السلام عليكم
باختصار كده انا معايا ايفون 4s وبفكر اشتري ال 5
هل فيه فرق يستاهل بين الاتنين ؟
مع العلم ان ال 4s اللي معايا 32 جيجا و ال 5 هيبقى 16 جيجا وفرق الفلوس حوالي ١٥٠٠ جنيه تقريباً
عرض للطباعة
السلام عليكم
باختصار كده انا معايا ايفون 4s وبفكر اشتري ال 5
هل فيه فرق يستاهل بين الاتنين ؟
مع العلم ان ال 4s اللي معايا 32 جيجا و ال 5 هيبقى 16 جيجا وفرق الفلوس حوالي ١٥٠٠ جنيه تقريباً
لا نصيحة بلااش لان تقريبا مفيش فرق ملحوظ غير النص بوصة زيادة في الشاشة والوزن الخفيف لكن الاداء واحد..
انا معايا ال 4s ومسكت ال 5 محستش ب اى فرق حتى اتقل الالعاب والبرامج شغالين بنفس الاداء في الاتنين
ده غير كمان ان ال5 بيتخدش بسهولة جدا من اقل حاجة لدرجة ان فيه ناس اشترته مخدوش اصلا من المصنع والكلام
ده حقيقى دور في جوجل هتلاقيه...
ال 4s تحفة ولسة هيكون ليه دعم كبيير من ابل مش اقل من 3 سنين ولا حاجة ...ال 3gs نزل في 2009 وواخد اخر تحديث زيه زي اللي بعديه ودي ميزة ابل
لكن لو عايز تغير ال 4s يبقى استنى ال 5s احسن .
رأي بصراحة بلاش هتكون خطوة بلا تغيرات جوهرية ..
منصحكش خالص
انا كان معايا 4 وغيرت لـ 5
الاداء مختلف مقدرش اقول حاجة
بس مش لدرجة إنك تدفع 5 آلاف عشانه
فما بالك إنت معاك 4 إس؟
لو من 4 ل 5 اوك
لو من 4s ل 5 مظنش الموضوع هيفرق كتير
هو صحيح فرق الرام 512 ل 1 جيجا
والبروسيسور 1 دول كور ل 1.2 دوال كور
والشاشه 3.5 ل 4 بوصه
والكاميرا بتاعت ال 5 اللى 5 طبقات الجديده ودى بتتساوى مع نوكيا بيور فيو
بس الموضوع كله راجع ليك
وانا بحب كتر شكل ال موديل ل 4s اللامع ده عن ال 5
وكمان هتتخنق لو جبت ايفون 5 مساحة 16 جيجا لانك خارج من 32 جيجا فلو عايز هات 32 جيجا بس انا عارف انه هيكون اغلى من ال 16
لا استنا ال5s
شكراً با جماعه
أنا صرفت نظر بعد ما شوفته ومسكته
بصراحه حسيت فعلاً إن شكل ال 4s أشيك بكتير
فعلا من ناحية الشياكة فا 4s اشيك بمراحلاقتباس:
شكراً با جماعه
أنا صرفت نظر بعد ما شوفته ومسكته
بصراحه حسيت فعلاً إن شكل ال 4s أشيك بكتير