اقتباس:
المشاركة الأصلية كتبت بواسطة eng f3lix
لو في رقيب هتلاقيه ماشي زي الجزمة
لو في رقيب ما كناش شوفنا أمثاله أصلا ماشيين في الشارع ولا زي الجزمة ولا زي الشبشب .. ماكناش شوفناه خالص
لأن اساسا كل اللوادر والجرارات والبلدوزرات وما إلى ذلك ممنوع تمشي في الطريق العام .. من الآخر أي عربية لونها أصفر لا يتم ترخيصها .. ويجب عند نقلها أن تنقل بين مواقع عملها المختلفة على سيارات معدة لهذا الغرض بالذات .. وكمان الجرارات الزراعية الزرقاء مش فاكر هى زرقاء ولا خضراء لا يتم ترخيصها وممنوع خروجها من الحقل إلى الطريق العام
مرة كنت داخل عكس اتجاه ناحية مزلقان في أسيوط وأنا ماكنتش أعرف إنه عكس اتجاه لأن كان في أمامي لودر داخل في نفس الاتجاه ولأني مش من أسيوط ماكنتش أعرف إن كده عكس اتجاه .. المهم لاقيت الصول اللى واقف بيقوللي كدة عكس اتجاه فبقوله أمال انت سايب اللودر ده داخل ليه ,, فكانت حجته إن اللودر ده من غير نمر ومش بيترخص .. هايعمل معاه إيه يعني !!!!!!!؟ ... وهو المفروض أساسا مايسمحلوش يمش متر واحد في الطريق العام
البلد كلها ماشية بالبركة والقانون والنظام مالوش وجود في حياتنا