عرض للطباعة
المواصفات :
يسان صني ex صالون كاملة اتوماتيك زيتي غامق مع فرش بيج مو 2005 ياباني بالكامل مواصفات سوبر صالون ماعادا الابنوس جنوط سبور فرش جلد نيسان اصلي مخادع بالكنبة الخلفية كنصول انوار وحامل نظارة بها كاست وسيدي منفصل فبريكة المصنع كشافات شبورة واربع ماكينات رفع زجاج اصلي اربع فرد كاوتش جديد يوكوهاما ياباني الرخصه بها سنتان ونصف باسم المالك بدون اي توكيلات لا تحتاج اي مصاريف.
عاملة 118000 ك وسعرها صاحبها بيكلم فى 69000 جم انا لسة هاروح اشوفها ( سيارة زى دى اخرها كام )
رشة خوارج ماعدا السقف
سعرها يكون فى حدود 63 او 62 الف
العربيات غالية اليومين دول فممكن نقول 64 الف اخرها علشان راشه بره لو كل حاجه فيها بحالتها
قدامى نيسان 2008 عاملة 61000 ك فبريكه بالكامل اتوماتيك مطلوب فيها 80000جم
اية رايكوا
العربية النيسان 2005 يابانى بالكامل افضل بكتير من 2006 واللى بعدها كفاية انها تقفيل يابانى والكل يعلم الايدى اليابانية والعربية تمتاز عن الموديل التالى لها ، والتى تم تجميعها بمصر فى الشكمان مصرى ، الريداتير مصرى ، الضفيرة مصرى واللى الكل بيشتكى منها وطبعا الكاسيت والسماعات والزجاج والكراسى وفرش الابواب والمسامير ودقة التقفيل وفى حاجات تانى وللعلم العربية دى كانت زيرو ب 125 الف والتويوتا كانت ب 126 الف والمتسوبيشى كانت فى حدود 110 يعنى اللى خلى النيسان اليابانى سعرها ينزل هو تجميعها فى مصر اللى خفض تكلفتها فى حدود 25 % ، وانا شايف انك تشترى اليابانى حتى لو كانت اقل سنة او اتنين فى الموديل افضل من شراء المصرى والكماليات الزيادة دى بفلوس زى الكاسيت الاكلاريون والسماعات ووحدة الاسطوانات الكلاريون اليابانى وجراب النظارة والاضاءة والعفشة الرياضية ، ، والله الموفق
بص ياباشا بقا
الفيصل في العربيتن اللي ذكرتهم هما الحالة
إرمي العداد على جمب وركز في حالة السيارة
لو كنت بتسوق قبل كده وخاصة اوتوماتيك هتحس بالعربية فكل حاجة
من عفشة هتحس بيها مع المطبات مع الباور بتاع الدركسيون وتشد بيها وتقفل الازاز وتشوف الاصوات اللي ظاهرة
وتاخد بالك من صوت الماتور والتكييف
وجمال السيارة والتنجيد وإهتمام صاحبها بكل تفاصيلها
عاوز اقولك ان العربية ال 2005 اللي صاحبها مهتم بيها ممكن تكون أحسن من ال 2008 و 2010 كمان لو كان صاحبها هاملها
كلام ألاخ عاصم جميل وكله تماااام
وال 2005 وماقبلها كانت ياباني على أبوه
وعلى فكرة قبل زيادة الاسعار من حوالي 6 شهور كانت العربية الفول اوبشن اوتوماتيك ال 2005 بتتباع قصاد عيني ب 73 الف حنيه ومش راشة سم واحد
لكن ال 2008 وماشابه من تقفيل مصري وغيره لا يعيب السيارة إطلاقا
وكل مابتعلي عن الموديل كل مالعربية بتمسك سعر كويس
صلي إستخاره وتوكل على الله
شكرا على ردود حضراتكم
بس فعلا انا مش عارف اخد قرار لان فى السوق فى تفاوت اسعار كتيرة فمش عارف هل اشترى موديل 2008 بسعر 80000جم هل دة توبها ولا 2007 بحوالى من 70000 الى 75000 حسب الحالة ولا اروح الى 2005 او 2006 الصراحة انا تعبت من البحث وشكرا