عمر ما كان ارتفاع معدل الجريمه عيب الافراد ولكنه دايما عيب الحكومه مره عشان موفرتش للمجرم البديل عشان ميبقاش مجرم ومره عشان مش قادره تسيطر عليه وتعاقبه بعد ما بقى مجرم.
عرض للطباعة
لازم تغليظ عقوبات على البلطجه والسرقه بالاكراه
لازم الداخليه تنسى اللى اتعمل فيهم ايام الثوره ويشتغلوا ومايحاولوش يعاقبوا الشعب على اللى حصلهم
لازم اعلام الكلاب النابحه يفرق بين مظاهره بجد وحصار بلطجيه يعنى البلطجى ده لما بيتمسك بيقاوم وبيحاول يقتل الظباط لو الظابط سحل اللى خلفوه الاعلام هيولول ويقولك رجعنا لقبل الثوره وهكذا
ولازم الشهامه بتاع المصريين ترجع تانى يعنى لو كل الناس عملوا زى الشراقوه وتكاتفوا على البلطجيه (بس يكسروهم مايموتهم) مش هنلاقى الكلاب الضاله دى فى الشوارع
و افلام البلطجة زى عبده موته و الألمانى وغيرهم كتير ساعدت بنسبة كبيييييييرة على انتشار البلطجه.
افتكر زمان و احنا عيال صغيرين لما كان بيجى فيلم عنتر ابن شداد كنا بنطلع فى الشارع و نعمل معارك (طفوليه)مع بعض.
اللى انا عاوز اقوله ان افلام البلطجه بتأثر على تفكير البلطجية دول و بتشجعهم جامد على اللى بيعملوه ده.
تخيل نفسك كده اتفرجت على فيلم فاست اند فيريس وبعدها نزلت تسوق عربيتك (وده فيلم كله سباقات للى مايعرفش)
اكيد هتلاحظ تأثير الفيلم على سواقتك
اهوا عبده موته يعتبر قدوة و مثل للبلطجيه دول
لأنهم شايفينه الأقرب إلى بيئتهم و إلى تفكيرهم
ربنا ينتقم من اللى كان السبب
بس محدش يخاف من حاجه لأن لينا رب بيحمينا
كلامك صح والدليل على تاثير الافلام اما بتكون بتتفرج على فلم اكشن فى حالة وجود مشهد فيه ضرب وطاخ وطيخ هتلاقى نفسك لا ارادين بتتفاعل مع المشهد ويترك اثره عليك بعد انتهاء الفيلم ده بالنسبة للرجالة اما بالنسبة للسيدات فماقلكش التركى ويعاينى على التركى دحتى فى التركى بردك شغل عصابات دى ياراجل خلو الراجل والست والاولاد عينييه باتت وخدة على منظر القتل و المسدسات والدماء ودى بدورها مع كثرة المشاهدة تصيب الانسان بالتبلد فى المشاعر وعدم الاستجابة السريعة اثناء حدوثها فى الحقيقة عرفت بقى ليه محدش بقى بيتدخل ويساعد حد فى حالة حدوث لا قدر الله مكروه
حسبي الله ونعم الوكيل
كل حاجه اتقلبت في البلد الواحد زي ما يكون في كابوس و مش عارف يصحى
لو كل حد كان فكر شويه قبل ما يتصرف مكنش ده حالنا - اقسم بالله انا كنت عارف ان دي النتيجه من يوم النكسه
و الله بلدنا ما تستاهل اللي حصلها
و النتيجه شعب مغلوب على امره محاصر بين قوى اجراميه و قوى ظلاميه عماله تنهش فيه من الناحيتين
مره كنت راجع البيت وكنت بشترى طلبات لقيت واد بلطجى راكب ميكروباص وخابط عربية لانوس جديدة راكبها شاب محترم المهم عيلين وقفوا مع السواق ده وبيحاولوا يخوفوا صاحب اللانوس انا قلت مش هسيبوا وهقف معاه المهم حصل كده بينا مناوشات موصلتش للخناق يعنى المهم كام واحد وقفوا بعربياتهم معانا بصراحة ---لقيت نزل واحد ربنا يحميه مقدم جيش وشايل طبنجة قال محدش يتكلم وراح مطلع الطبنجة وقال للعيال وشك للحيط يالا بصوت مرعب وراح رابط اديهم بشريط بلاستيك (افيز بلاستيك )ورا ضهرهم وخد بطاقتهم ورخصة السواق وطلع بيهم على قسم العمرانية رحت قلتله ربنا يكرمك انت بجد راجل قالى لولا وقفتك مكنتش انا اقدر اقف كده ولا اعمل كده مهما كان انا لواحدى لكن بيكم بقينا كتير
قدر الله ما شاء فعل حمدلله على سلامتهم كويس ان هما بخير
صعبه حضرتك عشان فى ناس تانيه هتستغل الموضوع ده انت المفروض تبئا مأمن نفسك باى حاجه مسدس صوت سواء مفتوح او مقفول بئا
الكتريك سيلف ديفنس سبراى اى حاجه المهم متمشيش فاضى كده
والدليل ظباط الشرطه ال بتموت كل يوم
طيب يااحمد...لو وقفت في كمين مش هياخدوا الاليكتريك ومسدس الصوت والسبراي مني؟