متحف مجلس الشعب اتحرق و النيران بتمتد
الله ينور بيتك بحريقة ياللى فى بالى
عرض للطباعة
متحف مجلس الشعب اتحرق و النيران بتمتد
الله ينور بيتك بحريقة ياللى فى بالى
انا دخلت المجلس قبل كدة كذا مرة .. هوا الحقيقة مجهز بتجهيزات أولية لأطفاء الحريق و فيه طفاية حريق كبيرة كل 7 متر تقريباَ و خراطيم إطفاء و حنفيات حريق و لكن هناك بعض الملاحظات :
-العساكر اللي شغالين هناك عساكر "طيبين" زي اللي بنشوفهم في الشارع .. يعني التجهيزات في الحالة دي ولا ليها لازمة طالما مفيش اللي يستعملها
-المجلس من جوة منطقة عشوائية بكل ما تحمله الكلمة من معني .. بمعني إنك لو دخلت بعربية متعرفش تمشي جوة .. انا دخلت و الاقي ناس راكنة في اماكن غريبة زيها زي الشارع و تخش في حتة و ترجع تاني بضهرك عشان واحد جي في وشك ! مع إنه واسع جدا بس مفيش تنظيم .. أو بمعني أصح بيعكس صورة البلد اللي بيديرها
-قوات الأمن اللي عند المجمع في البطيخ .. انا بشوفهم موقفين عربيات الأمن المركزي مركونة في وضعيات غريبة و موقفة الشارع و ملهومش دعوة بالشارع خالص بالعكس بيساعدوا الناس تركن هناك صف تاني و تالت يعني متربيين عالغلط و الإهمال .. انا شفت مرة في شارع الشيخ ريحان عربية واقفة صف تالت بالورب يعني نصها في الشارع و متغطية و عسكري ساند بياكل ساندوتش عليها !
بإختصار .. المجلس و المنطقة أصلا مفيهاش نظام و انا غير متعجب .. و معتقدش أصلا إن قوات الإطفاء عندنا محترفة لأطفاء الحريق لأن إحنا كل حاجة عندنا شغالة بنظام "مشي حالك" .. و ساعة الجد ده بيبان أوي اوي لأن مبيبقوش قده .. العاشرة مساء بيقولك الهليكوبتر بتغلط و ترمي المياه علي الجمهور بدل المبني .. و رجل الإطفاء قاعد يرش عالمبني أكنه بيرش قدام كشك بدل ما يرش جوة في النار !
-ملحوظة : جميع موظفين مجلس الشوري كان المفروض يقبضوا بكرة و مرتباتهم إحترقت .
أفاد مراسل الجزيرة في القاهرة بأن النيران شبت في مبنى مجلس الشورى المصري عصر اليوم، مما أدى إلى إصابة ستة أشخاص في الحريق الذي لا تزال فرق الإطفاء تحاول السيطرة عليه، في حين تضاربت الأنباء بشأن أسبابه.
وقد هرعت عربات الإطفاء والإسعاف إلى الموقع وأغلقت المنطقة أمام المارة، وشوهدت ألسنة اللهب وسحب الدخان ترتفع من المبنى المؤلف من ثلاثة طوابق.
وقال المراسل إنه ربما تكون الملفات والأوراق والوثائق الرسمية قد تلفت جراء الحريق، موضحا أن الحريق امتد إلى مبنى مجلس الشعب المجاور.
من جهته قال مسؤول أمني إن التقارير الأولية تشير إلى عدم وقوع إصابات بشرية بسبب الحريق الذي بدأ في حدود الساعة الخامسة و20 دقيقة عصرا بتوقيت القاهرة.
وأوضح المسؤول أن عددا من الأشخاص عانوا من استنشاق الدخان تم نقلهم إلى المستشفى ولم يقدم تفاصيل أخرى، وذكر المصدر أنه من المحتمل أن يكون الحريق نتج عن تماس كهربي. http://www.aljazeera.net/NEWS/KEngine/imgs/top-page.gif
خلاص هاتخنق من ريحة الدخان و أنا على بعد 2 كيلومتر من الحريق...
فين بتوع أوليمبياد بكين يضربولنا كام بتاع في الجو علشان ينزلوا مطر زي ما بيعملوا هناك الأيام دي؟!!!
الأوبرا القديمة و راحت في حريق مشابه.. كوبري أبو العلا و شالوه و ركنوا بقاياه على شاطئ النيل في الساحل.. و هاهو مبنى مجلس الشورى الأثري ينهار من أثر الحريق.. يا خسارة يا مصر و يا خسارة تراثك :no4:
والله انا زعلان من الاعضاء اللى بتشمت لان دى برضه بلدنا وارضنا اللى مالهاش ذنب فى اللى بيحصل وبعدين ده كله والله هايجى على دماغنا احنا واحنا اللى هانشيل الطين
حسبنا الله ونعم الوكيل فى كل ظالم
وربنا يحرق اللى فى بالى بجاز وسخ لانهم السبب فى تدهور حال البلد بالشكل ده
ليا استفسار بسيط ... طبع لازم يتبنى مبنيين جداد للمجلسين صح ؟ ياترى هايبنوهم بحديد عز؟ (ولكم حرية التصور)
مادمت فتحت باب التصور، هتصور سيناريو مختلف
1 - الحكومة تعلن ضرورة بناء المجلسين
2 - النواب يصرون على بناء المبنيين فى القاهرة الجديدة لحل ازمة المرور فى وسط البلد و رحرحة المواطنين
3- يتم ارساء مناقصة المبنين على شركة الحبايب بتكلفة 3 مليار جنيه بعد تبرع الشركة بربحها فى المشروع
4 - نواب الشعب يطالبون ببيع اراضى المجلس القديمة لتمويل المشروع
5 - يتم بيع الأرض فى مزاد علنى شفاف لمستثمر اجنبى جاد بمبلغ 300 جنيه و هو ثمن الأرض حسب سجلات المجلس عند انشائه سنة 1860
بس، خلاص، انا تصورت
حريق في مبني الضرايب !!!
هو ده حريق القاهرة التاني و لا ايه النظام
أيوه أحنا الى هندفع تمن اهمالهم
بس والله أنا زعلان على المبنى الأثرى ده
يخونا دى بردو مصر
دى بلدى وبحبها
حد فيكم شاف وهما بيكلموا احمد فتحي سرور وبيقولوله الحريق وصل مكتب البريد والضرايب قالهم احنا ملناش دعوه دي حاجه من عندهم مش تبع حريقتنا ههههههههههه
هم يبكي وهم يضحك
وطبعا المتهم الاول عم مبروك اللي لما كان بيولع حجرين طارت الشراره وولعت المجلس واتحرقت التحف والاثارات اللي فيه والاوراق وكل الحاجات اللي تدين عم مبروك الجنايني وتثبت نوع الحجرين اللي كان مولعهم او ماس كهربائي او عقب سيجاره
بس انا شايف نوع غريب من اللا مبالاه من المسؤولين
ولسه دلوقتي جايين يقولوا لازم نتعلم من الدرس
واللي خلا مبني زي ده مسجل من الاثار يتحرق فبكره يتحرق الهرم برضه ويضيع اللي جواه ويطلع ابن عم مبروك الجنايني هو اللي حرقه
لما زهقنا من الحوادث اللي عمالين نجيبها علي المنتدي جالنا حريق مجلس الشوري
شكلنا اتحسدنا يا جماعه
أحسن أياكش يندعق هو ومجلس الشعب باللى فيهم فى ساعه واحده بس ربنا ينجى العمال والموظفين اللى مالهومش ذنب
إن مع العسر يسرا . إن مع العسر يسرا
المشكلة ان الحوائط كلها خشب يعنى لو طفت بتولع تانى ومش اى خشب ده خشب زمان
المفروض كده شكرا للعادلي
ده مش عارف يطفي حريقة
يمهل ولا يهمل
بعد ماكانت النيران خلاص خمدت والدنيا هديت رجعت ولعت تاني.. هو ايه اللي بيحصل بالظبط؟
http://www.youtube.com/watch?v=OJSBarCCWuQ
قناة الجزيرة : تقارير الاولية بتقول ان الحريق سببه ماس كهربائي (" بفعل فاعل "
وان المبنى لم يحوي اي اوراق مهمة كلها اوراق ذات سرية عليا فقط )
وشكراً
لسه جاي من هناك دلوقتي .. و كنت هناك تقريبا من الاول ..
و الغريب الامن محكم سيطرته علي الشوارع جيدا .. و رغم كده لقيت نفسي راكن العربية في هيئة المعامل المركزية الملاصقة لبوابة مجلس الشوري الجانبية !!!!!
منظر السنة النيران في اول الامر كان يراه السائر في ميدان عبد المنعم رياض ...
و الناس اللي بتتفرج كان علي بقهم كلمة واحدة .. جاي يولع دلوقتي ؟؟.. مش كان يولع بالنهار و هما جواه ..!!!!
منظر الطيارات كان جديد علينا .. و الناس لاحظت ان احدي الطائرات اللي كانت بترش في احدي المرات المياه جت منها اوت .. و منزلتش علي النار ( و العهدة علي الراوي )
الشوارع الجانبية كانت مفتوحة في بداية الحريق .. و في الاواخر قفلوا معظم الشوارع الجانبية .. رغم انهم يؤكدون العكس في التلفزيون دلوقتي .. ممكن يكون لتأمين الشخصيات الهامة اللي جاية تزور موقع الحريق ..
طبعا في مقدمة اللي شاركوا في الاطفاء .. الجيش بطائراته .. و لاحظت وجود بعض افراد الشرطة العسكرية في الشوارع المحيطة .. و طبعا قوات الدفاع المدني و اطفاء القاهرة .. كذلك شركة الكهرباء كانت باعته غربيات نقل عليها مولدات كهرباء .. تقريبا لانارة المكان اثناء العمل ..
و كان فيه عربيات فناطيس تابعة لهيئة مياه الشرب باعداد كثيرة .. غالبا لتعويض النقص في مياه الاطفاء ... نظرا لانه - غالبا - لا توجد حنفية حريق واحدة صالحة للعمل في هذا المكان .. ان وجدت من الاصل ..
الحمد الله الحمد الله الحمد الله
ان الاهرام حجارة ! مش حتولع !
أنا لسه جاى برضو من هناك و الامن هناك بقى مشدد جدا بس لسه الدنيا مشعلله و شكلهم كده مش هيعرفوا يطفوها فعلا يا جماعه منظر الحريق على الطبيعه حاجه تانيه حاجه ترعب بجد
لا حول و لا قوة إلا بالله العلي العظيم
مجلس الشعب يلي القصور الرئاسية في الأهمية السياسية حسب كلام مراسل الجزيرة ده باعتبار إن رئيس مجلس الشعب يلي رئيس الجمهورية دستوريا انما الحقيقة لا هو مجلس و لا هو شعب و لا هو شورى .....أنا بس صعبان علي حال البلد الطيبة ديه من سيء لاسوأ ....و صعبان على المباني اللي شافت الأحداث ديه كلها و الأشخاص المحترمين اللي كانوا فيها في يوم من الأيام و صعبان على رجال الدفاع المدني اللي مش عارفين يسيطروا على الحريق (أكيد بسبب نقص الأمكانيات)
عليه العوض و منه العوض ......حسبي الله و نعم الوكيل
مع احترامي و اعتذاري ليك بس انت غلطان غلطان غلطان في النصف الاول من الكلام و مش مصدق انزل اتعامل مع اي جهه او حاول تقضي اي مصلحه حكوميه او علي الاقل انزل الشارع و انت تعرف دي بلد مين
و بالنسبه للنصف التاني من كلامك اللي انا مقتبسه فانت صح صح صح و كدا شايلين و كدا شايلين
[IMG]file:///D:/DOCUME%7E1/NADERN%7E1/LOCALS%7E1/Temp/moz-screenshot-4.jpg[/IMG]
http://3.bp.blogspot.com/_yutB4dow9V...horaFire_L.jpg
حريق مجلس الشوري واحتراق الوطن
بقلم:عامر عبد المنعم
الحريق الذي ضرب مجلس الشوري، ضرب قلب مصر التي لا يبدو أنها تتعافي من كارثة إلا وتتلقي التي بعدها، هذه النيران التي أحرقت أعرق وأهم مبني في مصر زادت من الوجع الذي يكشف حالة التخبط التي تعيشها الحكومة المصرية.
كشف الحريق الذي تابعناه لحظة بلحظة علي شاشات الفضائيات وقلوبنا تدمي عن الحال الذي وصلت إليه الأوضاع في مصر. فالإهمال هو سيد الموقف ورد الفعل قمة في العشوائية، والتراخي وعدم الاستعداد واضح لكل ذي عينين.
ليست المشكلة في نشوب الحريق رغم عدم تبرير الإهمال لكن عدم وجود خطة للتأمين والتعامل بسرعة وفاعلية معه يعد فضيحة بكل المقاييس، لا يتحمل مسؤوليتها - فقط- موظفون وعمال، وإنما تتحملها الحكومة التي أدمنت العيش مع الكوارث والمصائب ، بل إن الكوارث أصبحت لازمة من لوازم استمرارهذه الحكومة. من المعروف أن التجهيزات الخشبية مكون أساسي لمعظم غرف وقاعات مجلس الشوري وهذا يتطلب استعدادا وتأمينا أكثر من غيره من المباني، ويضاف إلي ذلك أهمية هذا المبني الذي يعد رمزا للسلطة التشريعية المصرية وتعد حمايته من المخاطر المتوقعة كالحريق من البديهيات، لذا كان صادما لكل مصري أن ينهار مجلس الشوري بهذه الطريقة في مشهد محزن وفاضح.
لقد أتي الحريق علي وثائق لا تقدر بثمن، محفوظة منذ عقود، بها تاريخ مصر و تحوي تسجيلا للحياة السياسية المصرية وأوراق تتعلق بكل الشأن المصري، داخليا وخارجيا. حريق مجلس الشوري يأتي في إطار مسلسل من الخسائر والفضائح تضر بصورة مصر داخليا وخارجيا وتسييء إلي صورة البلد بشكل غير مسبوق. فقد انكشفت الحكومة وبدت عاجزة وكأنها غرقت في "شبر مية"، وفضح الأداء تجاه الحريق عن حالة من الإهتراء الشديد وعدم وجود خطط طوارئ لجهاز الاطفاء المدني، الأمر الذي دفع القوات المسلحة إلي التدخل وإرسال الطائرات العمودية للمساهمة في إطفاء الحريق ولكن بعد أن خرجت النيران عن السيطرة. يأتي هذا الحريق في وقت لازال الشعب المصري يكفكف الدموع بسبب المصائب الدامية، ففي الفترة الأخيرة عشنا حرائق القطارات وصدامات السيارات وغرق العبارات وفضائح رجال الأعمال المنحرفين المرتبطين بالسلطة.
يأتي هذا الحريق بينما قانون محاكمة المسئولين غائب والفساد منتشر لا يجد من يردعه، والنهب مقنن، وبات المواطن تتعلم فيه الحكومة الملاكمة، وغير قادر علي ملاحقة مطالب المعيشة اليومية ولا أمل في المستقبل في ظل أوضاع لا توحي بالمرة بأن تحسنا يمكن أن يأتي. لا أعتقد أن هذا الحريق سيمر مرور الكرام، كما مرت الكوارث السابقة، فهذه المرة تجاوز الحريق المبني المحروق وما يرمز له إلي الوطن كله الذي يشعر بأنه يهان وينزف الدم، وصار العالم كله يشاهد المأتم عبر الفضائيات وبكل اللغات.
الأهرام
الصفحة الأولى
44452السنة 132-العدد2008اغسطس2019 من شعبان 1429 هـالأربعاء
حريق مروع يلتهم مبني مجلس الشوري
الرئيس مبارك يتابع الحادث لحظة بلحظة
ويجري ثلاثة إتصالات هاتفية مع الشريف
تدمير المبني الداخلي للشوري واحتراق مقار5 لجان للشعب
وإصابة11 شخصا. وجهود هائلة لمحاصرة ألسنة اللهب
http://www.ahram.org.eg/archive/2008/8/20/44452_556.jpgالسنة اللهب تتصاعد من مبنى مجلس الشورى
اندلع حريق هائل عصر أمس في مبني مجلس الشوري في وسط القاهرة والتهمت النيران الطابقين الثاني الثالث, وامتدت إلي الأول مما أدي إلي احراق جميع مقار اللجان البرلمانية الخاصة بمجلسي الشعب والشوري, وأمكن محاصرة النيران, لمنع امتدادها إلي قاعات مجلس الشعب, خاصة القاعة الرئيسية منه, وظلت النيران مشتعلة في مبني مجلس الشوري, أكثر من6 ساعات, كما حدثت انهيارات في الحوائط الخارجية لمبني الجمعية الجغرافية المواجه لمجلس الشعب, كما إمتدت إلي سطح مبني الضرائب العقارية والتهمت المخلفات قبل السيطرة علي الحريق, وشاركت الطائرات التابعة للقوات المسلحة, وأكثر من60 سيارة إطفاء في عمليات مكافحة الحريق, لمنع امتداده للقاعة الرئيسية لمجلس الشوري وإلي مبني مجلس الشعب. وقد أسفر الحادث عن إصابة11 شخصا من جنود الإطفاء والعاملين بالمجلس وقد تم نقلهم إلي مستشفي المنيرة العام. وصرح مصدر طبي بأن إصاباتهم طفيفة.
وتابع الرئيس حسني مبارك الجهود التي بذلتها قوات الإطفاء لمكافحة النيران التي اندلعت بالطابق الثالث بمقر مجلس الشوري بوسط القاهرة. وصرح السفير سليمان عواد المتحدث باسم رئاسة الجمهورية بأن الرئيس يتلقي تقارير مستمرة حول جهود إطفاء الحريق.
وصرح السيد صفوت الشريف بأن الرئيس مبارك أجري معه ثلاثة إتصالات هاتفية لمتابعة تطورات عمليات إخماد الحريق وأطلع الرئيس علي الجهود التي بذلتها أجهزة الإطفاء للسيطرة علي النيران.
وقد هرعت إلي مكان الحادث قوات الإطفاء المصرية المكونة من أكثر من60 سيارة من الإدارة العامة للحماية المدنية بالقاهرة, والإدارة العامة للحماية المدنية بوزارة الداخلية, وجري الاستعانة بطائرات الهليوكبتر التابعة لوزارة الدفاع في أعمال مكافحة الحريق. وأدت كثافة النيران وامتدادها الي أجزاء كثيرة من المبني إلي صعوبة مهمة رجال الإطفاء الذين قاموا بتوجيه مدافع المياه والسوائل الرغوية ومساحيق الكربون لإخماد النيران. وكانت النيران قد نشبت في المبني الخاص بمجلس الشوري والتهمت الطابق الثالث, وواجهت سيارات الإطفاء صعوبة بالغة في الوصول بسرعة إلي موقع الحريق نظرا لازدحام الشوارع في توقيت إندلاع النيران, وصرح السيد صفوت الشريف, رئيس مجلس الشوري لـ الأهرام بأن الحريق شب في الطابق العلوي المبني من الخشب, وأتت عليه, وقال إنه أجري اتصالا عاجلا للاستعانة بطائرات هليوكبتر من القوات المسلحة للمساعدة في إخماد الحريق, وتأمين المنطقة, ومنع امتدادها إلي المباني المجاورة لمجلسي الشعب والشوري, وأكد رئيس مجلس الشوري أن عمليات الاطفاء استهدفت تأمين المواقع الحيوية. وقد تسبب الحريق في تدمير الطابق الثاني الذي يضم اللجان النوعية لمجلس الشعب, ومنها لجان: الشباب, والإسكان, والنقل, والدفاع والأمن القومي, والزراعة, وأدت ألسنة اللهب إلي إنهيار جزء كبير من المبني الداخلي بمجلس الشوري.
وقد شكل الدكتور أحمد نظيف رئيس مجلس الوزراء غرفة عمليات لمتابعة إخماد الحريق الهائل الذي إندلع أمس, في الوقت الذي ناشدت وزارة الداخلية قائدي السيارات أن يسلكوا شوارع أخري بعيدا عن منطقة قصر العيني, التي تم إغلاقها أمام حركة المرور العادية.
ومن جانبه كلف المستشار عبدالمجيد محمود النائب العام فريقا كبيرا من المحققين يترأسه المحامي العام لنيابة وسط القاهرة لمباشرة التحقيقات, وإجراء المعاينات علي الطبيعة, وانتداب خبراء الأدلة الجنائية لتحديد الأسباب التي أدت إلي نشوب الحريق. كما كلف النائب العام فريق التحقيق بالبدء فورا في معاينة موقع الحريق مع تفقد الآثار الناجمة عنه, بعد إخماد النيران من جانب قوات الحماية المدنية بوزارتي الدفاع والداخلية, وساعدت سرعة الرياح المفاجئة علي انتشار النيران وامتدادها لعدد من الطوابق, وأتت علي مجموعة من غرف الاجتماعات الخاصة بعدد من لجان مجلس الشعب, ومنها لجنة الدفاع والأمن القومي, ولجنة النقل والمواصلات, ولجنة الإسكان.
تابعت الموضوع بشكل هادئ
اكتشفت ذلك فقط الأن
لم يلفتني الخبر و لم أجزع نهائيا وكأن ما يحترق هو قلب نيكاراجوا مثلا
رأيت شيئا اليوم
نظرت داخلى ...فلم أرى مصر
كما كنت أراها
انما لمست فقط رماد وطنِ... أحرقه الطغاة
مكانش يولع ب اللى فيه !!!!!!!!!!!!!!!!!!!!!!!!