ازاى تغير فلتر التكييف بنفسك(ابيزا-كوردوبا-بولو-جولف)

السلام عليكم ورحمة الله وبركاته

اكمنى اول مرة اشحن التكييف واول مرة اساسا عربيتى يبقى فيها تكييف فـ مكنتش اعرف اذا كان التكييف ضعيف او قوى بس اللى كنت متأكد منه ان كان فيه روائح غريبة بتطلع من الهوايات أول ما أشغل التكييف
فـ نويت والنية لله انى أغير فلتر التكييف بعد 15 سنة لأنه الفبريكة بتاع العربية ومتغيرش قبل كده لأنها كانت مفيهاش تكييف

روحت قولت للراجل بتاع قطع الغيار عايز فلتر تكييف ابيزا وهو نفس الكوردوبا ونفس البولو بس مش عارف زى الجولف ولا ايه لكن عموما طريقة التركيب واحدة فى الـ4 عربيات

كام يا عمو؟؟ 80 جنيه يا حبيبى :coolio:

http://nileup.com/up/uploads/nilemotors_13685569806.jpg

اول مرة اسمع عن النوع ده, جايز عشان مشتريتش فلتر تكييف قبل كده :pffft:

طيب الخطوات ايه:
1- افتح الكبوت
2- شيل الكاوتشة اللى ماسكة الطوربيدو(قطعة البلاستيك اللى تحت المساحات)
متشيلش الكاوتشة كلها
http://nileup.com/up/uploads/nilemotors_13685569801.jpg

3- شيل الطوربيدو
خلى بالك عشان ميتكسرش لأنه رقيق
http://nileup.com/up/uploads/nilemotors_13685569802.jpg

يا سواد السواد يابا رشدى :Copy of majd(4):

4- هتلاقى كلبسين من قدام, هما دوول اللى ماسكين الفلتر
فكهم وطلع الفلتر بالأطار بتاعه

http://nileup.com/up/uploads/nilemotors_13685569804.jpg

http://nileup.com/up/uploads/nilemotors_13685569803.jpg

لو حبيت تنضف القاعدة بتاعت الفلتر خلى بالك اوعى ينزل تراب جوه عشان هتلاقيه عندك فى الصالون

5- هنشيل الفلتر من الأطار اللى كان بايت فيه, وننضف الأطار كويس

http://nileup.com/up/uploads/nilemotors_13685569805.jpg

6- هناخد الفلتر الجديد ونعشقه فى الاطار
بس خلى بالك لأن الفلتر رقيق قوى وممكن يبوظ

http://nileup.com/up/uploads/nilemotors_13685569807.jpg

7- هنبيت الأطار فى مكانه ونتأكد ان حواف الاطار متعشقة مع القاعدة عشان نمنع اى تسريب للأتربة ومتنساش تتأكد من الكليبسات

http://nileup.com/up/uploads/nilemotors_13685569808.jpg

8- هنرجع تانى نركب الطوربيدو ونركب الكاوتشة ومتنساش تقفل الكابوت


تقييم الأداء بعد التركيب:
مبدأيا أنا بقالى فترة حاسس انى تعبان وهمدان وصدرى بيشخشخ وده كان بيحصل لما كنت اشغل التكييف وعرفت ان السبب طلع من البكتيريا اللى كانت متحوشة فى الفلتر وكمان هو اللى كان عامل الريحة
لما كنت احب اشغل التكييف كنت لازم اجيبه على 3 فى اول التشغيل لحد ما يبرد الجو شوية وبعدين انزل لـ 2 لأن لما كنت بجيبه على 1 مكنش فيه هوا اساسا بيطلع
لكن بعد ما ركبت الفلتر شغلت التكييف على 1 وطفيته تانى لأنى سقعت :S_thum1[1]:

والى اللقاء فى جريمة أخرى :bye:

الله ينور عليك يا بو كيمو يا جامد

نفس مشكلتك بالظبط بس كنت برش برفان فى الهويات علشان اتغلب على الريحة وزجاجة البرفان بقى فيها 2 ملى :( وفعلاً التكييف فى الاول لازم اشغلة على 3 او 2 على مايسقع .. انا الفلتر عندى اكيد فى الضياع واكيد متغيرش من 18 سنه بردوا

يعنى اغير واتوكل على الله ومش خسارة 80 جنيه ؟؟؟

ايه يا عم كريم الكلام الجامد دة
الف مبروك يا كيمو تغيير الفلتر

وتسلم ايدك علي التقرير

علي فكرة
انا راكب عندي نفس النوع دة Alco
بس مرسوم عليه العلامات

تحياتي

ماتنساش تشارك في موضوع قطع الغيار
http://www.nilemotors.net/Nile/341028-a.html

وياريت لينك موضوعك في خانة التقييم

اقتباس:

---

المشاركة الأصلية كتبت بواسطة mahmoud ghanem

الله ينور عليك يا بو كيمو يا جامد

نفس مشكلتك بالظبط بس كنت برش برفان فى الهويات علشان اتغلب على الريحة وزجاجة البرفان بقى فيها 2 ملى :( وفعلاً التكييف فى الاول لازم اشغلة على 3 او 2 على مايسقع .. انا الفلتر عندى اكيد فى الضياع واكيد متغيرش من 18 سنه بردوا

يعنى اغير واتوكل على الله ومش خسارة 80 جنيه ؟؟؟

---

توكل على الله
والله بيفرق جامد ومش خسارة فيه الفلوس

اقتباس:

---

المشاركة الأصلية كتبت بواسطة syd

ايه يا عم كريم الكلام الجامد دة
الف مبروك يا كيمو تغيير الفلتر

وتسلم ايدك علي التقرير

علي فكرة
انا راكب عندي نفس النوع دة alco
بس مرسوم عليه العلامات

تحياتي

---

الله يبارك فيك يا ريس

فى ناس بتقول المفروض يتغير كل اول صيف على شان البكتيريا

اقتباس:

---

المشاركة الأصلية كتبت بواسطة soledad

فى ناس بتقول المفروض يتغير كل اول صيف على شان البكتيريا

---

ده انا على كده صدرى بقى مليان صراصير :dribble:

طبعا الاحسن انه يتغير كل صيف
كنت قريت موضوع عن طريقة تنضيفه كل صيف وهى انك تغلى مياه وتحط فيها شوية ديتول وتمشى الفلتر على البخار بتاع المياه

اقتباس:

---

المشاركة الأصلية كتبت بواسطة soledad

فى ناس بتقول المفروض يتغير كل اول صيف على شان البكتيريا

---

يا خبر ابيض على كدة أخاف افك الفلتر القديم يطلع منه اناكوندا او ديناصورات :Oc_sun1[1]:

اقتباس:

---

المشاركة الأصلية كتبت بواسطة Karim Ibiza

ده انا على كده صدرى بقى مليان صراصير :dribble:

طبعا الاحسن انه يتغير كل صيف
كنت قريت موضوع عن طريقة تنضيفه كل صيف وهى انك تغلى مياه وتحط فيها شوية ديتول وتمشى الفلتر على البخار بتاع المياه

---

تصدق افتكرتك هتقول المفروض يتنقع :grinder:

ما شاء الله
شرح جميل ..

اقتباس:

---

المشاركة الأصلية كتبت بواسطة s o p h o s

ما شاء الله
شرح جميل ..

---

ربنا يخليك
شكرا لمرورك

اقتباس:

---

المشاركة الأصلية كتبت بواسطة SYD

تصدق افتكرتك هتقول المفروض يتنقع :grinder:

---

طبعا يا باشا يتنقع وتشرب المياه بتاعت النقع على الريق :S_thum1[1]:

الله
انت بتقول نكت ؟؟ :rfds:

بالديتول ولا من غيره :Oc_sun1[1]:

انت بتقول فيها والله انا جبت الديتول واديت الفلتر والله علشان انا فى الصحراء ومفيش قطع غيار

اقتباس:

---

المشاركة الأصلية كتبت بواسطة ahmed_shebl99

انت بتقول فيها والله انا جبت الديتول واديت الفلتر والله علشان انا فى الصحراء ومفيش قطع غيار

---

انت قصدك حطيت الديتول في الفلتر؟؟؟!!!!
الفلتر ده رقيق جداً ولو جه عليه أي سواءل بينشف ويبوظ

اقتباس:

---

المشاركة الأصلية كتبت بواسطة karim ibiza

انت قصدك حطيت الديتول في الفلتر؟؟؟!!!!
الفلتر ده رقيق جداً ولو جه عليه أي سواءل بينشف ويبوظ

---

يا باشا هو تقريبا عمل بتمنه من 10 سنين

ههههه مبروك يا باشا .. انا التكييف عندى راكب مش بتاع العربية 94 وحاسس ان مفيهوش فلتر اصلا .. باخد البكتريا على صدرى على طول

اقتباس:

---

المشاركة الأصلية كتبت بواسطة mohammad isdf

ههههه مبروك يا باشا .. انا التكييف عندى راكب مش بتاع العربية 94 وحاسس ان مفيهوش فلتر اصلا .. باخد البكتريا على صدرى على طول

---

عشان تبقى طازة :afterboom:

مبرووووك ياكريم بيك الفلتر الجديد

تجربه مفيده وتسلم على التقرير ياغالى

طب سؤال بقي انا عربيتي قبل ما بيعها كانت مكيفة بس الفلتر ماكنش هنا خالص بس معرفش مكانه كان فين بصراحة ولا كده يبقي مكانش فيها فلتر :Copy of majd(4):

اقتباس:

---

المشاركة الأصلية كتبت بواسطة hossamalsadik

مبرووووك ياكريم بيك الفلتر الجديد

تجربه مفيده وتسلم على التقرير ياغالى

---

الله يبارك فيك يا معلم

اقتباس:

---

المشاركة الأصلية كتبت بواسطة medo18

طب سؤال بقي انا عربيتي قبل ما بيعها كانت مكيفة بس الفلتر ماكنش هنا خالص بس معرفش مكانه كان فين بصراحة ولا كده يبقي مكانش فيها فلتر :copy of majd(4):

---

يا باشا مكانه واحد
جايز يكون فعلا مكانش فيها او جايز حضرتك مخدتش بالك

لا لا انا شفت المكان اللي حضرتك شايفه كويس انا كان عندي في الحتة دي كتاوات للمراوح بس مكنش في فلتر جايز علشان انا كان متركب عندي مش الاصلي بتاع العربية

اقتباس:

---

المشاركة الأصلية كتبت بواسطة medo18

لا لا انا شفت المكان اللي حضرتك شايفه كويس انا كان عندي في الحتة دي كتاوات للمراوح بس مكنش في فلتر جايز علشان انا كان متركب عندي مش الاصلي بتاع العربية

---

يا باشا ما هو انا عربيتي مكنش فيها تكييف وكان الفلتر ده موجود
المكان اللي انا مصوره ده تحت المساحات

الله ينور عليك شرح تمام جداً