-
-
بس الموضوع دا اكيد بفعل فاعل وهيبان بعد سنييييييين
حد عرف ليه اشرف مروان اتقتل !!!
حد عرف ليه سعاد حسنى اتقتلت !!!
حد يعرف ليه احمد عز ظهر فجأة على خشبة المسرح وبيتحكم فى بلد بحالها !!!
حد يعرف ليه حاولوا يشدوا طلعت مصطفى اليومين دول !!!
حد يعرف ليه صاحب العبارة طلع برئ !!!
حد يعرف......حد يعرف.............
حد حاسس بكمية الفساد والبلطجة اللى احنا بنعيشها كل يوم
حالة الفقر والناس اللى بقت تايه فى الشوارع بتجرى عشان تعيش ب 200 و300 جنية فى ظل غلو الاسعار المرعب دا
كله هيبان بعدين
====حسبنا الله ونعم الوكيل=========
-
-
انا شفت الحريقه امبارح حظى وحشى انى مريت من شارع القصر العينى مرتين
حجم النيران كان مرعب لكن اهى فى الاول وفى الاخر حريقه
اللى يحرق الدم اكثر من اللى حرقته النار
1: سلوك المواطنين فى الشارع قمه فى التخلف والتخلف والتخلف
فى الشارع المقابل لمجلس الشورى والمودى الى ميدان سيمون
متجمعين وكانهم بيشاهدوا مسرحيه او عرض فى السيرك القومى فين التنظيم الناس دى عامله زحمه والعربيات مش عارفه تمشى بالتالى بيعطلوا حركه وصول الاسعاف والمطافى
2: حلاوه وجمال رجال المرور فى الخيبه دى غباء فى اداره الموقف والازمات بجد المفروض شارع القصر العينى يتقفل من مدخل الشارع عند مستشفى القصر العينى ويبقى بس لمرور المطافى والاسعاف ويتحول السير الى اى طريق تانى لكن طبعا كان الشارع سمك لبن تمر هندى وقعدنا ساعه وربع لحد ما وصلنا لميدان سيمون
3: تعامل رجال الداخليه فى مواجهه الموقف لم يتعدا سوا عمل حائط بشرى من العساكر لمنع المصورين والصحفين ومصورى المحطات التليفزيونيه الى ان وصلت لضرب مصور كان نفسى اصور لكم المنظر مسخره بس مقدرتش اوقف عشان معطلش الشارع
4: طائرات الهليكوباتر اللى يشوفها يحس ان مصر تقدمت مليون سنه 3 طائرات تنزل تاخد مايه من النيل على ما توصل لمكان الحريق تاخد لها نص ساعه
5: فين احتياطات الامن والسلامه فين حنفيات الحريق اللى بتتعمل فى الشوارع
كلنا بنشمت فى الحكومه اى حاجه سيئه تحصل فى البلد نقول خليها تولع ماهى كده كده مش واخدين منها غير الارف واانا قلت كده امبارح خليها تولع بس ياريتها ولعت اثناء انعقاد جلسات المجلس
-
حسبنا الله ونعم الوكيل
يارب استجب لدعاء 75 مليون نسمة فى حريق يأتى على رأس من ظلم هذا الشعب معة
-
-
ده خبر علشان الناس الفرحانه بالحريقه
" وفاة رجل اطفاء في حريق مجلس الشورى المصري"
ربنا يرحمه و يرحمنا جميعا
-
هو فين مجلسي الشعب والشورى دول هو فيه في مصر حاجه زاى كده
-
انتوا بجد مكبرين الموضوع
دي حريقة ... عادي يعني
و بعدين القوانين موجود متقلقوش يا يا شباب
حتى لو اتحرقت هيعملوا غيرها مصر ولادة و ترزية القوانين مفيش أكتر منهم الموضوع بسيط
ايه يعني مبنى أثري اتحرق عندنا آثار كتيييييييييييير
احنا هنفضل نبكي على الأطلال لغاية امتى الآثار موجودة بس النفس .........
ايه يعني ملف غرق العبارة و قطار الصعيد و المبيدات المسرطنة اتحرقوا - طبعا دا مش كلامي دا كلام صحيفة البديل - ( و ما خفى كان أعظم )
هنفضل نظلم الناس الشرفاء لغاية امتى ما هو ممدوح اسماعيل بتاع العبارة طلع براءة و تخيلوا احنا كنا ظالمينه ازاي - شعب وحش و قاسي - قلنا عنه انه هرب بالرغم انه كان راح لندن علشان فيه ( كاللو ) في صباع رجله يعني رحلة علاج و كمان قطار الصعيد الراجل المتوحش بتاع مصلحة السكة الحديد الحكومة انهت خدماته ( عايز ايه أكتر من كده يا شعب ) و طلع وزير النقل كان ميعرفش حاجة عن الموضوع لأنه راجل طيب و محترم و مش بيحشر نفسه في أي حاجة . أما المبيدات المسرطنة آديكو شفتوا بعينكم يوسف والي خلاص مش بقى وزير - فيه قسوة أكتر من كده - و يوسف عبد الرحمن آهو دخل السجن ( بالعند فيكوا هيطلع قريب ).
بكرة تسمعوا ان الحريق ده هيكون بفعل فاعل و المتهم هيطلع عم عبده بواب المجلس لأنه كان ( بيرص حجرين ملغومين ) و الظاهر ( شعشعت ) معاه و نسي يطفى حتة فحم مولعة اشمعنى عبده يعني ما هو كل النواب ( المجلسين ) و الحكومة و النظام كله ( بيشعشع ) و يطلع لنا القوانين و القرارات اللي مش عجبانه و الا عبده يعني ابن ( البطة السودا )
بكرة تشوفوا مبنى تاني أحسن و أفخم ( افرح يا شعب ) يليق بالسادة النواب ممثلي الشعب اللي اخترناهم طبعا ( مش مزورين ) من قلوبنا لأننا منقدرش نعيش من غيرهم صحيح احنا اخترنا أسماء غيرهم في الصناديق بس الحكومة مشكورة ( صححت ) لنا الأخطاء اللي ارتكبناها في الانتخابات و ( غيرت ) الخطأ اللي وقعنا فيه يا شعب لأن الحكومة ( تعرف أكتر مننا ) في الأمور دي .
بس اللي زعلني ان الحريق ده اندلع و مكانش فيه اجتماع للحكومة مجتمعة ( من أول رئيسها لغاية المحافظين ) بالإضافة لأعضاء حزب ( الأغلبية ) من أصغر عضو لغاية ( اللي بالي بالكم ) طبعا مش هننسى الأخوة بتاع التصفيق الحاد أعضاء المجلسين الموقرين . ( ياااااااااااااااااااااااا ه دي كانت تبقى عيشة لو كانوا كلهم موجودين ، و رحمة خالي حسن لكنت أشتري بنزين 95 و أطفي بيه الحريقة ان شالله حتى أبيع البيت و أمسك بايدي عامود حديد و أقلبهم من بعيد لغاية ما يستووا خالص )
المهم خلونا ننسى الحريقة طبعا الحكومة الوقتي لازم تطلع بعدة قرارات علشان الكارثة دي و أنا طبعا تخيلت ممكن يعملوا القرارات دي :-
( 1 ) بيع المكان اللي حصلت فيه الحريقة لأحد المستثمرين - طبعا مستثمر محترم من ( الألضيش ) - بمبلغ خرافي تقريبا 10000 عشرتلاف جنيه اوعوا تستغربوا لأن الأرض دي أساسا تمنها عند شرائها كان 500 جنيه سنة ( 1800 قبل الميلاد ) اشتراها أحمس ( مش الفرعون دا واحد كان اسمه كده ) و باعها لحكومة الثورة ( مش ثورة 1952 ) دي ثورة قديمة ( مش فاكر مين اللي عملها ) دا مش كلامي دي وثائق موجودة بمضبطة المجلس الموقر و كمان السادة الأعضاء بقوا ( بيتشائموا م المكان ده ).
( 2 ) شراء قطعة أرض بديلة - من الأراضي الموهوبة لأحد المقربين من اللي بالي بالكم - بثمن بخس يقدر بمبلغ 2 مليار جنيه - طبعا بخس الأعضاء دول واجهتنا - لازم ندلعهم أكتر .
( 3 ) شركة ( مش عارف مين بس أكيد أحد المقربين برضه ) و بلاش ( طلعت مصطفى لأنه وحش و الحكومة مش بتحبه الوقتي ) هوه اللي هينفذ المشروع و مش هياخد و لا مليم ( لأنه وطني و مخلص ) بس كل اللي هياخده ( أجرة عماله ) يعني نقول حسبة 3 مليار ( ايه يعني الفلوس كتير و آهو الشعب بيدفع مش بيقول لأ و اللي يقول لأ يبقى ذنبه على جنبه و قد أعذر من أنذر )
( 4 ) مواد البناء تبرع ( أ عز كم الله ) من حامى حمى الديار و الفارس المغوار ( الحبيب و الشريك و الشقيق و ........ كل حاجة ) سعادة المهندس أحمد عز ( شوفتوا الوطنية بس شطار - يا شعب - تهاجموا الراجل على الفاضية و المليانة ) بس ممكن ياخد أجرة النقل - طبعا مفيش فيها أي حاجة ايه يعني 5 و لا حتى 6 مليار ما احنا قلنا ان الشعب طيب و بيدفع مبيقولش لأ .
( 5 ) تم القبض على الفاعل الأصلي للجريمة ( عبده البواب ) و بمواجهته بما أسند إليه انهار و اعترف بكل التهم الموجه إليه ( بس علشان تعرفوا ان مصر فيها أمن مش كل شوية تتريقوا على الراجل الطيب وزير الداخلية اللي كل همه حماية ولي النعم - طويل العمر يطول عمره يزهزه عصر و ينصره على من يعاديه ..... هاي هي ) كما دل المتهم ( عبده البواب ) على شركائه في الجريمة و المحرضين الأصليين له ( طبعا عارفينهم ( الاخوان المسلمين و الجماعة الإسلامية و جميع أحزاب المعارضة مش ننسى أن أيمن نور كان معاهم و هوه اللي أشعل النار عمدا - مع انه بالسجن بس هوه كده و ان كان عاجبكم يا شعب ) طبعا ألقى القبض على جميع الجناة و تم احالتهم للقضاء ( طبعا القضاء العسكري ) تمهيدا لمحاكمتهم طبقا للقانون ( مش عارف قانون ايه آهوه قانون و السلام مش تقرفونا ) .
راحة على فين ياااااااااااااااااااااااا ااااا بلد ....................
لك الله يا مصر .
-
الأخ العزيز hamedo0
فعلا تقريبا في حاجه أسمها كده في مصر :-(
Content Relevant URLs by
vBSEO 3.6.0 PL2