صيانة ال١٢٠ ألف - فيرنا ١٥٠٠

**Zafacelessman** · 15-05-2013 02:09 AM

السلام عليكم يا رجالة الهيونداي

بعد توفيق ربنا لي اتوفقت في عربية فيرنا ٢٠٠٦ عاملة ١٢٠ ألف من ٣ أيام .. المهم قلت اروح فين اروح فين , لقيت كل الناس هنا في المنتدى بيقولوا المهندس هاني .. خدت النمرة و كلمته و خدت ميعاد , و طبعا وصلت في ميعادي بالضبط ( اتاخرت ساعة و نص بس ) ... بعد الاستقبال كشفنا على العربية .. العربية محتاجة شغل في العفشة بس خلينا في المهم و هو الصيانة .. غيرنا سيور خارجي ( تكييف - دينامو - باور ) و سير كاتينة و بلية كاتينة و تيل أمامي و بوجيهات و فلتر هواء و فلتر بنزين .. الليلة اتكلفت ٦٢٥ جنيه من عند أوتو عمرو كله أصلي بس السيور الخارجي كوري ... اللي عايز أقوله للناس اللي متعرفش المهندس هاني و مركز سبيد سيرفيس إني مافيش مرة في حياتي دخلت ورشة و طلعت مقتنع بالناس اللي فيها غير المرة دي .. نفس شغل التوكيل بس من غير الغلطات بتاعت التوكيل و طبعا المصنعية سعرها لا يقارن .. العربية شمت نفسها أخيرا بس إن شاء الله لسة لما العفشة و المساعدين يتظبطوا هقول لكم الأسعار ..

هدور على الفاتورة و اعرفكم الأسعار بالتفصيل إن شاء الله
و شكرا لشباب المنتدى إنهم عرفوني على سبيد كار سيرفيس :)

**S O P H O S** · 15-05-2013 02:39 AM

الف مبروك العربية والصيانة

**Ashraf_Ibrahim** · 15-05-2013 02:40 AM

ألف مبروك على العربية
وربنا يديلك خيرها ويحميك من شرها
ودا الطبيعي بتاع المهندس هاني دايما وابدا :d

**enghany** · 15-05-2013 05:53 PM

المشاركة الأصلية كتبت بواسطة zafacelessman

السلام عليكم يا رجالة الهيونداي

بعد توفيق ربنا لي اتوفقت في عربية فيرنا ٢٠٠٦ عاملة ١٢٠ ألف من ٣ أيام .. المهم قلت اروح فين اروح فين , لقيت كل الناس هنا في المنتدى بيقولوا المهندس هاني .. خدت النمرة و كلمته و خدت ميعاد , و طبعا وصلت في ميعادي بالضبط ( اتاخرت ساعة و نص بس ) ... بعد الاستقبال كشفنا على العربية .. العربية محتاجة شغل في العفشة بس خلينا في المهم و هو الصيانة .. غيرنا سيور خارجي ( تكييف - دينامو - باور ) و سير كاتينة و بلية كاتينة و تيل أمامي و بوجيهات و فلتر هواء و فلتر بنزين .. الليلة اتكلفت ٦٢٥ جنيه من عند أوتو عمرو كله أصلي بس السيور الخارجي كوري ... اللي عايز أقوله للناس اللي متعرفش المهندس هاني و مركز سبيد سيرفيس إني مافيش مرة في حياتي دخلت ورشة و طلعت مقتنع بالناس اللي فيها غير المرة دي .. نفس شغل التوكيل بس من غير الغلطات بتاعت التوكيل و طبعا المصنعية سعرها لا يقارن .. العربية شمت نفسها أخيرا بس إن شاء الله لسة لما العفشة و المساعدين يتظبطوا هقول لكم الأسعار ..

هدور على الفاتورة و اعرفكم الأسعار بالتفصيل إن شاء الله
و شكرا لشباب المنتدى إنهم عرفوني على سبيد كار سيرفيس :)

الف مبروك علي الصيانه
و منتظرين تشريفك بالعفشه المره اللي جايه و العربيه زي ماقلتلك زي الفل ربنا يبارك فيها