب فتيس تانى ويحافظ عاى تغير الزيت وفلتر الزيت وان شاء الله يعيش معاة

كان فية ناس فى المنتدى بتتكلم عن امكانية اصلاحة و بعدين دة لسة راكب مالهوش شهر تقريبا و ممكن يكون حاجة بسيطة فحرام يتغير و بعدين موش يمكن الجديد موش مضمون و انت و حظك زى ماقلت
صدقنى هو بيحافظ على الزيت و غيارة فى كل فتيس بس الواحد أتخنق من الذى بيحصل
شكرا لمرورك

**dedi** · 15-05-2013 01:07 AM

اية يا رجالة مافيش حد يعرف من هو تخصص فتيس و رقم موبايلة
يعنى أسال فين

**kagawa** · 15-05-2013 01:42 AM

فيه واحد في شارع اجمد سعيد يمين البنزينه اللي قدام مدرسه كليه رمسيس للبنات
اسمه مجدي اوتوماتيك بيقولوا عليه كويس

..

**dedi** · 15-05-2013 11:50 AM

المشاركة الأصلية كتبت بواسطة kagawa

فيه واحد في شارع اجمد سعيد يمين البنزينه اللي قدام مدرسه كليه رمسيس للبنات
اسمه مجدي اوتوماتيك بيقولوا عليه كويس

..

شكرا ليك ممعاكش رقة موبايلة علشان نظبط معاة

**mahmoud_anwar** · 15-05-2013 12:25 PM

انا الي اعرفة ان الفتيس الاتوماتيك في النوبيرا مشكلة وعلي طول بيبوظ
فا نصية بلاش تصرف عليه ويعدل مانيول

**hamada_5034** · 15-05-2013 04:37 PM

بص هو فى واحد بيقوله علية استاذ فى مصر القديمة لكن بصراحة انا مش عارف مكانة لو قدرت اجبلك رقمة انهاردة هبعتالك الرقم لكن رغم كل دا انا انصحك انك توفر فلوسك واشترى فتيس تانى استيراد وبعد ما يركب روح اسكان العربية وخلى الراجل يقولك حالة الفتيس اللى ركب اية انما حوارات الصيانة انت بترهق نفسك وفلوسك على الفاضى معروف ان الفتيس لو حصله حاجة بالذات الاوتوماتيك يتشال وينزل غيره لان الصيانة فيه خسارة وبسمع كمان عن النوبيرا ان فتيس نوبيرا وان افضل من نوبيرا 2 والاتنين بنفس القواعد دى معلومة اتاكد منها