انا بردوا جبت بيها 155 بس محدش يقول لحد :mrgreen: , و عندى صورتها 1100CCموديل 83
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
زيزو باشا، مواضيعك اكثر من رائعة، انا كان نفسى أعلق من بدرى لكن منعنى الإنشغال لا أكثر
عموما انا هاحكى عن عربيات تانية غير اللى انت جربتها علشان خاطر تعم الفائدة، هابدأ بالفيات 128 رفيقة كفاح الشعب المصرى
تجربة القيادة التى سأحكى عنها ليست تجربة قيادة واقعية لكنها تجربة قيادة افتراضية تلخص خبرتى مع 3 سيارات 128 امتلكتها-واحدة فيهم عماتها بنفسى من شاسيه قديم واجازء من الوكالة وعزبة شلبى- وكذلك العديد من تجارب قيادة 128 يمتلكها زملاء
بنتكلم هنا عن سيارة 128 فى حالتها المثلى، يعنى عربية كل حاجة فيها سليمة موتور وعفشة ومساعدين وكبالن وركب وقواعد موتور وفتيس وكله
النظرة الأولى على العربية من برة مش نشوف فييها غير 3 صناديق متركبين فى بعض، صندوق امامى منخفض جواه الموتور، واره صندوق اكبر شوية نص قزاز هو التابلوه، وصندوق ثالث صغير ورا هو الشنطة
نفتح الباب ونركب، لا احد فينا ينكر ذلك الإحساس المميز اللى بتحس بيه اول ما تحط نفسك فى 128، احساس انك قاعد على مصطبة فى البلد، الدنيا واسعااااااااا وبراح بس مافيش اى تكلف فى التصميم، نقفل الباب، ماقفلش، إفتح الباب وبعدين إرزعه، مقفلش برضه، افتح وشد الباب بدون عنف لكن بحزم ومتسيبوش لما يقرب من الكالون، ايوه برافو عليك كدة قفل، الرسى مش مريح ومش متعب لكن براح الصالون غريب بالنسبة لسيارة صغيرة كهذة، نحط المفتاح فى الكونتات وندور، ، إييييييييييييه انت ناوى تطلع بيها على طول كدة، دى 128 يا استاذى، 5 دقايق تسخين أولا، حطينا الأولانى وهانمشى، هنلاحظ فى ال128 ظاهرة غريبة جدا، ان دواسة البنزين ففيها حبة فاضيين فى اول الدوسة، مش بتستجيب غير بعد ما بتنزل حوالى سنتى، نشيل رجلنا من على الدبرياج ونطلع، طلعتها ناعمة جدا وصوت الموتور مريح جدا وناعم مع انه مرتفع ومسموع أوى
نكبس بأه على العربية، احنا ديلوقتى على التالت على 40 وبنكبس، العربية مالهاش دعوة بينا خالص، هى بمزاااااااااااااااجها لحد ما توصل 60، وبعد 60 تلاقى عفريت ركبها وراحت فاتحة مرة واحدة، ندى الرابع ونكبس وهنا نلاحظ ظاهرة غريبة تنفرد بها ال128، من أول 80 وطالع تلاقى الموتور له صفارة غريبة تحبها الأذن وتشبه صوت الطيارة، الصفارة دى كانت من اكتر الحاجات الللى بعشقها وبدور عليها فى أى 128 أركبها
طريقنا طوالى وحارقين بنزين على الآخر، طبعا العربية كانت راكباها قبل كدة واحدة ست مش بتجيب بيها اكثر من 60 فالموتور مخنوق، فمعاك كدة 10 دقائق من 80 ل 100، وربع ساعة حرق لحد 120، ولو حظك حلو والهواء فى ضهرك ممكن توصل ل140 ، لكن بعد ما تنزل من 140 ل 80 هتلاقى ان تانى مرة تحاول تجيب من 8- ل 100 هتيجى فى دقيقة واحدة، ومن 100 ل 120 فى حوالى 3-4 دقائق، بس اهم حاجة لو ناوى تزود عن 120 هات معاك فلتين حطهم فى ودنك
الثبات؟ الثبات على الأرض من اجمل مميزات هذة العربية، لو كل حاجة فيها مظبوطة بتبقى عاملة زى اللى لازقة فى الأرض بشفاطة مش بتتحرك غير فى الإتجاهات الفقية لكن رأسيا مبتتحركش خالص
المناورة؟ اهى دى بقى على عكس الثبات من أسوأ عيوب هذة السيارة، الأخ اللى صممها مكنش حاطط فى اعتباره ان هذة السيارة قد تستخدم للدوران يمينا او يسارا ، ولكن هو صممها على انها تمشى لقدام ولورا بس، وتقريبا ان منظومة التوجيه أضيفت للسيارة بعد ان بيعت اول نسخة منها واشتكى الزبائن انها مش بتحود، لأن منظومة التوجيه بتاعتها قاصرة جدا والمناورة بال128 اصعب من المناورة بسيارة نقل
الادوات: هى طبعا العربية فيها دريسكيون وفيها فتيس وفيها شوية دواسات، بس احاجات دى اماكنها غريبة شوية، وبعدين كان فيها شوية ظواهر مش طبيعية، يعنى مثلا كان لى واحد صاحبى طويل كل ما يركب جنبى وانا سايق الاقى رجله بقدرة قادر دايسة على البنزين والعربية بتسحب لوحدها
التكييف: يعنى إيه تكييف؟ اه قصدك البتاع ده اللى بيسقع هواءالعربية، والله انا سمعت ان فيه ناس ركبوه فيها بعد ما قصو نص صاج العربية علشان يلاقوله مكان، وكان دايما لديهم الإتيار، هل يشغلو الموتور يشغلوا بيه التكييف وللا يمشوا بيه العربية
لقطات تاريخية فى حياه ال 128 معايا: مرة وحيدة جبت بيها 160 على الصحراوى وكان الهواء فى ضهرى
سافرت بيها من القاهرة لاسوان فى يوم واحد، ورجعت بيها من لاسوان فى يوم واحد ايضا
قطرت بيها عربية 132 من مدينة نصر وحتى باب الشعرية مسافةحوالى 15 كيلومتر
سبعاوى
_______________________________________________
رقم العضوية : 413
تاريخ التسجيل : 02May2007
المشاركات : 83
النوع : ذكر
الاقامة : مصر
السيارة: @
السيارة[2]: @
الحالة :
انا بردوا جبت بيها 155 بس محدش يقول لحد :mrgreen: , و عندى صورتها 1100CCموديل 83
رقم العضوية : 856
تاريخ التسجيل : 02Jun2007
المشاركات : 55
النوع : ذكر
الاقامة : cairo
السيارة: fiat 128
السيارة[2]: Alfa Romeo 156
دراجة بخارية: no
الحالة :
دا انا على كده معايا اسد بقى دا انا 128 بتعتي بوصلها 140 في طريق طوله 7 كيلو ولا بسمعلها صوت ولا اي حاجه وبعدي بيها من تحت الكساحات ولا بيهمني والاخ سبعاوي يقولك مبتعرفش تلف اي نعم غيرتلها كبالن الماني مره ومن وقتها وانا ناسيه بس حاجه فل
رقم العضوية : 856
تاريخ التسجيل : 02Jun2007
المشاركات : 55
النوع : ذكر
الاقامة : cairo
السيارة: fiat 128
السيارة[2]: Alfa Romeo 156
دراجة بخارية: no
الحالة :
نسيت اقولكم حاجه ان عربيتي موديل 75 يعني لمفروض كده يا اخ سبعاوي انها كويسه ولا ايه ومش راشه دواخل نهائي انا اصلي اشترتها ب 17 ونص واناس بتقول انها غاليه حوالي 2000
بس بصراحه انا بعمل بيها الي متعملش وهيا ساكته وزي الفل
رقم العضوية : 710
تاريخ التسجيل : 17May2007
المشاركات : 46
الاقامة : alex-egypt
الحالة :
افادك الله وهناك استفسار عن نوعية المساعدين الاحسن لل128 المونرو أو اليابانى لو كان مستخدم السيارة لا يتعدى بها 100 كم فى الساعة 0 وعلى فكرة سيارتى موديل 1983 اى 1100 وافكر فى بيعها لشراء موديل بعد 1990 أى 1300 فما رأى سعادتكم أفيدونا أفادكم الله
رقم العضوية : 3746
تاريخ التسجيل : 16Dec2007
المشاركات : 1,558
النوع : ذكر
الاقامة : المقطم
السيارة: Maruti 2008
السيارة[2]: Lanos 2007 FO
دراجة بخارية: no
الحالة :
وصف دقيق جدا
رقم العضوية : 3512
تاريخ التسجيل : 01Dec2007
المشاركات : 2,280
النوع : ذكر
الاقامة : cairo-shoubra
السيارة: honda civic 2007
السيارة[2]: hyundai matrix 2008
دراجة بخارية: لا يوجد
الحالة :
يا جماعه يا ريت حد يحط بقيت التست دريفز بتاعت الاستاذ سبعاوى كلها فى موضوع واحد لأن انا الصراحة بحب اقراها جدا و خصوصا لو تست دريف بتاع عربية قديمة
[img2]http://cdn-img1.imagechef.com/w/110921/sampe24f53992f6e9e21.jpg[/img2]
رقم العضوية : 2044
تاريخ التسجيل : 04Sep2007
المشاركات : 694
النوع : ذكر
الاقامة : zagazig
السيارة: verna
السيارة[2]: 128
الحالة :
فعلا ال128 معايا زي الفل
و علي فكرة بتشد حلو و بتسحب و تنط زي القرد
بس فعلا المناورة بيها صعبة جدا
أنا كنت بفادي بلاعة و انا ماشي علي 80 بحود يمين و ارجع شمال بسرعة قلبي كان هيقف
حسيت ان الفتيس قلب باور ناعم فجأة و العربية حدفت و عومت و رجعت الطريق تاني
بس الحمد لله جميلة
و شكرا يا ابو السباع ........
الحريةالحرية تنبع من الاختلافو عدم اعترافي بالاخر لا يعني بانه غير موجودانا انت الاخر كلنا احياء في مكان واحدالحريةفلا يوجد الصواب المطلق ولا الخطأ المطلق-------------------Just Add Me
رقم العضوية : 3616
تاريخ التسجيل : 08Dec2007
المشاركات : 531
النوع : ذكر
الاقامة : Egypt
السيارة: Kia Picanto 2004
السيارة[2]: Fiat Ritmo - Alfa146
دراجة بخارية: لا
الحالة :
:D :D :D
فعلا دا افضل تقرير صريح عن ال 128 حضرتك احنا متشكرين جدا وكنت حطلب من حضرتك تيست درايف علي الريتمو بس خلاص مش مشكله انا عارف اداء السياره اكيد مش زي العملاقه 128 :D
شكرا يااستاذ سبعاوي :)
منتظرين المزيد من فضائح شركه فيات :D
رقم العضوية : 2128
تاريخ التسجيل : 11Sep2007
المشاركات : 55
النوع : ذكر
الاقامة : Giza
السيارة: Daewoo Nubira II
السيارة[2]: Fiat 128
دراجة بخارية: لا
الحالة :
موضوع جميل جدا يا سبعاوى وطريقة عرض أجمل وأجمل , بس بلاش حد يجيب سيرت العربية ونبى حاكم أنا لسه راجع من عند الميكانيكى وزهقااااااااااااااااااااا ن , أنا والحمد الله بسبب ال 128 بروح للميكانيكى والكهربائى مرتين فى الأسبوع . أكبر استفادة من العربية انها أكثرت من أصدقائى من الميكانيكية والكهرابيين وبتوع قطع الغيار. عاوز أبيعها بس مش قادر على بعدها :( , ثم أركب أيه لو بعتها
المفضلات