بولو 2001 كاملة اوتوماتيك (كورسليه)

يا اهل الخبرة ارجوكم افيدوني

قدامي بولو 2001 1.4 16 صباب كاملة اوتوماتيك 4 زجاج كهرباء و وش gti كراسي ريكاردو اسبويلر فابريكة فرامل خلفي تيل مش قبقاب رهيبة مفيهاش غلطة من برة و سعرها خيالي

المشكلة بقة انها مع واحد صاحبي بقالها معاه 3 سنين بس انا اعرفه من تقريبا سنة و خلال معرفتي به عرفت انه من ضمن شغله عربيات الحوادث

الخلاصة هو مقاليش انها حادثة بس انا سالت و العربية معروفة عندنا ناس قالتلي بلاش العربية دي طب ليه ياجماعة قالولي علشان بيعها بعد كدة سالتهم طب و مشيها عامل ازاي قالولي مشيها زي الفل و مفهوش اي مشكلة
انا محتار و نفسي حد خبرة في العربيات الحوادث ينصحني مع انها مش اكيد عاملة حادثة ممكن تكون تجميع من الخارج و انا معنديش مشكلة في موضوع اعادة البيع لان العربية حالتها ميكانيكا و عفشة و شكل تحفة فوق الوصف عاملة زي العربيات البنشفها على النت فى اوروبا
ارجو الافادة و اسف على الاطالة

متابع

الفيصل في الموضوع دة حاجتين
1- السعر
2- الكشف علي العربية

لازم تكشف عليها كشف دقيق وليس كشف عادي وتخلي اللي هيكشف يبص كويس اوي علي القوايم والعتب والحوض والشنطة

بس عموماً لا ينصح بسيارات الحوادث للأمان

ربنا يوفقك
والله المستعان
،
،

اقتباس:

---

المشاركة الأصلية كتبت بواسطة syd

الفيصل في الموضوع دة حاجتين
1- السعر
2- الكشف علي العربية

لازم تكشف عليها كشف دقيق وليس كشف عادي وتخلي اللي هيكشف يبص كويس اوي علي القوايم والعتب والحوض والشنطة

بس عموماً لا ينصح بسيارات الحوادث للأمان

ربنا يوفقك
والله المستعان
،
،

---

انا هاكشف و اقول لحضرتك بكرة ان شاء الله و السعر حلو بس اعذرني فيه و شكرا علي المرور

اقتباس:

---

المشاركة الأصلية كتبت بواسطة mohd7380

انا هاكشف و اقول لحضرتك بكرة ان شاء الله و السعر حلو بس اعذرني فيه و شكرا علي المرور

---

ربنا كريم ان شاء الله

متابع بس مش شرط تكون عامله حادثه ممكن يكون جاب قطعيه جى تى اى و نقل كل اللى فيها فى العربيه عشان الجى تى اى منزلش منها مصر عشان السعر وقتها كان حيبقى عالى جدا على السوق

بكرة رايح اكشف عليها و هاقلكوا علي كل حاجة ان شاء الله

معلش يا جماعة اتاخرت عليكوا
عملت حادثة و ربنا ستر الحمد لله
انا اشتريت العربية دي و هي طلعت 1999 مش 2001 بس متعدلة بالكامل زي ما انا كاتب فوق و بس مش نصين و لا حاجة هو مغير ابواب و شنطة و كبوت و صدر و وش و طبعا موتور 16 1.4 و الصراحة العربية حلوة بس عايزة شوية شغل فى العفشة و الفتيس بياخر فى النقل شوية بس شغال لما اقوم بالسلامة اشوف عايزة اية و هو مش كتيير الحمد لله و هاعمله

على فكرة ياجماعة الحادثة عملتها قبل مااشتريها يعني محدش يفتكر بيها لا قدر الله انا بعت عربيتي و تاني يوم استأجرت عربية بسواق تروحني خبطنا فى ميكروباص و ش في وش و الحمد لله انا سليم بس و اخد غرز كتيير فى وشي و الحمد لله رب العالمين العربية الجديدة بتاعة صاحبي اصلا فجابهالي على البيت و و زارني فى البيت و سابلي المفتاح و هو ماشي و قالي لما تقوم بالسلامة ابقى حاسبني عليها و العربية معايا دلوقت بقاله 10 ايام لشة محاسبه امبارح