المالية: تحصيل ضريبة دخل لمن يزيد راتبه على ألف جنيه شهريا فى يوليو

**cameeron** · 15-05-2013 12:44 AM

المالية: تحصيل ضريبة دخل لمن يزيد راتبه على ألف جنيه شهريا فى يوليو

الثلاثاء، 14 مايو 2013 - 13:32
فياض عبد المنعم- وزير المالية
كتبت منى ضياء

أعلن الدكتور فياض عبد المنعم، وزير المالية، أن الشرائح الجديدة لضرائب الدخل، والتى أقرها مجلس الشورى أمس، ستسرى بدءا من رواتب شهر يونيو المقبل.

وقال الوزير، فى بيان له اليوم "الثلاثاء"، إن مجلس الشورى عدّل شرائح ضريبة الدخل لتصبح 5 شرائح، تبدأ بعد خصم أول 7 آلاف جنيه من الدخل السنوى مقابل الأعباء العائلية، بالإضافة إلى الشريحة الأولى المعفاة تماما من الضريبة حتى 5 آلاف جنيه، ليصل إجمالى الدخل المعفى من ضريبة المرتبات إلى 12 ألف جنيه سنويا، ثم الشريحة الثانية أكثر من 5 آلاف جنيه وحتى 30 ألف جنيه تدفع ضريبة 10%، والشريحة الثالثة أكثر من 30 ألف وحتى 45 ألفا تدفع 15%، والشريحة الرابعة أكثر من 45 ألفا وحتى 250 ألف جنيه تدفع 20%، ثم الشريحة الخامسة والأخيرة أكثر من 250 ألف جنيه تدفع 25%، وهو الحد الأقصى للضريبة يطبق على الأفراد الطبيعيين، ليتساوى مع سعر الضريبة على الأشخاص الاعتبارية.

وأضاف الوزير أن الحكومة ومجلس الشورى حرصا على عدم تعديل فئة الحد الأقصى للضريبة واستمرارها، كما هى 25% على الجميع، أفرادا وشركات، تأكيدا لاستقرار النظام الضريبى لمصر، وأنه بغض النظر عن الظروف والصعوبات المالية التى نعانى منها لن يكون الحل هو زيادة فئة الضريبة، وإنما التمسك بالسياسات المالية والاقتصادية، وما تقدمه من تيسيرات ومزايا للمستثمرين، وهو ما يحقق العدالة بين الممولين دون أن يكون عائقا لمزاولة الأعمال أو مشجعا على التهرب الضريبى إذا حدثت مبالغة فى أسعار الضريبة.

وقال الوزير إنه تم عرض الشرائح المقترحة على عدد كبير من خبراء الضرائب ومناقشتها، من خلال عدة حوارات مجتمعيه لاستطلاع رأى المجتمع، وقد اتفقت معظم الآراء على ضرورة المحافظة على المسافة بين الشرائح الأولى للأشخاص الطبيعيين بفئة 10% عن الشريحة أكثر من 5 آلاف جنيه وحتى 30 ألف جنيه، و15% عن الشريحة أكثر من 30 ألف جنيه وحتى 45 ألف جنيه، وهما أكثر شريحتين تمسان محدودى الدخل، وتمثل القاعدة العريضة من الممولين من الأشخاص الطبيعيين، سواء بالنسبة لممولى الأرباح التجارية والصناعية، أو بالنسبة لممولى ضريبة المرتبات.

[url=http://www1.youm7.com/News.asp?NewsID=1064855&SecID=24&IssueID=0]

**shaddadfalcon1** · 15-05-2013 08:42 AM

ماهو كده كده في ضرايب بس الناس بتتهرب منها

**ehab** · 15-05-2013 09:44 AM

المشاركة الأصلية كتبت بواسطة shaddadfalcon1

ماهو كده كده في ضرايب بس الناس بتتهرب منها

الناس الوحيدة الي بتدفع الي عليها الناس الي بتقبض من شركات او من الحكومة
عشان الضريبة بتتخصم منهم قبل ما ياخدوها
لكن غير كدا نادر لما تلاقي حد بيدفع النسبة الي علي حجم ارباحه الحقيقية

**canner** · 15-05-2013 11:10 AM

ربنا يستر هو اساسا الواحد عارف يعيش من اللى بياخده علشان ينقص

**El Prince** · 15-05-2013 12:18 PM

أخونا " فياض "
أرجوك لا تفيض علينا اكتر من كده ...

**shaddadfalcon1** · 15-05-2013 12:27 PM

المشاركة الأصلية كتبت بواسطة ehab

الناس الوحيدة الي بتدفع الي عليها الناس الي بتقبض من شركات او من الحكومة
عشان الضريبة بتتخصم منهم قبل ما ياخدوها
لكن غير كدا نادر لما تلاقي حد بيدفع النسبة الي علي حجم ارباحه الحقيقية

فعلا عندك حق وده اكبر غلط

انا اصلا ببص علي Payslip لقيت بيتخصم مني حوالي 24% ضرايب يعني مضحوك عليا يعني القرار ده هيروقني مش هيزعلني :)

في امريكا وكندا الناس بتدفع مبالغ غبيه علي الضرايب

وياريت فعلا يطبق بس الفلوس دي يتعمل بيها خدمات لان الشعب هنا خلاص اتعود علي البلطجة ومبدأ اعمل الأول وبعدين ابقي ادفع

**aboomar22** · 15-05-2013 12:40 PM

بصوا يا جماعة هى مش ضرائب جديدة مفروضة هى اصلا الضرائب كانت بتفرض بعد حد اعفاء 9 الاف جنيه سنويا يعنى لو انت مرتبك 15 الف جنيه سنويا كان بيخصم منه حجد الاعفاء ال9 الاف وبتدفع ضرائب على ال6 الاف الاخرى ضريبة دخل طبعا مقسمة على 12 شهر الان بعد التعديل بقى حد الاعفاء 12 الف يعنى لو مرتبك 15 الف بتدفع على ال 3الاف فقط مش ال6 الاف قبل التعديل طبعا احنا مش بتكلم عن عدل الضريبة او مدى عدم ملائمتها للموظف المصرى انا بس بوضح التعديل اللى حصل يعنى ده مش قانون جديد

**ehab** · 15-05-2013 01:42 PM

المشاركة الأصلية كتبت بواسطة shaddadfalcon1

فعلا عندك حق وده اكبر غلط

انا اصلا ببص علي payslip لقيت بيتخصم مني حوالي 24% ضرايب يعني مضحوك عليا يعني القرار ده هيروقني مش هيزعلني :)

في امريكا وكندا الناس بتدفع مبالغ غبيه علي الضرايب

وياريت فعلا يطبق بس الفلوس دي يتعمل بيها خدمات لان الشعب هنا خلاص اتعود علي البلطجة ومبدأ اعمل الأول وبعدين ابقي ادفع

الفكرة ان معظم الناس بتدفع اقل من نص الضريبة الي المفروض تدفعها و يمكن ربعها و دا كلام محاسبين
عارف لو كل واحد في البلد دفع الضريبة علي ربحه الحقيقي في خلال 5 سنين ممكن الديون الداخلية كلها تخلص
دا غير الناس الي مش بتدفع ضريبة من الاساس
بس برده لازم زي انا عايز الناس تدفع الضريبة يبقي لازم شغلهم يعرفوا يخلصوا من غير ما يضطروا يدفعوا مجاملات زي ما بنشوف في المرور كدا او في اي مصلحة

**kh_fawzy** · 15-05-2013 01:52 PM

المشاركة الأصلية كتبت بواسطة shaddadfalcon1

فعلا عندك حق وده اكبر غلط

انا اصلا ببص علي payslip لقيت بيتخصم مني حوالي 24% ضرايب يعني مضحوك عليا يعني القرار ده هيروقني مش هيزعلني :)

في امريكا وكندا الناس بتدفع مبالغ غبيه علي الضرايب

وياريت فعلا يطبق بس الفلوس دي يتعمل بيها خدمات لان الشعب هنا خلاص اتعود علي البلطجة ومبدأ اعمل الأول وبعدين ابقي ادفع

الحد الاقصي للضرائب 20% ماينفعش تلاقيهم خاصميين 24% مافيش حاجه اسمها كدة

**Ahmed.Ali** · 15-05-2013 02:09 PM

المشاركة الأصلية كتبت بواسطة kh_fawzy

الحد الاقصي للضرائب 20% ماينفعش تلاقيهم خاصميين 24% مافيش حاجه اسمها كدة

كمان اصلا الـ20% دي تحتيها اكتر من شريحه فا لازم اجمالي الحسبه اقل من 20% بس غالبا هو معتبر التأمينات الاجتماعيه ضمن الضرايب

الموضوع: المالية: تحصيل ضريبة دخل لمن يزيد راتبه على ألف جنيه شهريا فى يوليو

LinkBack

أدوات الموضوع

عرض

المالية: تحصيل ضريبة دخل لمن يزيد راتبه على ألف جنيه شهريا فى يوليو - انشر الموضوع فى :

-

-

المواضيع المتشابهه

معاية مقدم 10 الاف جنيه واقدر ادفع الف جنيه شهريا والمطلوب مازدا 929 موديل88او89او90

معاية مقدم 10 الاف جنيه واقدر ادفع الف جنيه شهريا والمطلوب مازدا 929 موديل88او89او90

عايز اشترى لاب توب لا يزيد عن 3000 جنيه

عرض بي ام دبليو ب4000 جنيه شهريا

الكلمات الدلالية لهذا الموضوع

المفضلات

المفضلات

ضوابط المشاركة