مجلس الشورى يحترق!!

**sokasoon** · 19-08-2008 09:56 PM

هبط سقف الدور الثالث بالفعل

وهناك 13 مصابا جراء الحريق على حسب ما قال مصراوى

**sokasoon** · 19-08-2008 09:58 PM

المشاركة الأصلية كتبت بواسطة shery103

انا شاكة فى الموضوع ده على فكرة

ازاى بقالهم اكتر من 4 ساعات مش عارفين يسيطرو على الحريق

حتى مع امكانيات المطافى المعدومة ، مش لدرجة 4 ساعات برضو

دول بيستعينو بسيارات اطفاء من محافظة حلوان

وحاليا بيقولو ان هناك اجزاء من المبنى فى الثلاث طوابق انهارت

والمصابين بقو 15 شخص

**MohabSaeed** · 19-08-2008 09:59 PM

المبنى اتدمر ...... ده كان مبنى اثرى ...... ازاى يهملوه كده و مايكونش فيه اجهزه اطفاء !!!!!!!!!!!!!!!!
قمه الجهل

ياريت بقى ينقلو مجلش الشعب والشورلا من المنطقه ديه و معاهم الداخليه

**sokasoon** · 19-08-2008 10:01 PM

خلاص خلاص انتهى

الثلاث طوابق انهارت

**OlaOsman** · 19-08-2008 10:10 PM

في برنامج 90 دقيقة على قناة المحور سيد علي بيقول ان المبنى ده مترمم من 3 أشهر و مصروف عليه 10 مليون جنيه.. صرفوا ال10 مليون جنيه في رفاهيات و لا في ايه بالظبط وماعملوش حسابهم في مليون حتى عشان إجراءات الأمن الوقائي؟؟

**wawoo** · 19-08-2008 10:16 PM

المشاركة الأصلية كتبت بواسطة Hossam_Hassan

الذ حاجة المذيع المتخلف بتاع قناة النيل بيوصف ويقول ان الطيارة بترمى "المادة الخاصة باطفاء الحريق" و كل الناس شايفاها بتملى القلل.

بس يا علا هى هتملى منين اساسا؟

حاجة بقى غريبة لاحظتها، الطيارة ايه اللى بيوديها تملى عند كوبرى اكتوبر؟ هو ممنوع تعدى من فوق السفارة الأمريكية و السفارة البريطانية؟

فعلا الطائرات كانت بتعمل لفة كبيرة و هى رايحة و هى راجعة من منطقة الحريق , انا شوفتها بعين المجردة من منطقة قريبة من الحريق
غريبة فعلا الحكاية دى . وارد جدا انها تكون اسباب امنية

**sherif_84** · 19-08-2008 10:17 PM

يعنى بيلزموا الناس انها تحط طفايات حريق فى عربياتهم ويصدروا عقوبات رادعة لكل من لم يلتزم بوضع طفاية فى عربيته ومش قادرين يحطوا طفايات فى مبنى مهم زى ده ؟؟
ناس غريبة بجد وتفكيرهم وقوانينهم أغرب !!

**wawoo** · 19-08-2008 10:23 PM

المشاركة الأصلية كتبت بواسطة sherif_84

ومش قادرين يحطوا طفايات فى مبنى مهم زى ده ؟؟
ناس غريبة بجد وتفكيرهم وقوانينهم أغرب !!

باب النجار مخلع , ازى مبنى مهم زى دة مش مجهز باجهزة اولية لمكافحة الحريق , برغم كل التكاليف اللى صرفت فى التجديدات .
انا شامم ريحة فعل فاعل فى الموضوع .

**samehafez** · 19-08-2008 10:33 PM

انا سمعت ان جماعة ارهابية هي اللي ورا اللي ححصل ,,, و كانوا بيهددوا بحرق اعضاء مجلس الشعب اذا لم يتم دفع 100 مليون جنيه......... وانا واقف في الاشارة جالي واحد و حكالي القصة وقاللي ان هو و زمايلة بيلموا تبرعات و كده من اصحاب العربيات فسالته كل عربية اتبرعت بقد ايه قاللي يعني متوسط 5 لتر بنزين من كل عربية

احسن عشان يبقوا يغلوا البنزين تاني .....
انا بقترح بقي قانون جديد ان كل عضو يخش المجلس لازم يحضر الجلسات و معاه طفاية حريق وشنطة اسعافات ( اشمعنا احنا ) و يقفولهمم شوية ظباط غتته يعمللهم لجان و اللي داخل معهوش طفاية او شنطة اسعاف يدفع غرامة محترمة ..