الموضوع: مجلس الشورى يحترق!!

المشاركة الأصلية كتبت بواسطة NaderNabil

الأهرام
الصفحة الأولى

44452‏السنة 132-العدد2008اغسطس20‏19 من شعبان 1429 هـالأربعاء

[COLOR=#408080]حريق مروع يلتهم مبني مجلس الشوري
الرئيس مبارك يتابع الحادث لحظة بلحظة
ويجري ثلاثة إتصالات هاتفية مع الشريف
.‏[/RIGHT]

من شدة الحريق خلى السيد الرئيس يتابع الموقف بنفسة هيا البلد متمشيش من غير الريس لازم السيد الرئيس يتابع كل صغيرة وكبيرة

المسلى فى الموضوع هو رد فعل الشعب المصرى على احتراق هذا المبنى الاستراتيجى

بيفكرنى بمنصور، الشخصية التى جسدها المرحوم الفنان يونس شلبى فى مسرحة مدرسة المشاغبين حين كان يهتف بمنتهى السعادة:

"أبويا اتحرق...................أبويا اتحرق"

فالعلاقة المعقدة بين منصور وابيه ناظر المدرسة والتى كان قوامها قهر الأب للابن من جهة وكراهية الابن للأب مع عدم المقدرة على البعد عنه من جهة اخرى تشبه كثيرا علاقه الشعب المصرى بسلطات بلده الحاكمة، وهكذا عبر الشعب المصرى عن شماتته فى السلطة بطريقة مشابهة جدا لأسلوب "ابويا اتحرق" برغم ان ما احترق هو احد مبانى مصر التاريخية وليس احد ممتلكات اى فرد من هيئة السلطة،

أنا مش قادر أفهم الناس اللي فرحانه دي
يا جماعه ده تاريخنا اللي أتحرق - تاريخ جدودنا و اولادنا
أنتم بجد بتفكروا إزاي

فرحانين .................
؟؟؟؟

يا ميت مليون خساره يا مصر
كل حاجه حلوه فيكي بتروح

المشاركة الأصلية كتبت بواسطة sab3aawy

المسلى فى الموضوع هو رد فعل الشعب المصرى على احتراق هذا المبنى الاستراتيجى

بيفكرنى بمنصور، الشخصية التى جسدها المرحوم الفنان يونس شلبى فى مسرحة مدرسة المشاغبين حين كان يهتف بمنتهى السعادة:

"أبويا اتحرق...................أبويا اتحرق"

فالعلاقة المعقدة بين منصور وابيه ناظر المدرسة والتى كان قوامها قهر الأب للابن من جهة وكراهية الابن للأب مع عدم المقدرة على البعد عنه من جهة اخرى تشبه كثيرا علاقه الشعب المصرى بسلطات بلده الحاكمة، وهكذا عبر الشعب المصرى عن شماتته فى السلطة بطريقة مشابهة جدا لأسلوب "ابويا اتحرق" برغم ان ما احترق هو احد مبانى مصر التاريخية وليس احد ممتلكات اى فرد من هيئة السلطة،

+1

هى دية فعلا العلاقة الحقيقية.

بس المبنى دة بالنسبة للشعب مش بيمثل تاريخ ولا حاجة.

دة بيمثل الظلم و الناس اللى فوق اللى راكبة عربيات طويلة و ماشية بحراسات.

الناس اللى لو تطول تاخد منك هدومك كانت خدتها.

و بعد دة كلة بتقول الناس فرحانة لية.

لو يوم انت فاضى, انزل ميدان التحرير, و اتفرج على الناس اللى ماشية (مش العربيات طبعا) هتلاقى اللى بيكلم نفسة و اللى ماشى مبلم من الهموم و اللى بيجرى ورا الاتوبيس عشان يلحق يروح ب50 قرش عشان يوفر ال50 قرش التانية.