عايز اغير الكاوتش وعندى شوية مشاكل فى الانسر
السلام عليكم يا شباب
انا كنت عايز اغير الكاوتش لانى ماشى مش مطمن بيه الصراحة ومقلق لانه بقاله فتره متغيرش وخايف يعمل معايا الدنيئة :grin54:
مقاس الكاوتش الاصلى 15 مينفعش اعليه ل 17 دا اول سؤال
بالنسبه لاسعار الكاوتش ال 15 كام و ايه احسن نوع وسعة كويس انا تايه بين بريدجستون و جوود يير واللى يقولى هات يابانى واللى يقولى لا اندونيسى فنسفيد من خبراتكم فى النقطة دى
كنت بفكر اجنط العربية هل غلط ع العربية ولا ايه النظام لانى اعرف ناس العفشة بتاعتهم ادمرت لما جنطوا عربياتهم ف ايه المشكله بالظبط
بالنسبه لمشى العربيه انا لما باجى على المطب العربيه بتخبط منى من ناحيه الكاوتش اليمين قدام بحس كأنها ناشفه وخبطة كدا دا المقص باظ لوا المساعد ولا ايه بالظبط ولو باظ اغيره منين
بالنسبه للفرامل لما بظغط فرامل واسيبها التارة بتتحرك دا من التيل عايز يتغير ولا سببه حاجه تانيه
بالنسبه لتشغيل المكيف بحس ان العربيه بتتنفض منى وفى رجرجه فى العربيه
مستنى ردودكم ولكم جزيل الشكر
