مشكله سحب فى اوكتافيا 98 اتوماتيك

**Mahmoud EGO** · 15-05-2013 12:56 AM

السلام عليكم .. ده اول موضوع ليا فى المنتدى وارجوا المساعده من ذوى الخبره..
اشتريت اوكتافيا ِa4 موديل 98 فى اواخر شهر 3 اللى فات .. مجبتش طقم سيرفيس جديد ولاحاجه لانى مكنتش فاهم خالص فى العربيه كان معايا قبلها تويوتا وهى مختلفه خالص المهم:
لقيت الزيت بيقل معايا غيرت ل شيل 3000 وقلت اجربه بعد اسبوع بالظبط من التغيير لمبه الزيت نورت بصيت فى الجراج لقيت زيت على الارض بيسرب .. رحت للميكانيكى ولقه انى اوسيل كرانك مخروم جبت واحد جديد +طقم سيرفيس (فلتر زيت-فلتر هواء-سير دينامو-سير كاتينه-سلك كهرباء بوجيهات وطقم بوجيهات) المهم عملت كل ده وغسلت الماتور بالكامل بالكيماوى وحسيت انى العربيه صوتها كويس جدا وهاديه .. لمبه الزيت منورتش تانى الحمد لله بس سحب العربيه لقيته قليل معايا .. موضوع السحب ده كان بيحصل قبل ما اغير زيت اما كان قليل فى العربيه ودلوقتى كل حاجه اتغيرت وسحب العربيه وحش معايا .. كنت ماشى على الدائرى على سرعه 60 والمؤشر التانى على 3 وكسر يعنى المفروض يبقى على سرعه 110 مش 60 مع العلم انى درجه الحراره فى العربيه متوسطه مش عاليه... موضوع السحب ده ياجماعه يبقى ايه ؟؟؟؟

*ملحوظه زيت الماتور اللى موجود فى العربيه دلوقتى مصر 1500 وكان مش مكفى ال4لتر كملت تانى يوم بزيت التعاون ..يعنى حوالى لتر التعاون بتغيير فلتر الزيت .. قلت بس اجرب العربيه الاول باى نوع زيت لحد اما اشوف الزيت هيتسرب تانى ولا لآ .. ممكن ضعف السحب من الزيت ولا من حاجه تانيه ؟؟

متأسف على الاطاله وارجوا الافاده ولكم جزيل الشكر.

ارجوا الافاده لانى دى اول مره اركب اوكتافيا ومش فاهملها

**mo3tazanas** · 15-05-2013 01:29 AM

اولا انت ما عملتش اى صيانة للفتيس يعنى لازم تغير زيت الفتيس وفلتر زيت الفتيس
ثانيا انت لازم تتاكد ان الفتيس بينقل واللا لا يعنى تمشى بالعربية وتبص على عداد الـ ار بى ام عند سرعة 20 وعند سرعة 40 وعند سرعة 60 الـ ار بى ام بينزل والـلا لا وغالبا انا حاسس ان عربيتك ما بتنقلش اساسا وماشية على التالت على طول علشان كدة سحب العربية فى الطلعة وحش لانها واخدة تالت ..الموضوع دة حصل معايا قبل كدة
لو زى ما بقلك يبقى لازم تروح لواحد بتاع فتيس وانا برشحلك احمد زاهر اللى فى المعادى واد ممتاز بس حراء شوية

**Moratoz** · 15-05-2013 09:01 AM

احمد زاهر مش فتيس بس كمان ميكانيكا ومن الوارد يكون في تقسيمه سير الكاتينه حاجه غلط

**mo3tazanas** · 15-05-2013 10:03 AM

المشاركة الأصلية كتبت بواسطة mahmoud ego

اشكرك على ردك يا استاذ معتز : فعلا زيت الفتيس معملتش فيه حاجه بس موضوع النتش ده مش موجود انا ببقى ماشى عادى خالص على ال d ..لكن عند سرعه 60 العداد بيبقى على 3 او ممكن ازيد حاجه بسيطه مع العلم انى 3 المفروض تبقى السرعه 100 د على حسب ما انا جربت قبل قله السحب .. الكلام كده مظبوط ولا فى ملاحظه ؟؟
بجد العربيه خنقانى اوى خصوصا بعد اما عملت فيها كل الصيانه دى وكان هاين عليه اركنها فى اى مكان واروح مواصلات والله .. عايز بس اتأكد اذا كان زيت وفلتر فتيس ولا حاجه تانيه لانى صرفت كتير جدا فى اخر صيانه عملتها ولو هعمل حاجه تانيه علشان المشكله ديه تبقى هى سبب العطل فعلا!!

انا مش بفلك بتنتش انا بقلك حس النقلات بتنقل وال لا وغالبا عربيتك ما بتنقلش

**mo3tazanas** · 15-05-2013 03:37 PM

المشاركة الأصلية كتبت بواسطة Mahmoud EGO

لا ياباشا هى بتنقل كويس الحمد للهr.d.n.بس هاخدها مشوار طويل على سرعه عاليه واشوف ايه اللى هيحصل ويارب تبقى حاجه بسيطه

حضرتك ما فهمتنيش بردو انا مش قصدى النقل ما بين r ,n, d انا قصدى نقلات الغيار فى الفتيس يعنى الاول والتانى والتالت والرابع والكلام دة وانت جايب الفتيس على الـ d وتمشى تحس كدة الاولانى وبعدين الفتيس ينقل لواحدة على التانى فالتالت والرابع والاخير

**mo3tazanas** · 15-05-2013 04:38 PM

المشاركة الأصلية كتبت بواسطة Mahmoud EGO

اهااااااااااااا كده فهمتك .. وانا دايس بنزين بحس انى دواسه البنزين خفيفه شويه تحت رجلى فبشيل رجلى خالص وادوس مره واحده مع الزياده فى الضغط على الدواسه علشان العربيه تسحب افضل ده فى العادى .. ومؤخرا ظهرت مشكله السحب والماتور صوته بيعلى اما بزود السرعه يبقى كده بنسبه كبيره محتاج زيت فتيس وفلتر فتيس ؟؟؟ ولا اروح لميكانيكى واقوله على اللى بيحصل وهو يدور على العطل ايه ؟؟؟
رأيك ايه ياكبيييير :)

بردو مافهمتنيش بص ياباشا الفتيس الاتوماتيك زى الفتيس المانوال يعنى فى سرعات بردو الاول والتانى والتالت والرابع الفرق ان المانوال بتدوس على الدبرياج علشان تنقل من غيار لغيار ولما بتيجى تنقل من غيار لغيار صوت العربية بيوطى والـ ار بى ام بيوطى تمام كدة ...الاتوماتك بردو بينقل من غيار لغيار بس من غير ما يكون فى دبرياج يعنى حضرتك تركب العربية وتجيب الفتيس على الـ d وبعدين تدوس بنزين عادى وتمشى بالعربية وعينك على عداد السرعة والـ ار بى ام حتلقى عند سرعة 20 الـ ار بى ام قام نازل يبقى كدة الفتيس نقل على التانى وبعدين يبتدى يعلى تانى لانك دايس بنزين وعند سرعة 40 الـ ار بى ام هينزل تانى يبقى كدة نقل على التالت وبعدين ينزل تانى وعند سرعة 60 الـ ار بى ام هينزل تانى يبقى نقل على الرابع والنزلة اللى بقلك عليها دى بسيطة جدا بس لازم تلاحظها لو ما بتعملش معاك كدة يبقى العربية ما بتنقلش